រូបភាពចាស់របស់កំពូលតារាប្រុស៣រូប អាយុក្បែ៥០ តែមិនចេះចាស់សោះត្រូវគេជីកឡើងវិញ

2020-06-11 02:50:00
ចំនួនមតិ 0 | ចំនួនចែករំលែក 0

ទោះបីជាមានអាយុ៤០ប្លាយ ជិតចូល៥០អស់ហើយក៏ដោយ តែរូបសម្បត្តិរបស់តារាប្រុសចិន និងកូរ៉េ៣រូបនេះនៅតែក្មេងល្ហក់ ដែលធ្វើឲ្យអ្នកគាំទ្រលលេងថា ប្រហែលមកពីពួកគេញ៉ាំសាច់ថាំង ចេងហើយទើបរក្សាបានដូចនេះរហូត។

អ្នកប្រើប្រាស់បណ្ដាញសង្គម Weibo បាននាំគ្នារកឃើញរូបភាពដ៏កម្រមួយ នោះគឺរូបថតមួយសន្លឹកកាលពីច្រើនឆ្នាំមុនរបស់កំពូលតារាសម្ដែងប្រុស៣រូប Won Bin, Jimmy Lin និង Wallace Chung។

នៅក្នុងរូបនេះ គេសង្កេតឃើញថា ប្រុសស្អាតចិន២រូបគឺ Jimmy និង Wallace សុទ្ធតែមានអាយុ៣០ ឯប្រុសស្អាតកូរ៉េ Won Bin នៅពេលនោះ ទើបមានអាយុ៣០គត់។ យ៉ាងណាក្ដី គេមិនឃើញមានភាពខុសប្លែកគ្នាពីអាយុរវាងសិល្បករទាំង៣ឡើយ។

ក្រោយរយៈពេល១៣ឆ្នាំ បច្ចុប្បន្នកំពូលតារាសម្ដែងទាំង៣ សុទ្ធតែមានអាយុក្រៅ ៤០ ខ្លះជិត៥០ឆ្នាំ ប៉ុន្តែនៅតែរក្សាបានរាង ក៏ដូចជារូបសម្បត្តិមិនមានអ្វីផ្លាស់ប្ដូរច្រើន។ នៅពេលនេះ Jimmy Lin បានមានកូន៣នាក់ទៅហើយ។ Won Bin ក៏បានរៀបការ នៅតែ Wallace Chung ដែលឯកាតែឯង។ គិតត្រឹមឆ្នាំ ២០២០ Won Bin មានអាយុ ៤៣ឆ្នាំ។ Jimmy Lin អាយុ ៤៥ឆ្នាំ និង Wallace Chung អាយុ៤៦ឆ្នាំហើយ៕