ជាងថតរូបអាមេរិកបញ្ចេញរូបភាពរបស់ Blackpink នៅ Coachella ស្អាតដូចទេពអប្សរ

2020-05-15 02:20:00
ចំនួនមតិ 0 | ចំនួនចែករំលែក 0

កម្រងរូបភាពខាងក្រោយឆាករបស់កំពូលក្រុមចម្រៀង KPOP Blackpink ផ្ដិតដោយជាងថតអាមេរិកបានទាក់ទាញចំណាប់អារម្មណ៍អ្នកគាំទ្រជាខ្លាំងទោះបីជាត្រូវបានថតមួយរយៈពេលហើយក៏ដោយ។

មុននេះបន្តិច ជាងថតរូបល្បីឈ្មោះមកពីអាមេរិកឈ្មោះ Pip Cowley ទើបតែបញ្ចេញរូបភាពដ៏កម្ររបស់ក្រុមចម្រៀងស្រីល្បីឈ្មោះកូរ៉េ Blackpink នៅពេលក្រុមសិល្បការិនីនេះមកសម្ដែងក្នុងកម្មវិធីប្រគុំតន្ត្រី Coachella នៅអាមេរិកកាលពីឆ្នាំមុន។ សកម្មភាពក្រោយឆាករបស់ស្រីស្អាតទាំង៤ត្រូវបានជាងថតនេះផ្ដិតយកយ៉ាងផ្ចិតផ្ចង់ដោយសម្រស់ពួកគេត្រូវបានគេប្រៀបបានថា ស្អាតដូចកំពូលម៉ូដែលរបស់ Victoria’s Secret។

យោងតាមជាងថតរូបខាងលើ ទោះបីជាសម្រស់របស់តារាស្រីទាំង៤នេះ នៅខាងក្រៅសុទ្ធតែស្អាតៗដូចគ្នាក៏ពិតមែន ប៉ុន្តែនៅពេលនៅលើឆាក សមាជិក Rosé គឺទាក់ទាញខ្លាំងជាងគេ ដោយលោកមិនអាចដកភ្នែកចេញពីនាងបានឡើយ។ យ៉ាងណាក្ដី លោកក៏លើកឡើងដែរថា ស្រីស្អាតអាយុ ២៣ឆ្នាំ រាងស្គមស្ដើងបន្តិច៕