ទឹកមានប្រយោជន៍បំផុតសម្រាប់សរីរាង្គកាយរបស់មនុស្ស និងជាអ្វីដែលអ្នកត្រូវការជាចំបាច់ក្នុងការរក្សាជាតិទឹកនៅក្នុងខ្លួនជាប្រចាំថ្ងៃ។ ប៉ុន្តែតើអ្នកធ្លាប់បានដឹងទេថានៅពេលដែលអ្នកផឹកវាក្នុងសីតុណ្ហភាពក្ដៅឧណ្ហៗ អ្នកនឹងទទួលបានគុណប្រយោជន៍ជាច្រើនសម្រាប់សុខភាពរាងកាយ និងសុខភាពស្បែករបស់អ្នក។ មនុស្សភាគច្រើនមិនបានចាប់អារម្មណ៍ទៅលើរឿងនេះទេ ដោយសារទឹកត្រជាក់គឺជាជម្រើសដំបូងសម្រាប់ពួកគេ ពីព្រោះតែអាកាសធាតុស្រុកយើងក្ដៅ ហើយមកឥឡូវនេះវាជារដូវក្ដៅទៀតដូចច្នេះទឹកត្រជាក់គឺជាជម្រើសតែមួយដែលធ្វើឲ្យអារម្មណ៍នៃការស្រែកទឹកបាត់។

អ្នកក៏ធ្លាប់បានដឹងរួចមកហើយថាប្រភេទរបបអាហារសុខភាព និងប្រភេទភេសជ្ជដែលអ្នកទទួលទានជារៀងរាល់ថ្ងៃដើរតួយ៉ាងសំខាន់ចំពោះសុខភាពនឹងសម្រស់របស់អ្នក។ វាល្អប្រសើរជាងការសម្ភស្ស ប្រើផលិតផលថ្លៃៗកប់ពពកដើម្បីជំនួយស្បែកនឹងសុខភាព។ អ្នកគួរតែងាកមកប្រើវិធីបែបធម្មជាតិៗវិញទើបប្រសើរជាង។

ទាំងនេះគឺជាអត្ថប្រយោជន៍ពីការទទួលទានទឹកក្ដៅឧណ្ហៗជាប្រចាំថ្ងៃ៖

• វាជួយធ្វើការសម្អាតស្បែករបស់អ្នកឲ្យភ្លឺថ្លា
• ជួយការពារភាពចាស់មុនអាយុបានយ៉ាងមានប្រសិទ្ធភាព
• ជួយបំបាត់អការៈរមាស់នៅលើស្បែ និងអង្គែស្បែកក្បាល
• ធ្វើឲ្យស្បែកអ្នកងាយស្រូបយកផលិតផលជំនួយ ឬគ្រឿងតុបតែងមុខ
• ជួយផ្តល់សំណើមដល់ស្បែកបានល្អ និងបានយូរ
• ហើយវាក៏ជួយការពារស្បែករបស់អ្នកពីការឆ្លងមេរោគនានាបានផងដែរ

វាមិនត្រឹមតែជាជំនួយទៅលើសុខភាពស្បែកប៉ុណ្ណោះទេ តែវាក៏ផ្តល់អត្ថប្រយោជន៍មួយចំនួនទៀតដល់សុខភាពរាងកាយ។ ការផឹកទឹកក្តៅឧណ្ហៗជាប្រចាំក៏អាចជួយការពារអ្នកពីជំងឺផ្ដាសាយ គ្រុណក្ដៅ ជំងឺក្រលៀន និងជួយប្រឆាំងបញ្ហារលាកផ្សេងៗទៀត។ នៅពេលដែលសរីរាង្គរបស់អ្នកស្អាត វាក៏ធ្វើឲ្យសុខភាពស្បែករបស់អ្នកស្រស់ស្អាតភ្លឺថ្លាផងដែរ៕

ប្រភពរូបភាព៖ Freepik

ចុចអានបន្ត៖

• រូបមន្តធ្វើឲ្យសក់ដុះក្រាស់ក្នុងរយៈពេលខ្លី
• ស្ទាយសម្លៀកបំពាក់ស្អាតៗសម្រាប់ខែក្តៅនេះ !