មក​ដឹង​​ផល​ប៉ះពាល់​នៃ​​"ពន្លឺ​អេក្រង់​ទូរសព្ទ"​ចំពោះ​ស្បែក​ និង វិធី​ការពារ ៤ យ៉ាង

  • 2020-04-30 05:30:00
  • ចំនួនមតិ 0 | ចំនួនចែករំលែក 0

ជា​រឿង​ពិត ​គេច​មិន​ផុត​ ដែល​មនុស្ស​មួយ​ចំនួន​ធំ​​ចាំ​បាច់​ប្រើប្រាស់​នូវ​គ្រឿង​អេឡិចត្រូនិក​នៅ​ក្នុង​​ជីវិត​ប្រចាំ​ថ្ងៃ​ ដែលជា​ហេតុ​​ធ្វើ​ឲ្យ​ពួក​គេ​ងាយ​ទទួល​រង​នូវ​កាំ​រស្មី​ដែល​ជះ​ចេញ​ពី​ពន្លឺ​អេក្រង់​នៃ​ឧបករណ៍​ទាំង​នោះ។ អ្នក​ប្រហែល​ធ្លាប់​បាន​ឮ​ពី​ការ​ប៉ះពាល់​​​​ដល់​ភ្នែក និង ការ​គេង ដែល​បណ្ដាល​មក​ពី​​ពន្លឺ​ទូរសព្ទ និង កុំព្យូទ័រ​ស្រាប់​មក​ហើយ។ ដូច្នេះ គប្បី​មក​ដឹង​ពី​ផលប៉ះពាល់​​ និង វិធី​ការពារ​ស្បែក​ពី​ពន្លឺ​អេក្រង់​ដូច​ខាង​ក្រោម៖

ផល​ប៉ះពាល់​​ដល់​ស្បែក៖

រូបតំណាង
  • អាច​បង្ក​ឲ្យ​​ស្បែក​លេច​ចេញ​នូវ​ស្នាម​ជ្រីវជ្រួញ មុន​កំណត់
  • ធ្វើ​ឲ្យ​ស្បែក​មុខ​ស្ងួត គ្មាន​សំណើម
  • កាត់​បន្ថយ​នូវ​​ជាតិ​ខូឡាជែន និង ស្រទាប់​​តឹង​ណែន​នៃ​ស្បែក ធ្វើ​ឲ្យ​ស្បែក​មុខ​ឆាប់​យារធ្លាក់
  • ធ្វើ​ឲ្យ​ស្រទាប់​ស្បែក​ស្ដើង
  • និង ធ្វើ​ឲ្យ​ស្បែក​ប្រែ​ជា​ខ្មៅ​ស្រអាប់​ និង ស​មិន​ស្មើ​គ្នា

​វិធីសាស្រ្ដ​ការពារ៖

រូបតំណាង
  • កាត់​បន្ថយ​ការ​មើល​ទូរសព្ទ​ ឬ កុំព្យូទ័រ​ជាប់​ក្នុង​រយៈពេល​យូរ និង ព្យាយាម​ដាក់​ឲ្យ​ឆ្ងាយ​ពី​ផ្ទៃ​មុខ​រាល់​ពេល​ប្រើប្រាស់
  • ​បរិភោគ​នូវ​ប្រភេទ​ផ្លែឈើ​ដែល​មាន​ផ្ទុក​សារធាតុ​ប្រឆាំង​អុកស៊ីតកម្ម​តួយ៉ាង​ដូចជា ផ្លែ​ស្រ្តបឺរី ប្លូបឺរី និង ឃីវី ជាដើម។ លើស​ពី​នេះ គួរ​បូក​បន្ថែម​នូវ​ប្រើ​ប្រាស់​ផលិតផល​លាប​មុខ​ដែល​មាន​សារធាតុ​ប្រឆាំង​អុកស៊ីតកម្ម ដែល​​មាន​មុខងារជួយ​ទប់ស្កាត់​នូវ​ស្នាម​ជ្រីវជ្រួញ និង ភាព​យារធ្លាក់​នៃ​ស្បែក ធ្វើ​ឲ្យ​ស្បែក​តឹងណែន ក្មេង​ជាង​វ័យ
រូបតំណាង
  • លាប​ឡេ​ការពារ​កម្ដៅ​ថ្ងៃ​ជា​ប្រចាំ ទោះ​ជា​អ្នក​មិន​ចេញ​ទៅ​ក្រៅ​ក៏​ដោយ ព្រោះ​ប្រភេទ​កាំ​រស្មី​UV មិន​មែន​មក​ពី​ពន្លឺ​ព្រះ​អាទិត្យ​តែ​១​មុខ​ឡើយ វា​ក៏​អាច​បញ្ចេញ​មក​តាម​​ពន្លឺ​ភ្លើង​នៃ​ឧបករណ៍​ប្រើ​ប្រាស់​ផ្សេងៗ​នៅ​ក្នុង​ផ្ទះ​ដែរ
  • ផ្ដល់​សំណើម​ដល់​ផ្ទៃ​មុខ​ ដោយ​ការ​លាប​គ្រីម​មុខ និង បិទ​ម៉ាស​ជា​ប្រចាំ ព្រោះ​ជា​​ផ្នែក​ប៉ះ​ត្រូវ​ពន្លឺ​ទូរសព្ទ និង កុំព្យូទ័រ​ជា​ញឹកញាប់៕

ចុចអានបន្ត៖ ពណ៌​សក់​​ ៥ ដែល​ជួយ​លើក​មុខ​ឲ្យ​ក្មេង ​ មើល​ឃើញ​ស ​មិន​រើស​សម្បុរ

ប្រភព៖ skinresourcemd ប្រែ​សម្រួល៖ Siyou Tang