៧ ជំហានផ្លាស់ប្តូរម្រាមដៃរបស់អ្នកទៅជាស្លីមស្រឡូន គួរឲ្យចង់ប៉ះ
- 2020-07-10 04:50:00
- ចំនួនមតិ 0 | ចំនួនចែករំលែក 0
៧ ជំហានផ្លាស់ប្តូរម្រាមដៃរបស់អ្នកទៅជាស្លីមស្រឡូន គួរឲ្យចង់ប៉ះ
ម្រាមដៃម៉ត់រលោង គ្មានស្នាមជ្រួញជាក្តីប្រាថ្នារបស់មិត្តនារីគ្រប់រូប។ ម្ល៉ោះហើយការលាបត្រឹមសម្រាប់ប្រអប់ដៃមួយមុខ មិនគ្រប់គ្រាន់ឡើយ។ អ្នកគួរអនុវត្តវិធីមួយចំនួនបន្ថែមទៀត។
មុនចាប់ផ្ដើមម៉ាស្សាម្រាមដៃ មិត្តនារីគប្បីលាបគ្រីមសម្រាប់ប្រអប់ដៃដើម្បីឲ្យជាតិសំណើមទៅចិញ្ចឹមកោសិកាម្រាមដៃ បង្កើតភាពងាយស្រួល និងស្បែកដៃមើលទៅទន់ម៉ត់រលោង មានជាតិទឹក។ ហើយនៅពេលអ្នកលាបគ្រីមរួច អ្នកគួរចាប់ផ្តើមម៉ាស្សាប្រអប់ដៃដោយប្រើម្រាមដៃឈ្លីថ្នមៗតាមជំហានទាំង៧នេះ។
១. ជំហានទី១៖
លាម្រាមដៃឲ្យឃ្លាតៗពីគ្នាតាមដែលអាចទៅរួច បន្ទាប់មកចាប់ផ្តើមវិលចូលគ្នាវិញ ដោយដំបូងផ្តើមពីមេដៃទៅចង្អុលដៃ។ បន្ទាប់មកពីចង្អុលដៃទៅដៃកណ្តាល រួចដៃកណ្តាលទៅដៃនាង និងចុងក្រោយទៅកូនដៃ។ រួចត្រលប់ច្រាសមកវិញ ដោយផ្តើមពីកូនដៃទៅដៃនាងវិញជាបន្តបន្ទាប់។
២. ជំហានទី២៖
យកម្រាមដៃទាំង៥ផ្គុំចូលគ្នាឡើងលើ។ បន្ទាប់មកប្តូរមកជាក្តាប់ដៃវិញ ដោយព្យាយាមក្តាប់យ៉ាងណាឲ្យណែនកាន់តែល្អ។
៣. ជំហានទី៣៖
ដាក់ម្រាមដៃឲ្យត្រង់ បន្ទាប់មកយកមេដៃម្ខាងទៀតមកច្របាច់ឈ្លីពីពាក់កណ្តាលម្រាមរបស់ដៃចង្អុលចុះទៅក្រោមដល់ចុងដៃ។ បន្ទាប់មកចាប់ពីគល់ដល់ចុងតែម្តង។ អនុវត្តរបៀបនេះគ្រប់ម្រាមដៃទាំងអស់ដូចៗគ្នា។ ចលនានេះជួយឲ្យចរន្តឈាមរត់និងដំណើរការបានល្អ ។
៤. ជំហានទី៤៖
ថ្ពក់ម្រាមដៃទាំងអស់ចូលគ្នា ហើយបត់ចុះក្រោម រួចបត់ឡើងលើវិញ ដែលវិធីនេះជួយចលនាសាច់ដុះម្រាមដៃ អាចបំបាត់ភាពជ្រីវជ្រួញរបស់ស្បែកដៃបាន។
៥. ជំហានទី៥៖
យកម្រាមដៃមួយច្របាច់ឈ្លីលើបាតដៃនៅត្រង់ក្រោមមេដៃចុះក្រោមជារង្វង់ចាប់ពីក្រោមដល់ខាងលើ ចូលក្នុងចេញក្រៅដដែរៗចំនួន៣ដង។ បន្ទាប់មកប្តូរពីប្រើម្រាមដៃ មកប្រើកដៃវិញ ដោយឈ្លីលើទីតាំងដដែរ ដោយចោលនាដូចគ្នា។ វិធីនេះជួយឲ្យសាច់ដុំបានសម្រាក បង្កើនអារម្មណ៍ល្អ មានផាសុកភាព។ ប្រសិនបើអ្នកម៉ាស្សាឲ្យបានទៀងទាត់នៅចំនុចនេះ ក៏នឹងជួយបំបាត់អាការៈក្អួតចង្អោរ ស្រ្តេស និងអាការៈមិនស្រួលខ្លួនមួយចំនួនបានដែរ។
៦. ជំហានទី៦៖
ប្រើជង្គង់របស់ម្រាមដៃ២ គៀបម្រាមដៃមួយទៀតដោយកន្រ្ទាក់ចេញមកខ្លាំងៗល្មម គ្រប់ម្រាមដៃ។
.៧ ជំហានទី៧៖
ជំហានចុងក្រោយនេះ គឺលាបគ្រីមសម្រាប់ប្រអប់ដៃ ត្រង់កន្លែងដែលមានស្នាមជ្រួញនិងក្រិន។ វានឹងជួយកាត់បន្ថយស្នាមគ្រឿម មិនរលោង ជួយការពារដៃ និងទន់រលោង។ តែអ្នកត្រូវលាបដោយម៉ាស្សាជារង្វង់ៗឈ្លីចេញពីចំនុចមួយទៅចំនុចមួយរបស់ម្រាមដៃ ដើម្បីជាលំហាត់ប្រាណសម្រាប់ម្រាមដៃ និងជួយឲ្យគ្រីមជ្រាបចូលសព្វល្អដើម្បីអាចចិញ្ចឹមកោសិកាម្រាមដៃបាន។ មិនតែប៉ុណ្ណោះ ក៏ជួយដល់ចលនាឈាមរត់ ឲ្យដំណើរការបានល្អជាងមុនផងដែរ។
កុំភ្លេចអនុវត្ត៧ជំហានងាយៗខាងលើនេះ ដោយចំណាយត្រឹម១០នាទីប៉ុណ្ណោះក្នុងមួយថ្ងៃ។ នោះអ្នកនឹងទទួលបានម្រាមដៃទន់ស្រឡូន វែងៗ ទន់រលោងតាមបែបធម្មជាតិ និងមានផាសុកភាពជាមិនខាន៕