ពីតួរង តែពេលនេះ Zhao Li Ying, Yang Mi និង Fan Bingbing ល្បីជាងតួឯកអស់ហើយ

2021-07-19 10:05:00
ចំនួនមតិ 0 | ចំនួនចែករំលែក 0

ទោះបីជាចាប់ផ្ដើមអាជីពដោយតួអង្គរងក៏ពិតមែន តែតារាសម្ដែងស្រីចិនទាំងនេះ នៅពេលនេះ បានមានកេរ្តិ៍ឈ្មោះល្បីស្មើ ឬហួសតួឯកដែលខ្លួនធ្លាប់សម្ដែងអមអស់ហើយ។

១. Fan Bingbing

នៅក្នុងរឿងព្រះនាងយេយេ កំពូលតារាសម្ដែងស្រីចិន Fan Bingbing ដើរតួអ្នកបម្រើឲ្យព្រះនាងចៀវៃ និងព្រះនាងត្រចៀកកាំ។ ក្រោយមានវត្តមាននៅក្នុងរឿងនេះ កេរ្តិ៍ឈ្មោះរបស់នាង កាន់តែមានអ្នកស្គាល់ច្រើនជាងមុន។ ឆ្នាំ ២០១៧ តារាអាយុ៣៩ឆ្នាំរូបនេះ ត្រូវបាន Forbes ប្រកាសថាជាសិល្បករដែលមានចំណូលខ្ពស់ជាងគេប្រចាំឆ្នាំ វ៉ាដាច់ម្ចាស់របស់ខ្លួននៅក្នុងរឿងដែលជា តារាសម្ដែងស្រី Ruby Lin និង Zhao Wei។

២. Yang Mi

ស្រីស្អាតម្នាក់ទៀតដែលត្រូវដើរតួអ្នកបម្រើរបស់កំពូលតារាសម្ដែងស្រី Ruby Lin គឺជាសិល្បការិនី Yang Mi។ តាមនោះដែរ នៅក្នុងរឿងសម្រស់ផ្លែដាវ Yang Mi តែងតែដើរតាម បម្រើ Ruby Lin ពីដើមដល់ចប់។ យ៉ាងណាក្ដី ២ឆ្នាំជាប់គ្នាហើយ ស្រីស្អាតអាយុ ៣៤ឆ្នាំនេះ ជាប់ជាសិល្បករដែលមានឥទ្ធិពលជាងគេនៅប្រទេសចិន រីឯម្ចាស់របស់ខ្លួនខាងលើ មិនមានឈ្មោះក្នុងតារាង Top 10 ឡើយ។

៣. Zhao Li Ying

នៅក្នុងខ្សែភាពយន្តភាគ Spring Goes Spring Comes កំពូលតារាសម្ដែងស្រីចិន Zhao Li Ying ដើរតួជាអ្នកបម្រើក្នុងត្រកូលអភិជនមួយ ដែលមានម្ចាស់ជាតារាសម្ដែងស្រីជួរមុខ Ady An។ នៅពេលនោះ អ្នកម្ដាយកូន១មានរូបសម្បត្តិទ្រលុកទ្រលន់ សាមញ្ញ ធម្មតា។ រំលងផុតជាង១០ឆ្នាំ Ady An មិនសូវវាយលុកសិល្បៈ តែពេលនេះ Zhao Li Ying បានក្លាយជារាជិនីទូរទស្សន៍ចិន ដោយគ្រប់ស្នាដៃរបស់នាងសុទ្ធតែមានចំនួនអ្នកទស្សនាពាន់លានទាំងអស់៕