សម្រាប់មិត្តនារីមួយចំនួនដែលមានសាច់យារធ្លាក់ច្រើននៅដើមដៃអាចនឹងមិនមានទំនុកចិត្តគ្រប់គ្រាន់ពេលច ង់​ស្លៀក​សម្លៀកបំពាក់​អាវវាល។ នៅពេលអ្នកធាត់ ឬអ្នកឡើងទម្ងន់ រូបរាងកាយរបស់អ្នក​នឹងប្រែ​ប្រួល​ទៅ​តាម​ហ្នឹងដែរ ហេតុដូច្នោះហើយធ្វើឲ្យអ្នកពិបាកជ្រើសរើសសម្លៀកបំពាក់ណាស់។ ថ្ងៃនេះ ប្រិយ​មិត្តទំាង​អស់​គ្នា​នឹងបានដឹងពីវិធីងាយៗជួយឲ្យដើមដៃរបស់អ្នកមានសាច់តិចឬស្រកស្រឡូនធម្មតាវិញ។ វិធី​ទំាងនោះ​រួម​មាន៖

ជំហានទី ១

អ្នកត្រូវអង្គុយដូចធម្មតាដោយត្រដាងដៃរបស់អ្នកទំាងសងខាង។ រួចហើយក៏ទះដៃទំាងពីរចូលគ្នា ដោយធ្វើជា ៣ ដងក្នុងមួយថ្ងៃ ហើយក្នុងមួយដងធ្វើទះចូលគ្នាឲ្យបានចំនួន ៤០ ដង។

ជំហានទី ២

អ្នកត្រូវថយកែងដៃរបស់អ្នកហើយធ្វើជារង្វង់។ តែអ្នកត្រូវចងចំាថារក្សាខ្នងឲ្យត្រង់ នៅពេលអ្នកធ្វើវា។ ធ្វើដូច​នេះ​ជាបីផ្នែក ដោយមួយផ្នែកៗមានចំនួន ៤០ ដង។

ជំហានទី ៣

អ្នកត្រូវរក្សាដៃរបស់អ្នកឲ្យបាន ៩០ ដឺក្រេ រុញដៃទំាងពីរទៅមុនទៅក្រោយ។ អ្នកត្រូវធ្វើ​ឲ្យបានជាបី​ផ្នែក​ដោយ​មួយ​ផ្នែកៗមានចំនួន ៤០ ដងដូចគ្នានឹងក្បាច់ផ្សេងទៀត។

មានហេតុផលជាច្រើនដែលធ្វើឲ្យអ្នកមានសាច់យារធ្លាក់នៅដើមដៃដូច្នោះដោយវាអាចមកពី ការពាក់​អាវ​រឹបៗ​ពេក ការប្រមូលផ្តុំជាតិខ្លាញ់ ការមានកាយវិការមិនត្រឹមត្រូវជាដើម។ ប៉ុន្តែកាលណាអ្នកធ្វើ​លំហាត់​ប្រាណបាន​ត្រឹម​ត្រូវ​និងជាប្រចំា អ្នកនឹងអាចរក្សាដៃរបស់អ្នកឲ្យនៅស្រឡូនដូចមុនបាន៕​

រូបភាព៖ 小红书@梁馨, Pinterest

ចុចអានបន្ត៖

ផលវិបាកនៃការញុំាទឹកតិចដែលអ្នកគួរតែដឹង