៣ អាថ៍កំបាំងដែលមិនមែនមនុស្សប្រុសរូបណាក៏ហ៊ានប្រាប់សង្សារ ឬប្រពន្ធរបស់ខ្លួន

2020-09-15 09:23:00
ចំនួនមតិ 0 | ចំនួនចែករំលែក 0

ប្រសិនបើមនុស្សស្រីតែងមានរឿងចង់ឲ្យដៃគូជីវិតរបស់ខ្លួនដឹងនោះ តាមការពិតមនុស្សប្រុសក៏ដូចគ្នា គ្រាន់តែពួកគេមិនហ៊ាននិយាយចេញប៉ុណ្ណោះ។ ខាងក្រោមនេះគឺជារឿងទាំង៥ដែលពួកគេចង់ឲ្យខាងស្រីយល់ពីអារម្មណ៍គេដូចគ្នា។

១. ជឿជាក់លើគេ

មនុស្សប្រុសគ្រប់រូបដែលមានអាយុ២០ប្លាយ ភាគច្រើនមិនទាន់មានការងាររឹងមាំទេ។ ប្រសិនបើគេស្រលាញ់អ្នកពិត គេពិតជាក្លាហានខ្លាំងណាស់ ព្រោះមិនតិចអ្នកឡើយដោយសារតែគិតថាខ្លួនមិនទាន់មានអី មិនហ៊ានស្រលាញ់អ្នកណាទាំងអស់។ ដូចនេះ ដើម្បីផ្ដល់កម្លាំងចិត្ត គេគ្រាន់តែចង់ឲ្យយើងជឿជាក់លើគេប៉ុណ្ណោះ។ គេតែងថា នៅពីក្រោយបុរសដែលជោគជ័យ តែងមាននារីម្នាក់ ហើយនារីម្នាក់នោះ អាចជារូបអ្នកក៏ថាបាន។

២. អាហារពេលយប់ដ៏កក់ក្ដៅ

បុរសណាក៏ដូចគ្នា ទោះខាងក្រៅហត់យ៉ាងណា ពិបាកយ៉ាងណា តែពេលមកដល់ផ្ទះ ប្រសិនជាឃើញប្រពន្ធរៀបចំបាយទឹករួច ហើយចាំខ្លួនត្រលប់មកវិញនោះ ស្ទើតែគ្រប់ការហត់នឿយទាំងប៉ុន្មានគឺរលាយអស់ហើយ។ ទោះនេះគ្រាន់តែជារឿងដ៏សាមញ្ញមួយ តែជាវិធីដែលរក្សាមនោសញ្ចេតនាបានល្អបំផុត ព្រោះគេថាមនុស្សប្រុសស្រលាញ់នរណាម្នាក់ គឺតាមផ្លូវក្រពះ។

៣. ភាពរ៉ូមេនទិក

មនុស្សស្រីជាច្រើននឹងគិតថា ប្រហែលមានតែខាងស្រីទេដែលចង់បានភាពរ៉ូមេនទិក។ តែអ្នកគិតច្រឡំហើយ មិនថាបុគ្គលណាទាំងអស់ គឺសុទ្ធតែចង់បានសេចក្ដីសុខ ដែលគូស្នេហ៍ខ្លួនផ្ដល់ឲ្យដូចគ្នា។ យូរៗម្ដង អ្នកអាចជូនកាដូបន្តិចបន្តួចដល់មិត្តប្រុសដោយមិនមែនក្នុងឱកាសពិសេសអ្វីទាំងអស់ ដើម្បីលើកទឹកចិត្តគ្នា ឲ្យកាន់តែមានភាពស្និទ្ធស្នាល កុំឲ្យស្នេហាឆាប់សាបរលាប៕

ប្រភព៖ Phunutoday ប្រែសម្រួល៖ Caramel