ជំងឺធ្លាក់ទឹកចិត្តជាប្រភេទជំងឺកាចសាហាវដែលងាយនឹងឆ្លងទៅកាន់មនុស្សគ្រប់ៗគ្នាខ្លាំងណាស់ ប្រសិនបើមិនមានការប្រុងប្រយ័ត្ននោះ។ ក្រៅពីកត្តាមួយចំនួនដូចជាគ្រួសារ ការសិក្សា ការងារ និងបញ្ហាជីវិតរស់នៅប្រចាំថ្ងៃរបស់អ្នកស្នេហាគឺជារឿងចម្បងដែលអាចធ្វើឲ្យអ្នកកើតជំងឺធ្លាក់ទឹកចិត្តបានដោយងាយ។ នៅក្នុងទំនាក់ទំនងស្នេហារបស់អ្នកដែលមានបរិយាកាសអវិជ្ជមាន វាគឺជាសញ្ញាបង្ហាញថាទំនាក់ទំនងស្នេហារបស់អ្នកកំពុងធ្លាក់ចុះដុនដាប ហើយវាអាចនឹងធ្វើឲ្យអ្នកពិបាកចិត្តទៅតាមនោះដែរ។

ទាំងនេះគឺជាសញ្ញា ១០ យ៉ាងដែលអាចបញ្ជាក់ប្រាប់ថាទំនាក់ទំនងស្នេហារបស់អ្នកកំពុងធ្វើឲ្យអ្នកធ្លាក់ចូលទៅក្នុងជំងឺបាក់ទឹកចិត្តហើយ៖

១. អ្នកមិននិយាយរឿងរ៉ាវដែលបានកើតឡើងពីមួយថ្ងៃទៅមួយថ្ងៃប្រាប់ដៃគូ

២. អ្នកមានការភ័យខ្លាចចំពោះប្រតិកម្មរបស់ដៃគូមកកាន់អ្នក

៣. អ្នកធ្វើការពឹងផ្អែកទៅលើដៃគូរបស់អ្នកគ្រប់រឿងបែបយ៉ាង

៤. អ្នកមានអារម្មណ៍ថាទទួលរងបន្ទុកនៃទំនាក់ទំនងស្នេហាតែម្នាក់ឯង

៥. អ្នកបានដកខ្លួនចេញពីសកម្មភាពសង្គមនានា (រស់នៅ ឬធ្វើអ្វីៗតែឯង)

៦. អ្នកលែងមានបំណងចង់ជួសជុលទៅលើបញ្ហាស្នេហារបស់អ្នកតទៀត

៧. អ្នកធ្វើការលះបង់គ្រប់យ៉ាងច្រើនជាងដៃគូរបស់អ្នកចំពោះទំនាក់ទំនងស្នេហា

៨. អ្នកមានការព្រួយបារម្ភអំពីអនាគតនៃទំនាក់ទំនងរបស់អ្នកជារៀងរាល់ថ្ងៃ

៩. អ្នកកំពុងស្វែងរកនរណាម្នាក់ខាងក្រៅដើម្បីនិយាយអំពីបញ្ហាទំនាក់ទំនងរបស់អ្នក

១០. ដៃគូរបស់អ្នកឈប់ស្តាប់អ្នកតទៀតហើយ

អ្នកកំពុងតែវិវដ្ដទៅរកជំងឺធ្លាក់ទឹកចិត្តហើយប្រសិនបើអ្នកទទួលរងបញ្ហាណាមួយនៃរោគសញ្ហាទាំង ១០ ខាងលើនេះ។ អ្នកគួរព្យាយាមធ្វើការពិភាក្សាដោះស្រាយជាមួយដៃគូឲ្យអស់ពីសមត្ថភាពសិន ហើយបើវានៅតែមិនបានផលនោះអ្នកគួរស្វែងរកជំនួយពីខាងក្រៅ កុំព្រងើយកន្តើយឲ្យសោះ វាអាចនឹងធ្វើបាបចិត្តអ្នកនឹងនាំអ្នកទៅរកជំងឺបាក់ទឹកចិត្តដោយសារទំនាក់ទំនងស្នេហានោះ៕

ប្រភពរូបភាព៖ Pinterest

ចុចអានបន្ត៖

• ១០ សញ្ញាបញ្ជាក់ថាគេនោះធ្លាក់ក្នុងអន្លង់ស្នេហ៍ជាមួយអ្នក
• ស្នេហ៍ស្មោះ ផ្អែមល្ហែម នឹងមានសុភមង្គលដោយគ្រឿងផ្សំទាំង ៨ យ៉ាងនេះ