ចង់ដឹងរឿងរ៉ាវស្នេហាអ្នកនឹងមានអ្វីកើតឡើងនៅខែក្រោយ សាករើសរូបមួយ

2020-09-21 04:42:00
ចំនួនមតិ 0 | ចំនួនចែករំលែក 0

តោះ! រើសរូបមួយខាងក្រោម ហើយផ្ទៀងចម្លើយទាំងអស់គ្នា ថាតើរឿងរ៉ាវស្នេហារបស់អ្នកនឹងមានអ្វីកើតឡើង នៅខែបន្ទាប់?

១៖ ប្រសិនបើចិត្តរបស់អ្នកប្រាប់ឲ្យជ្រើសយករូបទីមួយ គឺគូស្នេហ៍អង្គុយលើកៅអី នោះបង្ហាញថា :

ក្នុងករណីអ្នកកំពុងស្ថិតក្នុងទំនាក់ទំនងស្នេហា នោះអ្នកនឹងចាប់ផ្តើមមានអារម្មណ៍ធុញទ្រាន់គ្នា ។ អារម្មណ៍មួលម៉ៅ ការគិតអវិជ្ជមាននឹងកើតឡើងក្នុងទំនាក់ទំនងរវាងអ្នកទាំង២មិនខាន។ ដូច្នេះហើយ កុំព្យាយាមបណ្តោយឲ្យរឿងបែបនេះកើតឡើង ដែលធ្វើឲ្យជះឥទ្ធិពលអាក្រក់ដល់ផ្លូវចិត្ត ព្រមទាំងធ្វើឲ្យស្នេហាអ្នកឈានដល់ផ្លូវបំបែកទៀតក៏ថាបាន។ អ្វីដែលគួរចៀសវាងមួយទៀត គឺជម្លោះ ហើយត្រូវផ្លាស់ប្តូរទម្លាប់អាក្រក់ចោល។ ប្រសិនបើអ្នកអាចឆ្លងផុតដំណាក់កាលនេះបាន នោះសម្ព័ន្ធភាពស្នេហារបស់អ្នកនឹងអាចដើរផ្លូវជាមួយគ្នាបាន ដោយគ្មានការឈឺចាប់នោះទេ។

ក្នុងករណីដែលអ្នកនៅ Single នោះអ្នកប្រហែលនឹងជួបមនុស្សម្នាក់ ដែលគួរជាទីចាប់អារម្មណ៍ដែលអ្នកស្ទើរតែមិនអាចស្មានដល់។ ការយកចិត្តទុកដាក់ចំពោះគ្នាទៅវិញទៅមកនូវឱកាសនោះ នឹងធ្វើឲ្យអ្នកស្គាល់រសជាតិស្នេហ៍នាពេលអនាគតមិនខាន។

២៖ ប្រសិនបើចិត្តរបស់អ្នកជម្រុញឲ្យរើសយករូបទី២ គឺគូស្នេហ៍គេងលើគ្រែ បង្ហាញថា :

ក្នុងករណីដែលអ្នកកំពុងស្ថិតក្នុងទំនាក់ទំនងហើយអ្នកក៏កំពុងបន់ស្រន់ថា សុំឲ្យចំណងស្នេហ៍របស់អ្នកដើរផ្លូវដោយរលូន ចុះសម្រុងគ្នានិងស្រលាញ់គ្នាឲ្យបានយូរ នោះការបន់នេះ ទំនងជាគ្មានផ្លូវទេ។ យ៉ាងណាក៏ដោយ អ្នកទាំងពីរគួរតែចំណាយពេលអង្គុយចុះ ហើយចែករំលែករឿងស្មោះត្រង់ និងបញ្ហាក្នុងបេះដូងដល់ដៃគូម្ខាងទៀតឲ្យបានដឹង ទើបជាការល្អ។

