៨ចំណុច ពីជំងឺ Depression មិនសូវមានអ្នកដឹង ភាគច្រើនច្រឡំថាខ្លួនឯងគ្រាន់តែពិបាកចិត្តធម្មតា

2020-05-25 12:30:00
ចំនួនមតិ 0 | ចំនួនចែករំលែក 0

បច្ចុប្បន្នមនុស្សមួយចំនួនពិបាកនឹងទទួលយក ឬគិតថា អ្នកមានបញ្ហាបាក់ទឹកចិត្ត គឺមកពីគិតច្រើន រហូតឈានទៅគិតខ្លីធ្វើរឿងមួយចំនួនដែលស្មានមិនដល់ បើធ្ងន់ធ្ងរគឺដល់ថ្នាក់សម្លាប់ខ្លួនឯងក៏មាន។

រូបតំណាង

ដើមហេតុដំបូង មនុស្សជាច្រើនគិតថាការបាក់ទឹកចិត្ត ឬ Depression គឺគ្រាន់ជាអារម្មណ៍ពិបាកចិត្តធម្មតាៗ និងគ្មានអ្វីគួរឲ្យបារម្ភ។

ផ្ទុយទៅវិញករណីនេះ បើតាមអ្នកជំនាញសុខភាពផ្លូវចិត្តបានបញ្ជាក់ថា ការបាក់ទឹកចិត្ត គឺមានរឿងច្រើនលើសពីអ្វីដែលយើងមិនធ្លាប់ដឹង។ វាអាចបង្កជារោគសញ្ញាគ្រប់យ៉ាង ហើយថែមទាំងអាចមានការប្រែប្រួលពីមនុស្សម្នាក់ ទៅម្នាក់ទៀតផងដែរ។

រូបតំណាង

ជំងឺបាក់ទឹកចិត្ត គឺជាអ្វីដែលរំខានដល់អ្នក ឬរំខានដល់មនុស្សដែលអ្នកស្រឡាញ់បាន។ សូមស្វែងរកការព្យាបាលឲ្យទាន់ពេលវេលា ដោយចៀសវាង ការវិវត្តទៅជាជំងឺផ្លូវចិត្តដ៏ធ្ងន់ធ្ងរបំផុត ដែលនាំឲ្យមានផលវិបាកច្រើន។

ខាងក្រោមនេះ ជារោគសញ្ញាដែលបញ្ជាក់ថាអ្នកកំពុងមានបញ្ហាបាក់ទឹកចិត្ត ដែលត្រូវការប្រឹក្សា និងព្យាបាលជាមួយអ្នកជំនាញសុខភាពផ្លូវចិត្ត។

១. ឆេវឆាវ

រូបតំណាង

ការដែលឆេវឆាវគ្រប់ពេល គឺជារឿងធម្មតា ដែលយើងតែចំណាំថាកើតមាន ជាពិសេសនៅពេលដែលអ្នកគេងមិនគ្រប់គ្រាន់ ឬស្រ្តេសជាដើម។ សម្រាប់មនុស្សដែលបាក់ទឹកចិត្ត អ្នកជំនាញនិយាយថា វាគឺជារឿងតែងតែកើតឡើង ជាពិសេសមនុស្សប្រុសតែម្ដង។

២. ខឹង

មនុស្សម្នាក់ដែលកើតបញ្ហាបាក់ទឹកចិត្ត តែងមានអារម្មណ៍ខឹងខ្លាំងចំពោះខ្លួនឯង ព្រមទាំងមនុស្សនៅជុំវិញខ្លួនផងដែរ។ អ្នកបាក់ទឹកចិត្តមួយចំនួនប្រហែលជាបង្ហាញការខឹងរបស់ខ្លួនម្ដងទៀតខណៈពេលដែលអ្នកដទៃបង្ហាញនូវទំនាក់ទំនងដែលប្រេះឆា ឬហិង្សា។

រូបតំណាង

៣. គេងមិនលក់

ពិបាកគេងឲ្យលក់ ការភ្ញាក់ច្រើនដងនៅពេលយប់ និងឆាប់ភ្ញាក់ពីគេងជាងធម្មតា សុទ្ធតែជាសញ្ញាបញ្ជាក់អំពីការគេងមិនលក់ ហើយវាក៏ជារឿងដែលអាចប៉ះពាល់ដល់អ្នកដែលកើតជំងឺបាក់ទឹកចិត្តដែរ បញ្ហាគេងមិនលក់អាចធ្ងន់ធ្ងរ នៅពេលមានរោគសញ្ញាផ្សេងៗទៀត នៃការបាក់ទឹកចិត្ត។

