សមរភូមិភាពយន្តខែកក្កដា៖ Yang Yang និង Dilraba ប៉ះ Yang Zi និង Xiao Zhan

2021-07-08 02:35:00
ចំនួនមតិ 0 | ចំនួនចែករំលែក 0

វិស័យភាពយន្តចិនខែកក្កដា គឺក្ដៅគគុកជាទីបំផុត ដោយប្រមូលផ្ដុំទៅដោយតារាជួរមុខជាច្រើនដួង ធ្វើឲ្យទស្សនិកជនទន្ទឹងរង់ចាំជាខ្លាំង។

ខណៈខែមិថុនាកន្លងផុតទៅ ដោយមិនសូវមានរឿងភាគចិនណាល្បីផ្ទុះ និងទទួលបានប្រជាប្រិយភាពខ្លាំងនោះ ខែកក្កដាបានធ្វើឲ្យអ្នកគាំទ្រ រំភើបជាខ្លាំង ត្បិតមានរឿងគួរឲ្យចាប់អារម្មណ៍ចេញចាក់ផ្សាយខ្លាំងពេក។

ជាក់ស្ដែង ត្រួសៗ គឺមានកំពូលតារាសម្ដែងដល់ទៅ៤ដួង ដែលនឹងប៉ះគ្នានៅក្នុងខែនេះ។ ដោយតារាសម្ដែងជួរមុខ Yang Yang និង Dilraba នឹងចេញរឿង You Are My Glory ដែលសន្យាថានឹងទាក់ចិត្តទស្សនិកខ្លាំង ត្បិតនៅក្នុងរឿងនេះ Dilraba នឹងសម្ដែងជាខ្លួនឯងផ្ទាល់ គឺកំពូលតារាសម្ដែងស្រី។

តទល់មួយនឹងមួយជាមួយស្រីស្រស់ប្រុសស្អាតខាងលើ គឺជាតារាលំដាប់ A មួយគូទៀតនោះគឺ Yang Zi និង Xiao Zhan ដោយអ្នកទាំង២នេះនឹងបញ្ចេញរឿង The Oath of Love។ តាមនោះដែរ គម្រោងរបស់តារាទាំង២មានព័ត៌មានថាត្រូវចេញផ្សាយតាំងពីខែ មិថុនា តែត្រូវពន្យាររហូតដល់ខែកក្កដា។

ជាមួយកំពូលតារាសម្ដែងទាំង៤ អ្នកគាំទ្រកំពុងរង់ចាំថា រឿងទាំង២ មួយណានឹងទទួលបានប្រជាប្រិយភាពជាង ត្បិតបើតាមការសង្កេត កេរ្តិ៍ឈ្មោះរបស់សិល្បករទាំង៤គឺមានភាពប្រហាក់ប្រហែលគ្នា ដូចនេះនៅតែទន្ទឹងចាំមើលសាច់រឿងទៀតតែប៉ុណ្ណោះ៕