មុនលើថ្ងាសនឹងរលាយទៅជាផេះផង់ ដោយវិធីព្យាបាលនិងការពារទាំងនេះ
- 2020-06-03 09:10:00
- ចំនួនមតិ 0 | ចំនួនចែករំលែក 0
មុនលើថ្ងាសនឹងរលាយទៅជាផេះផង់ ដោយវិធីព្យាបាលនិងការពារទាំងនេះ
មុនលើថ្ងាស ធ្វើឲ្យមនុស្សស្រីកើតកង្វល់បំផុត។ មូលហេតុអាចមកពីការកុកកុញនៃខ្លាញ់លើស កោសិកាស្បែកងាប់ ឬបាក់តេរីដែលបណ្តាលឲ្យរលាក និងក្តៅក្នុងមិនសូវផឹកទឹកឲ្យបានច្រើនជាដើម។ មួយទៀត ក៏អាចមកពីបញ្ហាបម្រែបម្រួលអរម៉ូន ឬប្រតិកម្មជាមួយថ្នាំលេបផងដែរ។
**១. វិធីព្យាបាលមុនលើថ្ងាស**
ប្រើស្រា្កប់៖ ជាការល្អ អ្នកគួរប្រើស្រ្កាប់ដោយដុសថ្នមៗ ចៀសវាងស្បែកកកិតខ្លាំងទៅជារលាក។
ជ្រើសរើសផលិតផលដែលផ្ទុកសារធាតុរ៉េទីណុល ឬ អាស៊ីតវីតាមីន A ៖ អាស៊ីតវីតាមីន A អាចជួយកម្ចាត់មុនដែលកកស្ទះបាន ដូចនេះអ្នកគួរលេបវាតែពេលយប់បានហើយ ព្រោះវាជួយស្បែកឲ្យមានពន្លឺឡើងវិញ។ ប៉ុន្តែគួរពិគ្រោះជាមួយគ្រូពេទ្យ ព្រោះការប្រើក្នុងបរិមាណខ្ពស់ពេក អាចបណ្តាលឲ្យស្បែកមានបញ្ហា។
បន្ថែមជាតិសំណើមដើម្បីឲ្យស្បែកមានភាពរឹងមាំ៖ ត្រូវបញ្ឈប់ផលិតផលណាដែលមានសារធាតុប្រេងច្រើន តែគួរជ្រើសផលិតផលណាមានជាតិសំណើមខ្ពស់វិញ។ វិធីនេះជួយស្បែកមិនឲ្យបន្តកកស្ទះរន្ធញើស ដែលជាហេតុនាំឲ្យកើតមុនកាន់តែខ្លាំង។
សាកល្បងប្តូរសាប៊ូកក់សក់ ឬម្សៅផាត់មុខចេញ៖ បើសិនជាអ្នកសង្កេតឃើញថា តាំងពីប្រើសាប៊ូកក់សក់ ឬម្សៅផាត់មុខនោះមក ស្រាប់តែកើតមុនលើថ្ងាសច្រើន គួរផ្លាស់ប្តូរចេញបន្ទាន់។ គួរប្រើផលិតផលណាដែលគ្មានផ្ទុកជាតិប៉ារ៉ាបែន គ្រឿងក្រអូប ជាតិសុរា សំយោគពណ៌ ឬជាតិ SLES ជាដើម។
ផឹកទឹកឲ្យបានច្រើន និងសម្រួលអារម្មណ៍កុំតានតឹងពេក។
២. របៀបការពារកុំឲ្យកើតមុនលើថ្ងាសម្តងទៀត
គ្មានអ្នកណាចង់កើតមុននោះទេ មិនថាលើថ្ងាស ឬសូម្បីតែលើដងខ្លួន។ ម្ល៉ោះហើយកុំឲ្យផលវិបាកទាំងនេះកើតមានម្តងទៀត អ្នកគួរអនុវត្តវិធីខាងក្រោម ៖
កុំបណ្តោយឲ្យសក់អ្នកឡើងប្រេងខ្លាំង ឬយូរថ្ងៃទើបកក់សក់ ព្រោះប្រេងនិងសារធាតុកខ្វក់របស់សក់ក៏ជាមូលហេតុនាំឲ្យកើតមុនបានដែរ
ចៀសវាងប្រើផលិតផលជំនួយសក់ដែលផ្ទុកជាតិប្រេង
ប្រសិនបើអ្នកមានសក់សេះ ជាដំបូន្មានគួរលើកសក់មុខឲ្យឡើងលើផុតៗតាមដែលអាចធ្វើបាន
កុំប្រើដៃទៅប៉ះតំបន់មុខ ព្រោះគ្រប់ពេលដែលប៉ះវាអាចចម្លងបាក់តេរីតាមរយៈដៃរបស់យើងទៅដល់រន្ធញើសលើមុខបាន។ បើសិនជាអ្នកចង់ប៉ះផ្ទៃមុខ គួរលាងសម្អាតដៃជាមុនសិន។
ប្រសិនបើអ្នកបានព្យាយាមវិធីសាស្រ្តទាំងនេះហើយ តែនៅមិនបានផល គួរទៅជួបគ្រូពេទ្យដើម្បីទទួលបានដំបូន្មាន ក៏ដូចជាហ្វូមលាងមុខពិសេសសម្រាប់ថែទាំស្បែក៕
អានបន្ត៖ ៤រូបមន្តធ្វើឲ្យស្បែកស្អាតសខ្ចីដោយប្រើរមៀត និងគ្រឿងផ្សំធម្មជាតិងាយរក