មនុស្សស្រីអាយុនៅក្មេង តែឆាប់ចាស់មុនអាយុ គឺមកពីទម្លាប់អាក្រក់ទាំងនេះ

2020-09-11 07:50:00
ចំនួនមតិ 0 | ចំនួនចែករំលែក 0

ការឆោតដ៏ធំបំផុតរបស់មនុស្សស្រីគឺរិះថាំហួសហេតុពេកចំពោះខ្លួនឯង។ ត្រូវចាំថា ជីវិតនេះមានតែមួយ កុំតឹងតែងចំពោះខ្លួនឯងខ្លាំងពេក។ ខាងក្រោមនេះគឺជាមូលហេតុដែលធ្វើឲ្យមនុស្សស្រី ទោះអាយុនៅក្មេង តែចាស់មុនអាយុខ្លាំង។

១. រិះគន់ និយាមដើមគេ

មនុស្សស្រីថ្លៃថ្នូរ គឺគ្មានថ្ងៃទៅនិយាយដើមអ្នកដទៃឡើយ រឹតតែគ្មានថ្ងៃរិះគន់អ្នកដទៃដូចគ្នា។ អ្នកណាកើតមកមានអ្នកណាល្អឥតខ្ចោះនោះ។ មួយថ្ងៃៗ យកតែពេលទៅជុំគ្នា និយាយដើមគេ រកចំណុចមិនល្អរបស់គេមកគាស់កាយ ក៏ធ្វើឲ្យអ្នកចាស់ជាងអាយុដែរ។

២. មិនចេះថែរក្សាស្បែក រាងខ្លួនឯង

នៅពេលដែមមនុស្សស្រីបោះបង់ មិនគិតដល់ចំណុចនេះហើយ មានន័យថា អ្នកលែងស្រលាញ់ខ្លួនឯងហើយ ដូចនេះកុំរំពឹងថាមានអ្នកណាស្រលាញ់ខ្លួនឲ្យសោះ។ អ្វីៗបើចង់ឲ្យគង់វង្សទាល់តែចេះថែរក្សា។ សម្រស់ក៏ដូចគ្នា បើមិនបំប៉នទេ គឺមិននៅឡើយ។

៣. ហូបចុកប្រថុចញុច គ្មានជីវជាតិ

ដោយសារតែបញ្ហាជីវភាព មនុស្សជាច្រើន សឹងតែគ្មានពេលសម្រាប់ហូបបាយ៣ពេល។ ដល់ម៉ោងបាយ ពួកគេក៏រកអ្វីកំប៉ិកកំប៉ុកមកដាក់ក្រពះ ដោយគ្មានជាតិចូវអ្វីសោះ។ ប្រការនេះ មិនត្រឹមតែធ្វើឲ្យសម្រស់អ្នកបាក់នោះទេ សូម្បីតែសុខភាពអ្នកក៏ចុះខ្សោយដូចគ្នា។

៤. រិះថាំចំពោះខ្លួនឯងពេក

មនុស្សស្រីឆោតបំផុត គឺរិះថាំហួសហេតុចំពោះខ្លួនឯង។ ជីវិតកើតមក ម្នាក់មានតែមួយ សូមកុំតឹងតែងដាក់ខ្លួនឯងពេក។ ធ្វើអ្វីក៏ដោយត្រូវយកខ្លួនជាគោល កុំឲ្យខ្លួនឯងត្រូវខាតឲ្យសោះ។

៥ . បញ្ហាតែមួយ តែគិតច្រើនពេក

អ្នកឆ្លាត រឿងអ្វីកន្លងហួស គេនឹងឲ្យហួសតែម្ដង មិនជីកកកាយវិញឡើយ។ ព្រោះអ្វីដែលទៅហើយ ទោះប្រឹងនឹកស្ដាយ ក៏មិនអាចត្រលប់ក្រោយបាន។ បើនៅតែគិត នាំតែក្រញាញ់ខួរ ចាស់មុនអាយុប៉ុណ្ណោះ៕

ប្រភព៖ Phunutoday ប្រែសម្រួល៖ Caramel