តើខែណា ទើបទំនាក់ទំនងស្នេហាអ្នកអាចកើតឡើងបាន សាករើសកាតមួយ
- 2021-02-23 04:35:00
- ចំនួនមតិ 0 | ចំនួនចែករំលែក 0
តើខែណា ទើបទំនាក់ទំនងស្នេហាអ្នកអាចកើតឡើងបាន សាករើសកាតមួយ
បើអ្នកនៅ Single ហើយចង់ដឹងថាតើពេលណា ទើបអ្នកអាចជួបមនុស្សម្នាក់ក្នុងបេះដូងឆាប់ៗ សាកល្បងរើសកាតមួយដែលខ្លួនស្រលាញ់។
កាត A
កាតនេះបង្ហាញថា ទំនាក់ទំនងស្នេហារបស់អ្នកនឹងកើតឡើងចន្លោះខែកក្កដា និងសីហា។ កន្លងមក អ្នកជាមនុស្សឯកាខ្លាំងណាស់ ព្រមទាំងចង់បានមនុស្សម្នាក់មកនៅក្នុងបេះដូងឆាប់ៗ។ យ៉ាងណាក៏ដោយ អ្នកជាមនុស្សពេញដោយថាមពល និងស្វាហាប់។ ដោយសារអ្នកចូលចិត្តដើរកម្សាន្ត និងលំហែចិត្តនៅខាងក្រៅច្រើន ហេតុនេះអ្នកនឹងបានជួបមនុស្សម្នាក់ដោយចៃដន្យ ខណៈពេលចេញទៅដើរលេង។ ដូច្នេះ សូមកុំឃុំខ្លួនឯង ហើយគួរឧស្សាហ៍ចេញដើរលេងខាងក្រៅក្នុងចន្លោះខែទាំងនោះ។
កាត B
កាតនេះបង្ហាញថា អ្នកតែងត្រូវបានគេបង្អាប់ស្ទើរមិនលួសពេលជាមួយមនុស្សនៅជុំវិញអ្នក នាពេលកន្លងមក។ អ្នកជាមនុស្សរួសរាយ ហេតុនេះអ្នកងាយស្រួលក្នុងការបង្កើតមិត្តភក្កិថ្មីៗមិនថាបុរស ឬស្រ្តីនោះទេ។ លើសពីនេះ ពួកគេក៏ចូលចិត្តអ្នកវិញផងដែរ ព្រោះអ្នកតែងតែបង្ហាញពីទង្វើរវិជ្ជមាន ដែលជាទីចាប់អារម្មណ៍របស់មនុស្សទូទៅ។ កាន់តែពិសេសទៀតនោះ អ្នកតែងទទួលបានការចាប់អារម្មណ៍ខ្លាំងពីសំណាក់មនុស្សភេទផ្ទុយ នៅពេលជួបគ្នាលើកដំបូង។ ក្នុងខែមិថុនា សំណាងរបស់អ្នក ចាប់ផ្តើមកើនឡើងគួរឲ្យកត់សម្គាល់ មានមនុស្សជាច្រើនចាប់អារម្មណ៍មកលើអ្នក ហើយពេលនោះ នឹងមានម្នាក់ក្នុងចំណោមពួកគេ សារភាពស្នេហ៍មកកាន់អ្នកមិនខាន។
កាត C
កាតនេះបង្ហាញថា ផ្កាយសំណាងរបស់អ្នកនឹងរះឡើងក្នុងចន្លោះខែសីហា និងវិច្ឆិកា។ នៅដើមឆ្នាំដំបូងនេះ អ្នកផ្តោតខ្លាំងលើការរកប្រាក់ ការងារជាចម្បង។ ដោយឡែកពេលចូលដល់ពាក់កណ្តាលឆ្នាំ អ្នកនឹងមានឱកាសបានជួបមនុស្សភេទផ្ទុយច្រើននាក់។ ម្យ៉ាងទៀត ឱកាសនៃការស្គាល់គ្នានោះ គឺតាមប្រព័ន្ធអ៊ីនធឺណេត តែសម្រាប់អ្នកផ្ទាល់ ចង់បានស្នេហាដែលស្គាល់គ្នាដោយជួបមុខគ្នាផ្ទាល់ច្រើនជាង។ យ៉ាងណាក៏ដោយ គឺស្ថិតលើការសម្រេចចិត្តរបស់អ្នក តែនៅពេលអ្នកទាំងពីរបានស្គាល់គ្នាហើយ អ្នកទាំងពីរចុះសម្រុងគ្នាណាស់ ។
កាត D
កាតនេះបង្ហាញថា បុគ្គលិកលក្ខណៈរបស់អ្នកជាមនុស្សរីករាយ ចេះអបអរសាទរនៅពេលឃើញអ្នកផ្សេងបានជោគជ័យ និងជាមនុស្សគួរឲ្យចូលចិត្តសម្រាប់អ្នកផងទាំងពួង។ អ្នកមានរូបសម្បត្តិស្រស់ស្អាត និងតែងត្រូវបានមនុស្សមានវ័យច្រើនជាងខ្លួន លង់ស្រលាញ់។ លើសពីនេះ អ្នកក៏ជាមនុស្សមានទេពកោសល្យ ពូកែដោះស្រាយ និងមានប្រជាប្រិយភាពចំពោះអ្នករាល់គ្នា។ ក្នុងឆ្នាំនេះ ផ្កាយសំណាងរបស់អ្នកចាប់ផ្តើមរះខ្លាំងក្នុងខែមករា កុម្ភៈ និងខែធ្នូ ហេតុនេះ សូមក្តាប់ឱកាសនិងស្វែងរកដៃគូដ៏ល្អឥតខ្ចោះម្នាក់ដោយខ្លួនឯង កុំឲ្យបាត់បង់៕