ការងារសិល្បៈហាក់ស្ងប់ស្ងាត់មែន តែអតីតស្វាមី Yang Mi នៅតែមានចំណូលរាប់សិបលានដុល្លារ
- 2021-05-11 01:54:00
- ចំនួនមតិ 0 | ចំនួនចែករំលែក 0
ការងារសិល្បៈហាក់ស្ងប់ស្ងាត់មែន តែអតីតស្វាមី Yang Mi នៅតែមានចំណូលរាប់សិបលានដុល្លារ
ទោះមិនមានគម្រោងភាពយន្តថ្មី ក៏ដូចជាសកម្មភាពច្រើននៅក្នុងសិល្បៈក្ដី តែតារាសម្ដែងប្រុសល្បីឈ្មោះហុងកុង Harwick Lau នៅតែមានចំណូលច្រើនពីការវិនិយោគរបស់ខ្លួនដើម្បីរកប្រាក់ចិញ្ចឹមកូនស្រី។
កាលពីថ្ងៃទី ៦ ខែឧសភាកន្លងទៅនេះ តារាសម្ដែងប្រុសជើងចាស់ Liu Dan ដែលជាឪពុកបង្កើតរបស់តារាសម្ដែងប្រុសហុងកុង Harwick Lau និងជាអតីតពុកក្មេករបស់កំពូលតារាសម្ដែងស្រីចិន Yang Mi បានផ្ដល់បទសម្ភាសន៍ថ្មីពាក់ព័ន្ធនឹងកូនស្រីរបស់ តារាស្រីវ័យ៣៥ឆ្នាំនេះ។
តាមនោះដែរ ដូចសព្វមួយដង លោកព្យាយាមគេចគ្រប់វិធីដើម្បីកុំឲ្យរំលឹកដល់តួរឿងនិស្ស័យស្នេហ៍ទេវតា៣ជាតិ ព្រោះមិនចង់ឲ្យមានការរំខាន និងពាក់ព័ន្ធដល់នាង។ នៅក្នុងបទសម្ភាសន៍នេះដែរ លោកបានឲ្យដឹងថា នៅក្នុងថ្ងៃទិវារអ្នកម្ដាយនៅចិននេះ កូនស្រីរបស់ Yang Mi បានគូរគំនូរដល់យាយរបស់គេ។ យ៉ាងណាក្ដី ដោយសារតែកូនស្រីរូបនេះ គ្មានកាដូអ្វីឲ្យម្ដាយបង្កើតទាល់តែសោះធ្វើឲ្យគេសង្ស័យថា មនោសញ្ចេតនារវាងអ្នកទាំង២មិនជិតស្និទ្ធិនោះទេ។
ក្រៅពីនេះ អ្នកកាសែតក៏រំលឹកពីប្រាក់ចំណូលដ៏ច្រើនរបស់ Harwick Lau បានពីការថតរឿងនៅចិនដីគោកប៉ុនា្មនឆ្នាំចុងក្រោយនេះ។ យ៉ាងណាមិញ នៅឆ្នាំនេះ លោកមិនមានគម្រោងថ្មីឡើយ។ ទោះយ៉ាងណាក៏ដោយ ដោយសារតែវិនិយោគអចលនទ្រព្យត្រូវប៉ាន់ ប្រុសស្អាត ៤៦ឆ្នាំនៅតែរកចំណូលបាន ២០០លានយាន់ (៣០លានដុល្លារ)។
ជាមួយនឹងចំណូលរាប់សិបលាននេះ Harwick Lau ទោះបីជាគ្មានរឿងថ្មីថតក៏មិនសូវព្រួយបារម្ភខ្លាំង ដ្បិតចំណូលធ្លាក់ជាងមុនច្រើនក្ដី តែបើគ្រាន់តែចិញ្ចឹមគ្រួសារ និងទិញដោះគោឲ្យកូនស្រីនោះ ថវិការប៉ុននេះ គឺលើសពីគ្រប់គ្រាន់ហើយ៕