ទ្រព្យ​ដែល​មនុស្ស​ស្រី​គួរ​ទិញ​ជូន​ខ្លួន​ឯង ទោះ​មិន​សូវ​ធូរធារ ដើម្បី​រំលឹក​ថា​ខ្លួន​នៅ​តែ​មាន​តម្លៃ​ជា​និច្ច

  • 2021-06-14 08:35:00
  • ចំនួនមតិ 0 | ចំនួនចែករំលែក 0

មនុស្ស​គ្រប់​វ័យ ជា​ពិសេស​ចាប់​ពី​វ័យ​ម្ភៃ​ក្រាស់​ឡើង​ទៅ មិ​ន​ថា​នៅ​លីវ ឬ​មាន​គ្រួសារ​ហើយ របស់​ទាំង​នេះ​គួរ​តែ​មាន​ក្នុង​ខ្លួន​ជា​និច្ច ដើម្បី​កុំ​ឲ្យ​ភ្លេច​ថា ទោះ​ក្នុង​កាលៈទេសៈ​ណា​ក៏​ខ្លួន​ជា​មនុស្ស​ស្រី​ដែល​មាន​តម្លៃ។

១. ខោ​អាវ​ល្អ​ៗ​ប៉ុន្មាន​ឈុត

មិន​ដឹង​ថា​ ក្នុង​ជីវិត​ប្រចាំ​ថ្ងៃ អ្នក​មាន​ស្ដាយ​ស្លៀកពាក់​យ៉ាង​ណា​ឡើយ តែ​សូម​ឲ្យ​ច្បាស់​ក្នុង​ចិត្ត​ថា នៅ​ក្នុង​ទូ​ខោអាវ​របស់​អ្នក នៅ​ពេល​​ណា​ក៏​មាន​​ខោអាវ​ដែល​អាច​ប្រើប្រាស់​បាន​ក្នុង​កម្មវិធី​ផ្លូវ​ការ យ៉ាង​ហោចណាស់​ក៏​ប៉ុន្មាន​ឈុត​ដែរ។ ទោះ​បី​ជា​ការ​រើស​អើង​វណ្ណៈ​តាម​រយៈ​ការ​ស្លៀកពាក់​មាន​ការ​ថយ​ចុះ​មែនពិត តែ​នៅ​តែ​មាន​ មិន​​ទាន់​អស់​ឡើយ។ កើត​មក​ជា​មនុស្ស​ស្រី រឿង​បែប​នេះ​ យើង​ត្រូវ​ត្រៀម​​ខ្លួន​ជា​និច្ច ព្រោះ​មិន​មែន​ចង់​ឈ្នះ​អ្នក​ណា​ឡើយ តែ​ក៏​មិន​ចង់​ចាញ់​អ្នក​ណា​គេ​ដូច​គ្នា។

២. គ្រឿង​សំអាង​តុបតែង​ខ្លួន​​មួយ​ឈុត

មនុស្ស​ស្រី​កើត​មក​គឺ​ដើម្បី​ថ្នាក់ថ្នម និង​ជា​សោភណ្ឌភាព​សម្រាប់​ពិភពលោក។ ដូច​នេះ​ហើយ ចេញ​ក្រៅ​ទោះ​បី​ជា​មិន​ចង់​ឲ្យ​ឡូយ​ឆាយ​ហោះ​ក៏​ដោយ ក៏​ត្រូវ​ចុះ​ចំណោម​នឹង​គេ​ដែរ។ ចេញ​ក្រៅ​ធម្មតា មិន​ធ្វើ​អ្វី​សោះ ក៏​មាន​ក្រែម​មួយ​ដើម។ ហើយ​ចូល​កម្មវិធី​ក៏​មិន​អាច​បណ្ដោយ​ខ្លួន​ឲ្យ​ស្លេកស្លាំង មើល​មិន​យល់​នោះ​ដែរ។ សូម​កុំ​ធ្វើ​ឲ្យ​បាត់​បង់​តម្លៃ​ខ្លួន​ឯង ដោយ​ការ​ខ្ជិល​ធ្វើ​ខ្លួន​ឲ្យ​សោះ។

៣. ទឹក​អប់​ល្អ​មួយ​ដប

គេ​តែង​និយាយ​ថា ឲ្យ​តែ​អ្នក​ក្រអូប គឺ​អ្នក​ទាក់ទាញ​ជាង​មុន ៥០​%​ទៅ​ហើយ។ មនុស្ស​ស្រី​យើង គួរ​ជៀសវៀង​រឿង​ទុក​ខ្លួន​ឲ្យ​​មាន​ក្លិន​មិន​ល្អ​ឲ្យ​ដាច់ ព្រោះ​ក្រៅ​ពី​មើល​ទៅ​មិន​ល្អ​ក្នុង​ភ្នែក​អ្នក​ដទៃ ក៏​ធ្វើ​ឲ្យ​ខ្លួន​យើង​បាត់បង់​ភាព​ជឿជាក់​ផង​ដែរ។ ទោះ​​ដឹងជា​ពេល​ខ្លះ ទឹក​អប់​ម៉ាក​ល្បី ហើយ​មាន​គុណភាព​ល្អ​គឺ​មាន​តម្លៃ​មិន​ទាប​ឡើយ តែ​បើ​មិន​មាន​លទ្ធភាព​ទិញ​ច្រើន​ដប យ៉ាងហោចណាស់​ក៏​មាន​ក្នុង​ខ្លួន​មួយ​ដប​ដែរ បម្រុង​ពេល​កម្មវិធី​ត្រូវ​ប្រើការ​បន្ទាន់។

៤. គ្រឿង​អលង្ការ​បន្តិចបន្តួច

អ្នក​ណា​ក៏​ដឹង​ដែរ មិន​មែន​គ្រប់​ស្រទាប់​វណ្ណៈ​ទាំង​អស់ សុទ្ធ​តែ​មាន​សមត្ថភាព​ទិញ​គ្រឿង​អលង្ការ​សម្រាប់​ខ្លួន​ឯង​បាន​ដែរ។ តែ​ប្រសិន​បើ​ក្នុង​ករណី​មាន​សមត្ថភាព សូម​កុំ​ត្បៀត​ខ្លួន​ឯង​រហូត​ដល់​ថ្នាក់​គ្មាន​មាស​មួយ​ជី​ជាប់​ខ្លួន​​ឲ្យ​សោះ។ សូម​វិនិយោគ​លើ​ខ្លួន​ឯង ដើម្បី​មើល​ទៅ​យើង​ស្រស់​ស្អាត ហើយ​ចំណែក​វិនិយោគ​នេះ​ក៏​មិន​បាត់​ទៅ​ណា​ដូច​គ្នា៕

ប្រភព៖ Phunutoday ប្រែ​សម្រួល៖ Caramel

អត្ថបទពេញនិយម
អត្ថបទថ្មី