ផ្លែមង្ឃុតផ្តល់សុខភាពល្អដល់ស្រ្តីមានផ្ទៃពោះ និងជំនួយខួរក្បាលទារកថែមទៀត

2020-04-29 10:15:00
ចំនួនមតិ 0 | ចំនួនចែករំលែក 0

ក្នុងសមាសធាតុរបស់ផ្លែមង្ឃុតពិតជាផ្ទុកជីវជាតិច្រើនណាស់ រួមមានវីតាមីនC កាកសរសៃ សារធាតុរ៉ែដែលជួយដល់រាងកាយអ្នកម្តាយមិនងាយឈឺ ព្រមទាំងសុខភាពទារកមានការអភិវឌ្ឍល្អថែមទៀត។ ខាងក្រោមនេះជាគុណប្រយោជន៍នៅពេលស្រ្តីមានផ្ទៃពោះ ញ៉ាំផ្លែមង្ឃុត៖

រូបតំណាង

**១. មិនឲ្យឡើងគីឡូហួសហេតុ**

ដោយសារវាមានជាតិកាឡូរីទាប ម្ល៉ោះហើយសូម្បីតែសារធាតុធ្វើឲ្យងាយឆ្អែត ឆាប់ធាត់ និងកូឡេស្តេរ៉ុលក៏គ្មានដែរ ដូចនេះពិតជាស័ក្ដិសមណាស់សម្រាប់ស្រ្តីមានផ្ទៃពោះ ដែលមិនចង់ឡើងគីឡូហួសហេតុ។ ក្នុង ១០០ក្រាមវាផ្ទុកត្រឹមតែ ៦៣កាឡូរីប៉ុណ្ណោះ ហើយផ្ទុក៥ក្រាមនៃជាតិកាកសរសៃ ដែលផ្តល់សារៈសំខាន់សម្រាប់ប្រព័ន្ធរំលាយអាហាររបស់អ្នកម្ដាយ។

រូបតំណាង

២. ពង្រឹងប្រព័ន្ធភាពស៊ាំ

មង្ឃុតសម្បូរដោយវីតាមីន C ច្រើនណាស់ ដោយក្នុង១០០ក្រាមវាផ្តល់ប្រហែល ៧ .២ mg នៃវីតាមីន C ។ នេះជាគុណសម្បត្តិដែលជួយឲ្យប្រព័ន្ធភាពស៊ាំរឹងមាំ ការពារស្រ្តីមានផ្ទៃពោះពីជំងឺដង្កាត់ផ្សេងៗបានយ៉ាងល្អដូចជា គ្រុនផ្តាសាយ និងក្អកជាដើម។ ទន្ទឹមនឹងនេះ វីតាមីន C ក៏ជាផ្នែកមួយនៃសារធាតុប្រឆាំងអុកស៊ីតកម្ម ដែលជាមុខងារសំខាន់ក្នុងការសាងសង់ប្រព័ន្ធភាពស៊ាំយ៉ាងមានប្រសិទ្ធភាព។

រូបតំណាង

៣. ការពារមិនឲ្យស្លេកស្លាំង

វាក៏ជួយឲ្យកោសិកាឈាមមានភាពសកម្មដែលចៀសវាងបានពីភាពស្លេកស្លាំង។ បន្ថែមពីនេះ វាធ្វើឲ្យប្រសើរឡើងនូវលំហូរឈាមដោយការច្របាច់សរសៃឈាម ជួយការពារពីជំងឺផ្សេងៗដូចជា ជាតិខ្លាញ់ខ្ពស់ ស្ទះបេះដូង ឈឺទ្រូងធ្ងន់ធ្ងរ និងជំងឺ Atherosclerosis ផងដែរ។

រូបតំណាង

៤. ជំនួយដល់ខួរក្បាលទារក

សារប្រយោជន៍របស់អាស៊ីតហ្វូលីកក្នុងផ្លែមង្ឃុត ជួយទារកចៀសពីពិការភាព ជំនួយសុខភាពខួរក្បាល មិនឲ្យកើតជំងឺសសៃប្រសាទ ព្រមទាំងជួយស្រ្តីមានផ្ទៃពោះរក្សាបានសុខភាពល្អផងដែរ។ ខណៈដែលស្រ្តីកំពុងមានផ្ទៃពោះ គួរបរិភោគផ្លែមង្ឃុតឲ្យបានច្រើន តែកុំញ៉ាំច្រើនជ្រុល។ នៅពេលអ្នកញ៉ាំក្នុងបរិមាណល្មម វានឹងផ្តល់គុណសម្បត្តិចំពោះអ្នកម្តាយនិងទារកយ៉ាងពិតប្រាកដ៕

អានបន្ត៖ ចង់ឲ្យភ្នែកនៅមើលឃើញច្បាស់បានយូរ ញ៉ាំអាហារ៧មុខនេះឲ្យបានច្រើន

ប្រភព៖ kenhphunu ប្រែសម្រួល៖ លឹម សុនា