ក្នុងករណីអ្នកនៅ Single នោះអ្នកនឹងជួបមនុស្សដែលគួរឲ្យចាប់អារម្មណ៍ និងមានភាពទាក់ទាញម្នាក់ តែគួរឲ្យស្តាយ អ្នកនឹងគេអាចបាត់បង់់ទំនាក់ទំនងនេះវិញ។ យ៉ាងណាក៏ដោយ អ្នកនៅតែទទួលបានអារម្មណ៍ល្អ រួមទាំងអនុស្សាវរីយ៍ពិសេសៗជាមួយគ្នា។ ដូច្នេះ សូមកុំបាក់ទឹកចិត្តតែត្រូវរីករាយនឹងជីវិតមួយនេះ ព្រោះមិនខ្វះរឿងល្អៗកំពុងរង់ចាំអ្នកនោះទេ។ ពិភពលោកនេះធំណាស់ ហើយក៏មានរឿងគួរឲ្យភ្ញាក់ផ្អើលជាច្រើន សម្រាប់អ្នកផងដែរ។ តែសំខាន់ត្រង់ថា តើអ្នកព្រមឲ្យរឿងល្អៗទាំងនោះ ដើរចូលក្នុងជីវិតរបស់អ្នកច្រើនកម្រិតណា។

៣៖ ប្រសិនបើបេះដូងអ្នកបញ្ជាឲ្យយករូបទី៣ គឺគូស្នេហ៍កំពុងឈរក្រោមឆ័ត្របង្ហាញថា :

ក្នុងករណីអ្នកកំពុងស្ថិតនៅក្នុងទំនាក់ទំនង បន្តិចទៀតអ្នកទំនងត្រូវប្រឈមនឹងការសម្រេចចិត្តមួយដ៏សំខាន់។ កាន់តែសំខាន់ទៀតនោះ វានឹងល្អបំផុតប្រសិនបើការសម្រេចចិត្តនោះផ្អែកលើអារម្មណ៍របស់អ្នក។ អ្នកធ្លាប់ពន្យារពេលម្តងហើយម្តងទៀតអស់កាលជាយូរមកហើយ ដោយសារតែអ្នកគិតពីមនុស្សម្នាក់នោះ ហើយគេមិនយល់ពីរឿងនេះនៅឡើយ។ តែសុំកុំបារម្ភ ដៃគូរបស់អ្នកនឹងយល់ពីវាជាមិនខាន ហើយគេថែមទាំងអាណិតអាសូរព្រមទាំងគាំទ្រអ្នកអស់ពីចិត្តថែមទៀត។ ថ្វីបើ អ្នកនឹងត្រូវឆ្លងកាត់អារម្មណ៍ច្របូកច្របល់ក៏ដោយ តែវានឹងមិនអាចបំផ្លាញទំនាក់ទំនងរបស់អ្នក ជាមួយមនុស្សដទៃឡើយ។

ក្នុងករណីអ្នកនៅ Single អ្នកច្បាស់ជាជួបមនុស្សពិសេសម្នាក់មិនខាន។ លើសពីនេះ អ្នកមានឱកាសបញ្ចប់ពាក្យថា "នៅលីវ" ទៀតផង។ ប៉ុន្តែយ៉ាងណាក៏ដោយ គ្រប់យ៉ាងគឺអាស្រ័យលើអ្នកសម្រេចនោះទេ ហេតុនេះអ្នកដាច់ខាតត្រូវតែប្រុងប្រយ័ត្ននិងសកម្មបន្តិច បើសិនជាអ្នកមិនចង់ឲ្យឱកាសនេះកន្លងហួសនោះ។

ត្រូវចាំថា កុំចូលចិត្តស្មាននេះស្មាននោះ ឬស្តាប់សម្តីអ្នកដទៃច្រើនពេក។ មនុស្សដែលជិតស្និទ្ធនឹងអ្នក ជួនកាលគេជាអ្នកកំពុងជ្រៀតជ្រែកសុភមង្គល ព្រោះគេមិនចង់ឲ្យវាកើតឡើង។ ម្ល៉ោះហើយ សូមប្រុងប្រយ័ត្ន។ គួរតែបើកផ្លូវឲ្យស្នេហាមួយនេះចូលមករកអ្នក ព្រមទាំងទទួលយកវាដោយសន្សឹមៗ តាមច្បាប់ធម្មជាតិ៕

ប្រភព៖ ione ប្រែសម្រួល៖ លឹម សុនា