២ តិចនិកប្រើម្រាមដៃ ដើម្បីវាស់កម្រិតជាតិខ្លាញ់នៅក្នុងរាងកាយរបស់អ្នក

2020-06-15 09:50:00
ចំនួនមតិ 0 | ចំនួនចែករំលែក 0

ជាក់ស្ដែង គីឡូរបស់អ្នកមិនអាចបញ្ជាក់ទាំងស្រុងថាអ្នកធាត់ពេក ឬ ស្គមពេកបានឡើយ។ តិចនិក២ ពិសេសដែលគេតែងប្រើប្រាស់ដើម្បីពិនិត្យឲ្យបានច្បាស់នោះគឺ ការគណនាតាមក្បួន BMI និង ការវាស់លេខចង្កេះ។ ដូច្នេះ កញ្ញានឹងបង្ហើបនូវគន្លឹះដែលងាយៗ និង មិនចាំបាច់ចំណាយលុយដើម្បីដឹងថារាងកាយរបស់អ្នកមានលើសកម្រិតជាតិធាត់ដែរឬក៏អត់នោះទេ គឺដោយគ្រាន់តែដឹងនូវប្រើចុងម្រាមដៃដូចខាងក្រោមតែប៉ុណ្ណោះ៖

១. វាស់កដៃ

រូបតំណាង

តិចនិកទី១ នេះគឺពិតជាងាយស្រួលមែនទែនដោយគ្រាន់តែយកម្រាមដៃឱបជុំវិញកដៃដើម្បីវាស់។ ក្នុងនោះផងដែរ គេបែកចែកលទ្ធផលជា ៣ ផ្សេងៗគ្នា៖

ម្រាមដៃឱបបានមួយជុំកដៃហើយអាចដាក់លើគ្នាបាន៖ អ្នកមានរាងកាយស្គមនៅឡើយទេ ដូច្នេះមិនបាច់បារម្ភរឿងលើសកម្រិតធាត់ឡើយ តែត្រូវព្យាយាមញ៉ាំអាហារសុខភាពឲ្យបានច្រើន
ម្រាមដៃឱបបានមួយជុំកដៃល្មម៖ អ្នកមានរាងកាយមិនស្គមពេកហើយក៏មិនធាត់ពេកដែរ គឺហាក់បីដូចជារាងកាយអ្នកកីឡាអ៊ីចឹង តែគួរព្យាយាមហាត់ប្រាណហ្វឹកហាត់សាច់ដុំឲ្យបានរឹងមាំ កុំឲ្យមើលឃើញធាត់
ម្រាមដៃឱបកដៃមិនជុំ៖ នេះបញ្ជាក់ថាអ្នកអាចនឹងមានលើសជាតិខ្លាញ់ក្នុងរាងកាយហើយ គួរប្រញាប់ហាត់ប្រាណ និង កំណត់នូវរបបអាហារឲ្យបានត្រឹមត្រូវ។

២. មើលរាងមេដៃ

រូបតំណាង

តិចនិកទី២ ពិតជាមិនគួរឲ្យជឿ ព្រោះមានភាពងាយស្រួលនិងរហ័សខ្លាំងតែម្ដងដោយគ្រាន់តែសង្កេតមើលនូវរាងម្រាមដៃមេតែប៉ុណ្ណោះ។

បើសងខាងមេដៃមានរាងកោង នោះវាបញ្ជាក់ថាអ្នកមានរាងស្អាតនិងសមល្មម មិនលើសជាតិខ្លាញ់ឡើយ។
បើសងខាងមេដៃមានរាងស្មើ នោះបញ្ជាក់ថាអ្នកមានរាងទ្រលុកទ្រលន់ និងរាងមូលបន្តិច។ ដូច្នេះ គួររក្សារាងតាមរយៈការផឹកទឹកឲ្យបានច្រើន ញ៉ាំអាហារឆ្អែតៗ ៣ ពេល និង បន្ថែមការញ៉ាំជាតិប្រូតេអ៊ីន និង ខ្លាញ់ល្អសម្រាប់រាងកាយ៕