កូវីដធ្វើឲ្យតារាសម្ដែងស្រីហុងកុងម្នាក់មកធ្វើជាសន្តិសុខ ព្រោះគ្មានរឿងថ្មីថត

2021-06-21 03:10:00
ចំនួនមតិ 0 | ចំនួនចែករំលែក 0

ដោយសារតែវិបត្តិជំងឺកូវីដ ១៩ តារាសម្ដែងស្រីហុងកុង Yang Qi ត្រូវសុំគេធ្វើការពលកម្មដើម្បីរកចំណូលមកចិញ្ចឹមក្រពះ។

កាលពីថ្ងៃទី ១៩ ខែមិថុនាកន្លងទៅនេះ បណ្ដាញព័ត៌មាន Apple Daily បានរាយការណ៍ថា តារាសម្ដែងស្រីហុងកុង Yang Qi បានចែករំលែកអំពីជីវិតរបស់នៅរបស់នាង ខណៈហុងកុងកំពុងមានវិបត្តិកូវីដ។

ស្រីស្អាតខាងលើបានប្រាប់បន្ថែមថា មួយឆ្នាំកន្លងមកនេះ គឺនាងមិនមានការងារថ្មីធ្វើឡើយ គឺអត់មានគម្រោងភាពយន្តថ្មីអ្វីសោះតែម្ដង។ ដើម្បីរកលុយចិញ្ចឹមខ្លួនឯង នាងបានសុំធ្វើជាសន្តិសុខនៅសាកលវិទ្យាល័យមួយ។ មុនពេលបានការងារជាប់លាប់ជាសន្តិសុខនេះ នាងបានធ្វើការងារក្រៅម៉ោងជាច្រើនកន្លែងដូចជា រោងចក្រផលិតទៀន រត់តុអាហារ និងលក់ផ្កាជាដើម។ យ៉ាងណាក្ដី ការងារទាំងនោះក៏ត្រូវបានបញ្ឈប់ព្រោះតែ គ្មានអតិថិជន។

ស្រីស្អាត ៣៧ឆ្នាំបានសារភាពថា ដោយសារតែគ្មានជម្រើសការងារច្រើនទេ ដូចនេះនាងមានអារម្មណ៍ថាដឹងគុណខ្លាំងណាស់ នៅពេលសាកលវិទ្យាល័យមួយនេះ ព្រមទទួលនាងធ្វើជាសន្តិសុខ។

“ជំងឺរាតត្បាតខ្លាំង ខ្ញុំ និងមិត្តភ័ក្ដិសុទ្ធតែបាត់បង់ការងារទាំងអស់ ដូចនេះហើយ ពេលនេះមានការងារធ្វើ ខ្ញុំសប្បាយចិត្តខ្លាំងណាស់។ ទោះចំណូលមិនច្រើនដូចមុនក៏ដោយ តែយ៉ាងណាក៏ខ្ញុំមានសមត្ថភាពចិញ្ចឹមខ្លួនឯងដែរ។

Yang Qi មុននោះបានថតរឿងជាច្រើនឲ្យផលិតកម្ម TVB តែដោយសារតែគ្មានការងារធ្វើ តារាកើតឆ្នាំ ១៩៨៤ និងមិត្តភ័ក្ដិផ្សេងទៀតត្រូវរកការងារពលកម្មធ្វើ ព្រោះអស់ការងារក្នុងសិល្បៈ៕

ប្រភព៖ news.zing.vn ប្រែសម្រួល៖ Caramel