សម្រស់ Luhan មុនពេលចូល SM ស្អាតដល់ថ្នាក់ស្រីៗសុំខ្មាស នេះហើយមូលហេតុកាលនោះ SM មិនឲ្យរំលងផុត

2020-12-21 03:10:00
ចំនួនមតិ 0 | ចំនួនចែករំលែក 0

ក្រោយពេលមើលរូបភាពមុនពេលចូលសិល្បៈរបស់តារាសម្ដែង និងចម្រៀងប្រុសចិន Luhan គេមិនមានចម្ងល់ឡើយថាហេតុអីលោករ៉ាប់រងតួនាទី Visual (រូបសម្បត្តិ) នៅក្នុងកំពូលក្រុមចម្រៀង EXO។

កាលពីថ្ងៃទី ២០ ខែធ្នូមុននេះ បណ្ដាញព័ត៌មាន Sohu បានទាក់ទាញចំណាប់អារម្មណ៍ទស្សនិកជនជាខ្លាំងនៅពេលគេហទំព័រមួយនេះ បានចុះផ្សាយពីកម្រងរូបភាពរបស់តារាចម្រៀង និងសម្ដែងប្រុសលំដាប់ A ចិន Luhan មុនពេលលោកចូលសិល្បៈ។ សម្រស់កាលពីនៅរៀនសកលវិទ្យាល័យរបស់ប្រុសស្អាតវ័យ៣០ឆ្នាំ បានធ្វើឲ្យមនុស្សជាច្រើនស្ទើរតែមិនជឿថា ពេលនោះលោកមិនទាន់ចូលសិល្បៈនៅឡើយ។

នៅលើ Sohu មនុស្សជាច្រើនបានបញ្ចេញមតិថា ទោះបីជាមនុស្សស្រីក៏មិនអាចមានទម្រង់មុខស្អាតដូចអតីតសមាជិក EXO បានដែរ។ បកក្រោយបន្តិច កាលពេលទើបង្ហាញខ្លួនដំបូង Luhan រ៉ាបរងតួនាទី Visual នៅក្នុងក្រុមចម្រៀងដែលមានសមាជិក១២នាក់ សុទ្ធតែមានសម្រស់បានទាំងអស់។ ពេលនេះទើបគេយល់ថា ហេតុអ្វីប្រុសស្អាតរូបនេះ ត្រូវបានផលិតកម្មយក្ស SM ដណ្ដើមយកលោកឲ្យទាល់តែបាន។

ទន្ទឹមនឹងនោះដែរ មនុស្សជាច្រើនក៏បានលើកឡើងដែរថា ក្រៅពីស្រស់សង្ហានោះ លោកក៏មានសាច់ចាំមិនចេះចាស់ ដ្បិតចូលសិល្បៈជិត១០ឆ្នាំ សម្រស់របស់លោកនៅតែដដែល ហាក់គ្មានប្រួលប្រែអ្វីបន្តិចសោះ៕