មនុស្សប្រុសស្រលាញ់អ្នកខ្លាំង នឹងផ្ដល់រឿង២នេះឲ្យ តែនឹងមិនប្រាប់អ្នកឡើយ

2021-05-11 08:30:00
ចំនួនមតិ 0 | ចំនួនចែករំលែក 0

គេខ្លាចតែនៅពេលប្រាប់ហើយ តែធ្វើមិនបាន កាន់តែធ្វើឲ្យអ្នកខកចិត្ត ដូចនេះ គេសុខចិត្តសម្ងំដល់ពេលសម្រេចតែម្ដង ទើបនិយាយចេញមក ប្រសិនបើគេពិតជាស្រលាញ់អ្នកពិត។

១. ចង់ឃើញមនុស្សដែលខ្លួនស្រលាញ់មានក្ដីសុខ

សួរថាមានមនុស្សប្រុសណា ចង់ឃើញប្រពន្ធ ឬសង្សារខ្លួនធ្វើការគ្មានថ្ងៃលោះ មកដល់ផ្ទះវិញ គ្មានកម្លាំងអ្វីសោះនៅក្នុងខ្លួននោះ? តែដោយសារតែសមត្ថភាពនៅមានកម្រិត មិនអាចផ្គត់ផ្គង់ឲ្យទាំងសងខាងបាន ក៏ត្រូវបង្ខំចិត្តមើលមនុស្សដែលខ្លួនស្រលាញ់ ត្រូវអ្នកខ្លះឈ្នានីស ក៏ដូចជាមើលងាយជាដើម។ នៅក្នុងចិត្ត មនុស្សដែលស្រលាញ់អ្នក គេចង់តែប្រាប់ថា នឹងលែងឲ្យអ្នកលំបាកទៀតហើយ និងសុំឲ្យអ្នកទ្រាំបន្តិច ព្រោះនៅថ្ងៃខាងមុខ គេនឹងជាអ្នករ៉ាប់រងសម្រាប់គ្រួសារមួយនេះ។ ដូចនេះហើយ ទោះបីជាបច្ចុប្បន្ននៅលំបាកក៏ដោយ សូមអ្នកកុំបោះបង់ និងអស់សង្ឃឹម ហើយត្រូវជឿលើបុរសដែលស្រលាញ់អ្នក។

២. ចង់បង្ហាញឲ្យឃើញថា គេមានសមត្ថភាព

វាការអាម៉ាស និងតូចចិត្តបំផុត នៅពេលឃើញមនុស្សប្រុសដទៃ អាចធ្វើឲ្យមនុស្សដែលខ្លួនស្រលាញ់មានក្ដីសុខ ទាំងដែលខ្លួនមិនទាន់អាចធ្វើបាន។ តែវាសនា និងវិថីមនុស្សគ្រប់រូបខុសៗពីគ្នា សង្សារអ្នកបរាជ័យនៅថ្ងៃនេះ មិនប្រាកដថា គេនឹងចាញ់រហូតនោះឡើយ។ ដរាបណាគេមិនទាន់បោះបង់ គេនៅតែមានសង្ឃឹមជោគជ័យជានិច្ច។ អ្នកដែលស្រលាញ់អ្នកពិតប្រាកដ គេរង់ចាំតែថ្ងៃគេជោគជ័យដើម្បីបង្ហាញឲ្យអ្នកឃើញទេថា គេធ្វើគ្រប់បែបយ៉ាងនេះដើម្បីអ្នក និងអនាគតទាំង២។ គេចង់ប្រាប់អ្នកថា សូមទុកចិត្តលើគេ ព្រោះគេក៏មានសមត្ថភាពដឹកនាំគ្រួសារមួយបានដែរ៕