៤. គេងច្រើនពេក

ម៉្យាងវិញទៀតវាក៏ជារឿងដែលអាចទៅរួចដែរសម្រាប់អ្នកដែលមានជំងឺបាក់ទឹកចិត្តហើយគេងច្រើនជ្រុលទៀត។ អ្នកប្រហែលជាកំពុងតែមានជំងឺបាក់ទឹកចិត្តដែរ បើសិនជាអ្នកមានអារម្មណ៍ថាចេះតែចង់គេងភ្លាមៗក្រោយពីធ្វើអ្វីមួយរួច ឬទើបមកដល់ផ្ទះ។

៥. ភ្លេចភ្លាំង

រូបតំណាង

នៅពេលអ្នកបាក់ទឹកចិត្ត វាគឺជារឿងមួយដែលអាចទៅរួចបំផុតដែលបញ្ជាក់ថា ការចងចាំរបស់អ្នកមានការចុះខ្សោយខ្លាំង។ អ្នកប្រហែលជាមិនអាចចងចាំនូវឈ្មោះ ឬលេខដែលសំខាន់ៗ។ អ្នកប្រហែលជាមិនអាចចងចាំថ្ងៃខែ និងពេលវេលាសំខាន់ៗ ដែលរឿងនេះ នឹងផ្ដល់ផលអវិជ្ជមានចំពោះការងារ ឬសាលារៀន។

៦. ពិបាកផ្ចង់អារម្មណ៍

រូបតំណាង

មនុស្សម្នាក់ដែលនៅចំពោះមុខអ្នកកំពុងតែប្រាប់រឿងដែលភ្ញាក់ផ្អើល ប៉ុន្តែចិត្តអ្នកគឺមិនផ្ចង់អារម្មណ៍លើរឿងនេះទៅវិញ។ មិនមែនមានន័យថា អ្នកមិនអាចធ្វើបានទេ វាគ្រាន់តែទាក់ទងនឹងចិត្តអ្នកមិនអាចធ្វើបាន។ វាមិនសូវខុសគ្នានឹងការភ្លេចភ្លាំងទេ ហើយវាក៏អាចជាសញ្ញាមិនសូវដឹងមួយទៀតរបស់ការបាក់ទឹកចិត្តដែលរំខានដល់ជីវិតរស់នៅរាល់ថ្ងៃបាន។

៧. ផឹកគ្រឿងស្រវឹង

អ្នកខ្លះដែលមានជំងឺបាក់ទឹកចិត្តជ្រើសរើសការដោះស្រាយជាមួយនឹងជំងឺផ្លូវចិត្តតាមរយៈការញ៉ាំគ្រឿងស្រវឹងច្រើនៗ។ អ្វីដែលគួរឲ្យពិបាកចិត្តនោះគឺថា រឿងនេះអាចធ្វើឲ្យមានអំពើហិង្សាបាន។គ្រឿងស្រវឹងពិតជាអ្វីដែលធ្វើឲ្យអ្នកបាក់ទឹកចិត្តញ៉ាំច្រើនៗ ហើយក៏ចូលចិត្តវាដែរ។

៨. ឈឺចាប់រ៉ាំរ៉ៃ

រូបតំណាង

គ្រូពេទ្យនិយាយថា វាមានទំនាក់ទំនងដ៏ខ្លាំងក្លាមួយរវាងការបាក់ទឹកចិត្ត និងឈឺចាប់។ ក្នុងករណីខ្លះ ការបាក់ទឹកចិត្តអាចបង្កជាការឈឺចាប់រួចទៅហើយទៅជាឈឺចាប់ខ្លាំង។ ហើយករណីខ្លះទៀត ការឈឺចាប់ដែលមានរួចហើយអាចធ្វើឲ្យបាក់ទឹកចិត្ត កាន់តែខ្លាំងបន្ថែមទៀត។ អ្នកខ្លះទៀត ការឈឺចាប់កាន់តែធ្ងន់ធ្ងរក៏មាន៕

ប្រភព៖ Health.com.kh ប្រែសម្រួល៖ ពៅ រក្សា