មនុស្សជាច្រើនឆ្ងល់ថា តើវាពិតជាអាចទៅរួចទេក្នុងការក្លាយជាមនុស្សម្នាក់ដ៏ល្អប្រសើរជាងមុននៅពេលអ្នកធំពេញវ័យ វ័យចំណាស់ និងនៅពេលចាស់នោះ? ហើយចម្លើយនោះគឺច្បាស់ណាស់ថាវាប្រាកដជាបាន។ អ្នកណាៗចង់ក្លាចជាមនុស្សល្អប្រើសើរ និងមានភាពជោគជ័យក្នុងជីវិតរស់នៅដូចៗគ្នា ប៉ុន្តែគ្រាន់តែអ្នកខ្លះដឹងពីរបៀបអនុវត្តរហូតបានសម្រចគោលដៅ ហើយមនុស្សមួយចំនួនទៀតក៏មិនបានទៅតាមអ្វីដែលខ្លួនចង់បាន។

វាតែងតែមានវិធីដើម្បីធ្វើការកែលម្អចំពោះខ្លួនឯង ហើយអ្វីដែលសំខាន់ជាងគេបំផុតនោះគឺការប្ដេជ្ញាចិត្តលើខ្លួនអ្នកក្នុងការសម្រេចនូវអ្វីដែលអ្នកចង់បាន ចង់ធ្វើ។ តើអ្វីទៅជាវិធីល្អបំផុតដើម្បីក្លាយជាមនុស្សដែលល្អប្រសើរជាងមុននោះ? តើវិធីណាដែលងាយស្រួលបំផុតក្នុងការអនុវត្តនោះ?

វិធីសំខាន់បំផុតដើម្បីធ្វើឲ្យអ្នកក្លាយជាមនុស្សដែលប្រសើរជាងមុននោះរួមមាន៖

• ការចេះជួយអ្នកដទៃការធ្វើចិត្តល្អសប្បុរស និងការចេះជួយយកអាសាអ្នកដទៃគឺល្អសម្រាប់សុខុមាលភាពផ្លូវចិត្តរបស់អ្នក
• ការបោះចោលរាល់កំហឹងដែលមាននៅក្នុងខ្លួន ការផ្លាស់ប្តូរជំនឿ ឬទម្លាប់នៃការខឹងរបស់អ្នកឲ្យទៅជាភាពស្ងប់ ការអភ័យទោស និងការដែលអ្នកមិនទុកវានៅក្នុងចិត្ត
• ជំរុញលើកទឹកចិត្តនឹងបង្កើនភាពខ្លាំងរបស់អ្នក អ្វីៗដែលអ្នកចេះគួរធ្វើវាឡើង ឬសាកល្បងអ្វីថ្មីៗដែលអ្នកមិនធ្លាប់ធ្វើពីមុនមកក្នុងការស្វែងរកភាពខ្លាំងរបស់អ្នក ហើយធ្វើការបង្ហាត់បង្រៀនវាទៅកាន់អ្នកដទៃ
• ផ្ដោតការយកចិត្តខ្លួនឯងជាងអ្វីៗទាំងអស់ ការថែទាំខ្លួនឯងទាំងសុខភាពរាងកាយនឹងសុខភាពផ្លូវចិត្តគឺជារឿងចាំបាច់ វាជួយការគិតគូររបស់អ្នកឲ្យកាន់តែប្រសើរឡើង ហើយរាល់បញ្ហាឬឧបសគ្គដែលមាននៅក្នុងជីវិតរស់នៅ អ្នកអាចធ្វើការដោះស្រាយនឹងប្រឈមមុខបាន

ដើម្បីក្លាយជាមនុស្សល្អវាទាមទារឲ្យមានការលះបង់ច្រើនណាស់ ហើយវាក៏ជារឿងដ៏អស្ចារ្យផងដែលនៅពេលអ្នកធ្វើវាបាននោះ វាផ្តល់អត្ថប្រយោជន៍ជាច្រើនសម្រាប់ខ្លួនឯង ក្រុមគ្រួសារ មិត្តភក្ដិ មនុស្សជុំវិញខ្លួន និងសង្គមរស់នៅ៕

ប្រភពរូបភាព៖ Pinterest

ចុចអានបន្ត៖

• របៀបរស់នៅឲ្យសប្បាយចិត្តខណៈពេលកូវីដកំពុងរាលដាលខ្លាំង
• ៩ សញ្ញាបញ្ជាក់ថាអ្នកគឺជាមនុស្សខ្លាចជ្រុលនឹងគិតតែទៅលើភាពអវិជ្ជមាន