បែកធ្លាយ Dilraba មិនចង់ចូលរួមកម្មវិធីជាមួយ Yang Yang ធ្វើឲ្យប៉ុស្តិ៍ទូរទស្សន៍ពិបាកចិត្តយ៉ាងខ្លាំង

2020-12-17 08:00:00
ចំនួនមតិ 0 | ចំនួនចែករំលែក 0

ប៉ុស្តិ៍ទូរទស្សន៍អនឡាញ Youku បានសម្ដែងការខកចិត្តយ៉ាងខ្លាំងនៅពេលតារាសម្ដែងស្រីល្បីឈ្មោះ Dilraba មិនព្រមបង្ហាញខ្លួនជាមួយប្រុសស្អាត Yang Yang។ កាលពីថ្ងៃទី ១៦ ខែធ្នូមុននេះ បណ្ដាញព័ត៌មាន QQ បានធ្វើឲ្យអ្នកគាំទ្រភ្ញាក់ផ្អើលជាខ្លាំង នៅពេលប្រភពមួយនេះប្រកាសថា តារាសម្ដែងស្រីកំពុងឡើងកូដចិន Dilraba បានច្រានចោលសំណើរបង្ហាញខ្លួនជាមួយតារាសម្ដែងប្រុសជួរមុខ Yang Yang។ តាមនោះដែរ កំពូលតារាសម្ដែងទាំង២ កំពុងសហាការគ្នានៅក្នុងរឿង You Are My Glory ដោយអ្នកទាំង២គឺជាតួអង្គឯកទាំង២តែម្ដង។

យ៉ាងណាក្ដី ចំណងមិត្តភាពរបស់អ្នកទាំង២ហាក់មិនសូវល្អ ដោយនៅពេលគេហទំព័រ Youku ដែលជាអ្នកកាន់សិទ្ធិចាក់បញ្ចាំរឿងនេះ ស្នើរឲ្យពួកគេបង្ហាញមុខរួមគ្នាដើម្បីផ្សព្វផ្សាយរឿងនោះ ស្រាប់តែខាងស្រីបានបដិសេធយ៉ាងដាច់អហង្ការតែម្ដង។ ជាក់ស្ដែង Youku បានរៀបចំឲ្យអ្នកទាំង២ចូលរួមក្នុងកម្មវិធីនៅចុងឆ្នាំនេះមួយ ខណៈ Yang Yang គ្មានអ្វីចោទជាបញ្ហានោះ ស្រាប់តែតួរឿង និស្ស័យស្នេហ៍ទេវតាបីជាតិ បានប្រាប់ថា មិនអាចចូលរួមកម្មវិធីនេះបានឡើយ ហើយក៏មិនបានប្រាប់ពីមូលហេតុច្បាស់លាស់ដែរ។

សកម្មភាពនេះរបស់ស្រីស្អាតអាយុ ២៨ឆ្នាំ បានធ្វើឲ្យប៉ុស្តិ៍ទូរទស្សន៍ពិបាកចិតុ្តយ៉ាងខ្លាំង ត្បិតបើនាងមិនចូលរួមកម្មវិធីទេ មានន័យថា រឿងនេះនឹងមិនបានផ្សព្វផ្សាយ ហើយមិនល្បីឈ្មោះ ដែលអាចធ្វើឲ្យគេខាតលុយជាច្រើន។ ផ្ទុយមកវិញ អ្នកគាំទ្ររបស់ Dilraba បានលើកឡើងថា អ្នកគាំទ្ររបស់ Yang Yang គឺកាចខ្លាំងណាស់ ដោយពួកគេមិនចង់ឲ្យលោកកៀកកើយជាមួយស្រីណាឡើយ ដែលអាចជាមូលហេតុធ្វើឲ្យ Dilraba មិនចង់បង្ហាញមុខរួមគ្នាជាមួយលោក៕

ប្រភព៖ Kenh14 ប្រែសម្រួល៖ Caramel