The Story of Love ដែលពិបាកគេចផុត ទោះមិនធ្លាប់ជួប ក៏ធ្លាប់លឺ
- 2021-05-04 08:26:00
- ចំនួនមតិ 0 | ចំនួនចែករំលែក 0
The Story of Love ដែលពិបាកគេចផុត ទោះមិនធ្លាប់ជួប ក៏ធ្លាប់លឺ
ទាំងនេះ ជារឿងរ៉ាវស្នេហា ដែលមនុស្សគ្រប់គ្នាពិបាកគេចផុត ហើយតែងតែលឺគេនិយាយគ្រប់គ្នា ទោះមិនធ្លាប់ជួបប្រទះខ្លួនឯងនៅឡើយក៏ដោយ។
១. មិនថាមនុស្សប្រុស ឬស្រីទេ សុទ្ធតែចេះប្រច័ណ្ឌទាំងអស់ ។ ខុសត្រង់ថា ការប្រច័ណ្ឌរបស់មនុស្សស្រីគឺមានភាពស្មុគស្មាញជាងមនុស្សប្រុស។
២. ៩០% នៃមនុស្សប្រុសចូលចិត្តមនុស្សស្រីស្អាត និង Cute តែ១០០% នៃមនុស្សប្រុស ចង់បានមនុស្សស្រីដែលឆ្លាត។
៣. កុំខ្លាចគ្រាន់តែបាក់បែកស្នេហា ព្រោះគ្មាននរណាស្លាប់ដោយសារតែរឿងបែកគ្នាទេ។ មានតែមនុស្សទន់ខ្សោយប៉ុណ្ណោះ ដែលសុខចិត្តធ្វើអត្តឃាតខ្លួនឯង។
៤. ស្នេហាច្រើនតែមិនអាចកើតឡើង នៅពេលអ្នករង់ចាំវា។ តែពេលអ្នកមានអារម្មណ៍ថាខ្លួនឯងធូរស្រាលជាងមុន វានឹងចូលមក ធ្វើឲ្យអ្នកភ្ញាក់ផ្អើលមិនខាន។
៥. កុំទុកពេលវេលាច្រើនដងពេក ឲ្យមិត្តស្និទ្ធនិងសង្សាររបស់អ្នកនៅជាមួយគ្នាតែពីរនាក់។
៦. ប្រសិនបើអ្នកមានអារម្មណ៍ថាខ្មាសព្រោះគិតថាសង្សារមិនស្អាតពេលបណ្តើរគ្នានៅខាងក្រៅមានន័យថា អ្នកមិនបានស្រលាញ់គេនោះទេ។
៧. កុំនិយាយដើមសង្សារថាមិត្តប្រុសមិនដែលធ្វើល្អដាក់អ្នកសោះ ព្រោះនៅពេលនោះអ្នកនឹងទទួលបានមកវិញនូវពាក្យថា "ល្ងង់"។
៨. បើអ្នកដឹងខ្លួនថាជាមនុស្សពូកែប្រច័ណ្ឌ កុំរកសង្សារដែលជាមនុស្សសង្ហា ។
៩. ទោះមនុស្សប្រុសសម្លឹងមើលស្រីស្អាតហើយសិចស៊ី តែមិនមានន័យថា គាត់ចង់បានមិត្តស្រីជាមនុស្សបែបនេះទេ។
១០. កុំណាត់ជួបជាមួយបុរសដែលតែងរំលឹកពីសង្សារចាស់របស់គេ ព្រោះថ្ងៃណាមួយ នឹងដល់វេនរបស់អ្នក។
១១. ជ្រើសរើសមនុស្សប្រុសដែលស្រលាញ់តន្រ្តី ស្រលាញ់គ្រួសារ ស្រលាញ់សត្វ ប្រសើរជាងជ្រើសរើសបុរសដែលស្រលាញ់តែខ្លួនឯង។
១២. រៀបការជាមួយបុរសដែលមានអាយុច្រើន អាចធ្វើឲ្យអ្នកយល់ថាមិនសូវសមគ្នា តែចំណុចសំខាន់គឺអ្នកមានសំណាង ព្រោះទទួលបានបុរសដែលល្អ និងស្មោះត្រង់។
១៣. កុំលង់លើបុរសដែលខ្ជិល ប្រមឹក ហើយអាត្មានិយម ព្រោះជីវិតដែលនៅសេសសល់ទាំងប៉ុន្មានរបស់អ្នកនឹងចុះនរកទាំងអស់។
១៤. អាយុមិនមែនជាឧបសគ្គស្នេហាឡើយ បើបេះដូងរបស់អ្នកទាំងពីរភ្ជាប់គ្នាយ៉ាងស្អិតនោះ។
១៥. ទោះដឹងថាផ្លូវស្នេហាមិនស្រួលដើរដូចផ្លូវថ្នល់ តែមនុស្សភាគច្រើននូវតែជ្រើសយកស្នេហា ជាជាងនៅម្នាក់ឯង។
១៦. បើទោះជាបុរសនិយាយថាមិនចូលមនុស្សស្រី MakeUp តែមនុស្សប្រុសក៏មិនចូលចិត្តមនុស្សស្រីស្លេកស្លាំង អត់ជាតិដែរ។
១៧. ទោះប្រើភាសាខុសគ្នា ក៏នៅតែអាចស្រលាញ់គ្នាបាន ព្រោះភាសាបេះដូងគឺជាភាសាសកលដែលមិនចាំបាច់ត្រូវការជំនួយបកប្រែ។
១៨. មនុស្សដែលយើងស្រលាញ់ និងមនុស្សដែលស្រលាញ់យើង អាចមិនមែនជាមនុស្សតែមួយ។ រឿងនេះនឹងបង្រៀនអ្នកឲ្យពិបាកគ្រប់គ្រងអារម្មណ៍បេះដូងខ្លួនឯង។
១៩. មនុស្សម្នាក់កាន់តែចាស់ទុំ នៅពេលធ្លាក់ក្នុងអន្លង់ស្នេហ៍នរណាម្នាក់ ហើយកាន់តែចាស់ទុំទៀតនៅពេលស្នេហាបាក់បែក។
២០. មនុស្សស្រលាញ់គ្នា ពេលដើរតាមផ្លូវទោះមិនកាន់ដៃគ្នា ក៏នៅតែមានអារម្មណ៍គ្រប់គ្រាន់៕