អតីត​តារា​ផលិតកម្ម YG សម្រក​ទំងន់​ពី​​ធាត់​ខ្លាំង​​រហូត​បាន​សាច់​ដុំ ៨​កង់​មិន​គួរ​ឲ្យ​ជឿ

  • 2020-05-12 05:30:00
  • ចំនួនមតិ 0 | ចំនួនចែករំលែក 0

សិល្បករ​កូរ៉េ​រូប​នេះ អាច​និយាយ​បាន​ថា ជា​តារា​ដែល​ទទួល​បាន​ជោគជ័យ​ខ្លាំង​ជាង​គេ​នៅ​ក្នុង​ប្រវត្តិ​សាស្ត្រ KPOP តែ​ម្ដង ខាង​សម្រក​គីឡូ។

មុន​នេះ​បន្តិច បណ្ដាញ​សង្គម​កូរ៉េ និង​បណ្ដា​ប្រទេស​អាស៊ី​មួយ​ចំនួន បាន​នាំ​គ្នា​ចែក​រំលែក​យ៉ាង​កក្រើក​​នូវ​កម្រង​រូប​ភាព​របស់​តារា​ប្រុស​ម្នាក់ ដែល​ត្រូវ​បាន​គេ​សន្និដ្ឋាន​ថា​ជា​អ្នក​ដែល​សម្រក​ទម្ងន់​បាន​សម្រេច​បំផុត​ក្នុង​ប្រវត្តិសាស្ត្រ​ចម្រៀង KPOP។ តាម​នោះ​ដែរ សិល្បករ​ស្រស់​សង្ហារ​ដែល​កំពុង​ល្បី​កក្រើក​នេះ​គឺ អតីត​អ្នក​វាយ​ស្គរ​ឲ្យ​ក្រុម​ចម្រៀង South Club របស់​តារា​ចម្រៀង Nam Tae Hyun នៃ​ផលិតកម្ម YG។

ប្រុស​ស្អាត​លេង​ស្គរ​រូប​នេះ បាន​ចែក​រំលែក​ពី​កម្រង​រូបភាព​ដែល​ខ្លួន​ខំ​ហ្វឹកហាត់​ដល់​ថ្នាក់​ស្រក់​ទឹក​ភ្នែក​ទម្រាំ​ស្រក​បាន​ទម្ងន់​ដូច​បច្ចុប្បន្ន។ មនុស្ស​ជា​ច្រើន​អត់​នឹង​មិន​សរសើរ​មិន​បាន​ជាមួយ​នឹង​ការ​ពុះពារ​របស់​សិល្បករ​ខាង​លើ។

មុន​ពេល​បញ្ចុះ​ទម្ងន់ តន្ត្រីករ​រូប​នេះ មាន​ទម្រង់​មុខ​មូល​គួរ​ឲ្យ​ស្រលាញ់ តែ​ពេល​សម្រក​បាន​សម្រេច​ហើយ លោក​ប្រែ​ជាមាន​មុខ​វី គួប​ផ្សំ​នឹង​សាច់​ដុំ ៨​កង់គួរ​ឲ្យ​ស្ញប់ស្ញែង។ មនុស្ស​ជា​ច្រើន​បាន​សរសើរ​ថា រាង​របស់​លោក​នៅ​ពេល​នេះ​ មិន​ខុស​ពី​តារា​ម៉ូដែល​ឡើយ៕

ចុចអានបន្ត៖ តារា​ប្រុស​ស្រី​ជប៉ុន​បង្ក​ចម្រូង​ចម្រាស់​ព្រោះ​ឡើង​ក្លាយ​ជា​ឪពុក​ម្ដាយ​គេ​នៅវ័យ ១៦​ឆ្នាំ

ប្រភព៖ Kenh14 ប្រែ​សម្រួល៖ Caramel

អត្ថបទពេញនិយម