Angelababy រស់នៅក្នុងផ្ទះតម្លៃជាង ២០លានដុល្លារ

2021-01-18 02:55:00
ចំនួនមតិ 0 | ចំនួនចែករំលែក 0

នៅអាស៊ី ក៏ដូចជាលើពិភពលោកទាំងមូល កម្រៃរបស់ខ្លួនរបស់តារាជួរមុខចិនមិនចាញ់ប្រទេសមួយណាទាំងអស់ ដោយតារាលំដាប់កំពូលចិន អាចរកចំណូលបានស្មើ ឬលើសតារាហូលីវូដផងដែរ។

នៅក្នុងចំណោម ប្ដីប្រពន្ធកំពូលតារាសម្ដែង Huang Xiaoming និង Angelababy ត្រូវបានចាត់ទុកថា ជាតារាដែលមានឥទ្ធិពល និងមានខ្លាំង។ បណ្ដាញព័ត៌មាន SCMP បានរាយការណ៍ថា មុនឆ្នាំ២០១៥ ស្រីស្រស់ប្រុសស្អាតនេះ បានចំណាយលុយ ១៥.៤លានដុល្លារ ដើម្បីទិញភូមិគ្រឹះបែបអឺរ៉ុប នៅស្រុកកំណើតរបស់ Huang Xiaoming ដែលនៅខេត្ត San Dong ប្រទេសចិន។

កាលពីខែ ឧសភា ឆ្នាំ២០២០ ស្រីស្អាតកូន១បានបង្ហោះរូបផ្ទះរបស់ខ្លួនមួយសន្លឹក ដែលបានធ្វើឲ្យគេដឹងថា គេហដ្ឋានរបស់នាងគឺស្ថិតនៅក្នុងគម្រោង Oriental Pearl ដែលជាខុនដូលំដាប់កំពូលនៅចំកណ្ដាលបេះដូងក្រុងសៀងហៃ។ ផ្ទះរបស់ Baby មានទំហំ ៧៥៣៥ និងមានតម្លៃ ២១.៦លានដុល្លារ។

មុនពេលចិនរឹតបណ្ដឹងតម្លៃខ្លួនតារា ស្រីស្អាត ៣១ឆ្នាំ ធ្លាប់ទទូលតម្លៃខ្លួនខ្ទង់១០លានដុល្លារ សម្រាប់រឿងភាគមួយ។ ទោះបីជាក្រោយពេលត្រូវរឹតបណ្ដឹងហើយក្ដី សិល្បការិនីឆ្នាំ ១៩៨៩ នៅតែមានទ្រព្យច្រើនកប់ពពកពីការថតស្ប៉ត និងចូលរួមក្នុងកម្មវិធីសិល្បៈនានា៕