តើត្រូវចំណាយលុយប៉ុន្មានដើម្បីកែមុខឲ្យបានដូច Deng Lun?

2021-01-13 08:09:00
ចំនួនមតិ 0 | ចំនួនចែករំលែក 0

អ្នកកាសែតល្បីឈ្មោះមួយរូបទើបតែធ្វើការសន្និដ្ឋាននូវចំនួនទឹកលុយដែលត្រូវចំណាយ ដើម្បីធ្វើការវះកាត់មុខឲ្យដូច តារាសម្ដែងប្រុសកំពុងឡើងកូដចិន Deng Lun។ តួលេខមួយនេះបានធ្វើឲ្យមនុស្សជាច្រើនភ្ញាក់ផ្អើល។

កាលពីពេលថ្មីៗនេះ តារាកំប្លែង និងអ្នកកាសែតចិនឈ្មោះ Ye Wen Bing បានប្រកាសពីតួលេខទឹកលុយដែលត្រូវចំណាយដើម្បីមានទម្រង់មុខដូចតារាសម្ដែងប្រុសល្បីឈ្មោះ Deng Lun។ ជាក់ស្ដែង អ្នកកាសែតខាងលើបានបានរៀបរាប់លំអិតពីផ្នែកនីមួយៗតែម្ដង ដោយទាំងអស់ត្រូវមាន៦ជំហានដើម្បីមានទម្រង់មុខដូចប្រុសស្អាត ២៨ឆ្នាំ។

ជំហានទី១ គឺត្រូវកាត់ថ្គាម ក្រោយមកកាត់បបូរមាត់ ហើយធ្វើច្រមុះ និងបីជំហានចុងក្រោយនោះគឺកាត់ចុងភ្នែក លើកសាច់ដុំមុខ និងបណ្ដុះសក់ឲ្យវែង។ យោងតាមទិន្និន័យខាងលើ ដើម្បីមានទម្រង់មុខដូចតួរឿង Ash Of Love ត្រូវចំណាយសរុប ៣៤៩០០០យាន់ (៥៤០០០ដុល្លារ)។

យ៉ាងណាក្ដី តារាកំប្លែងដដែលក៏បានផ្ដាំឲ្យមនុស្សទាំងឡាយឲ្យដឹងមុនដែរថា ទម្រង់មុខមនុស្សផ្សេងគ្នា មិនប្រាកដថាចាយអស់លុយប៉ុណ្ណឹង នឹងទទួលបានដូចប្រុសស្អាតខាងលើតែម្ដងនោះឡើយ៕