Yang Mi ត្រូវគេប្រទះឃើញសង្សារក្មេងចេញចូលផ្ទះជួលនាងញឹកញាប់
- 2020-08-14 07:15:00
- ចំនួនមតិ 0 | ចំនួនចែករំលែក 0
Yang Mi ត្រូវគេប្រទះឃើញសង្សារក្មេងចេញចូលផ្ទះជួលនាងញឹកញាប់
ទោះបីជាតែងតែគេចវេសមិននិយាយពីរឿងមនោសញ្ចេតនាក៏ដោយ តែតារាសម្ដែងស្រីល្បីឈ្មោះចិន Yang Mi នៅតែលាក់រឿងនេះ មិនជិតដោយសារមានអ្នកកាសែតតាមកន្ទុយជាប់ជានិច្ច។
កាលពីព្រឹកថ្ងៃទី ១៣ ខែសីហាមុននេះ បណ្ដាញព័ត៌មាន Sina បានធ្វើឲ្យអ្នកគាំទ្ររបស់កំពូលតារាសម្ដែងស្រី Yang Mi ភ្ញាក់ផ្អើលយ៉ាងខ្លាំង នៅពេលប្រភពមួយនេះបានប្រកាសពីកម្រងរូបភាព សិល្បការិនីរូបនេះចេញចូលផ្ទះតែមួយជាមួយមិត្តប្រុសរបស់នាងដែលជា តារាសម្ដែងប្រុសវ័យក្មេង Wei Da Xun។
តាមនោះដែរ ប្រភពមួយនេះបាន តាមដានតួរឿង និស្ស័យស្នេហ៍ ទេវតា៣ជាតិ យូរមកហើយ។ នៅមុននេះបន្តិច គេបានឃើញនាង និងតារាប្រុសរូបនេះចេញចូលផ្ទះរួមគ្នា នៅតំបន់ស្ទូឌីយោ Haung Ding។ តាមការសង្កេតរបស់ Sina ដោយសារតែកំពុងមានរឿងត្រូវថតនៅទីនេះ ទើបស្រីស្អាតវ័យ ៣៤ឆ្នាំ ជួលផ្ទះនៅតំបន់នេះដើម្បីងាយស្រួលថតរឿង ហើយសង្សាររបស់នាងក៏មកស្នាក់នៅជាមួយដែរ។
ទោះជាយ៉ាងណាក្ដី ដូចសព្វមួយដងដដែរ គូស្នេហ៍មួយគូនេះ នៅតែរក្សាភាពស្ងៀមស្ងាត់ដោយគ្មានការបកស្រាយអ្វីទាំងអស់។
គួរបញ្ជាក់ផងដែរថា Yang Mi និងសង្សារក្មេងជាងខ្លួន ៥ឆ្នាំនេះ ត្រូវបានគេប្រទះឃើញទាក់ទងគ្នាតាំងពីឆ្នាំ ២០១៩ ម្ល៉េះតែគ្មានអ្នកណាទទួលស្គាល់ឡើយ៕