អាយុក្រៅ ៤០អស់ហើយ តែតួឯកទាំង៣របស់រឿងព្រះនាងយេយេនៅតែរក្សាបានសម្រស់ល្អឥតខ្ចោះ

2020-09-22 03:00:00
ចំនួនមតិ 0 | ចំនួនចែករំលែក 0

មិនត្រឹមតែមានកេរ្តិ៍ឈ្មោះ និងទ្រព្យសម្បត្តិច្រើនស្ដុកស្ដម្ភនោះទេ តួឯកស្រីទាំង៣របស់រឿងព្រះនាងយេយេ រួមមាន Zhao Wei, Ruby Lin និង Fan Bingbing សុទ្ធតែរក្សាបានសម្រស់ក្មេងខ្ចី ទោះស្ថិតក្នុងជ្រេហើយក៏ដោយ។

សម្រាប់អ្នកជំនាន់ឆ្នាំ ៨០ជាង ៩០ជាង ប្រហែលជានឹងមិនអាចបំភ្លេចឡើយនូវកំពូលខ្សែភាពយន្តចិន ព្រះនាងយេយេ ដែលធ្លាប់បានអង្រួនបេះដូងរបស់ទស្សនិកជនក្មេងចាស់ ប្រុសស្រីជាច្រើននៅទូទាំងអាស៊ី។ ក្រោយរយៈពេល ២៣ឆ្នាំ តាំងពីចាក់លើកដំបូង រឿងភាគខាងលើនៅតែទទួលបានប្រជាប្រិយភាពរាល់ពេលចាក់ផ្សាយឡើងវិញ។

រឿងនេះផងដែរ ក៏បានជួយពង្រឹងកេរ្ដិ៍ឈ្មោះឲ្យតារាសម្ដែងស្រីទាំង៣ រួមមាន Zhao Wei, Ruby Lin និង Fan Bingbing ត្រូវបានគេស្គាល់យ៉ាងទូលំទូលាយ។

ទន្ទឹមនឹងប្រិជាប្រិយភាព និងទ្រព្យសម្បត្តិច្រើនរាប់មិនអស់នោះគឺ អ្វីដែលអត់នឹងមិនសរសើរមិនបានគឺ ការថែរក្សាសម្រស់របស់តារាលំដាប់ជួរមុខទាំង៣ ដោយទោះបីជា Zhao Wei និង Ruby Lin សុទ្ធតែមានអាយុ ៤៤ឆ្នាំ និង Fan Bingbing អាយុ ៣៩ឆ្នាំហើយក្ដី តែបុប្ផាទាំង៣នៅតែមានសាច់ចាំ មិនចេះចាស់។ គេសង្កេតឃើញថា សិល្បការិនីខាងលើធ្លាប់បណ្ដោយខ្លួនឲ្យធាត់មែនពិត តែបច្ចុប្បន្នពួកគេសុទ្ធតែសម្រករាងបានសម្រច ដោយសម្រស់មិនខុសពីកាលទើបចូលសិល្បៈប៉ុន្មានឡើយ៕