អ្នកគាំទ្របះសក់ច្រូងពេលដឹងតម្លៃផ្ទះជាង២០លានដុល្លររបស់ Zheng Shuang

2021-01-13 02:54:00
ចំនួនមតិ 0 | ចំនួនចែករំលែក 0

មិនសូវអួតពីទ្រព្យសម្បត្តិផ្ទាល់ខ្លួនឡើយ តែនៅពេលចែករំលែកម្ដងៗ តារាសម្ដែងស្រីល្បីឈ្មោះចិន Zheng Shuang បានធ្វើឲ្យអ្នកគាំទ្រភ្ញាក់ផ្អើលមិនស្ទើរឡើយ។

ប្រធានបទដ៏ក្ដៅគគុកនៅលើបណ្ដាញសង្គម Weibo គឺខុនដូលំដាប់កំពូលតារាសម្ដែងស្រីល្បីឈ្មោះ Zheng Shuang។ តាមនោះដែរ នៅលើគណនីរបស់ខ្លួន តួរឿងស្នេហាបួនដួង បង្ហោះរូបផ្ទះសុទ្ធតែកញ្ចក់នៅលើជាន់ខ្ពស់ដោយភ្ជាប់ជាមួយ caption ថា៖ ឆ្នាំ២០២១ ខ្ញុំត្រូវតែឯករាជ្យ ខ្ញុំបានសម្រេចចិត្តចេញនៅម្នាក់ឯង ស៊ូៗ Xiao Shuang។ លើកនេះគឺខ្ញុំតុបតែងគ្រប់យ៉ាងដោយខ្លួនឯង។

មនុស្សគ្រប់គ្នា ដំបូងឡើយស្មានតែស្រីស្អាត ២៩ឆ្នាំគ្រាន់តែអួតផ្ទះថ្មីបែបធម្មតាៗ តែនៅពេលដឹងតម្លៃពិតនៃគេហដ្ឋានមួយនេះ អ្នកគាំទ្របានភ្ញាក់ព្រើតតែម្ដង។ តាមនោះដែរ គេហដ្ឋានខាងលើស្ថិតនៅក្នុងគម្រោង The Magic City Fuxing Long Royal ដែលជាតំបន់ថ្លៃបំផុតនៅកណ្ដាលទីក្រុងសៀងហៃ។ ជាក់ស្ដែង ផ្ទះរបស់ Zheng Shuang មានតម្លៃ ១៥០លានយាន់ (២៣លានដុល្លារ)។

ដោយផ្ទះមួយនេះគឺជាប្រភេទ Penthouse (ខុនដូដែលមានច្រើនជាន់នៅក្នុងផ្ទះមួយ) ហើយមានទំហំ ៦៣០ម៉ែត្រការ៉េ មិនទាន់គិតជាន់លើ។ ក្រោយពេលឃើញដូចនេះ មនុស្សជាច្រើនបានមានចម្ងល់ថា ទោះបីជា Zheng Shuang មិនទាន់ជាតារាកំពូលនោះទេ តែមានប៉ុននេះទៅហើយ មិនដឹងតារាដែលលំដាប់ខ្ពស់ជាងនាង មិនដឹងជាមានយ៉ាងណាឡើយ៕