រាងស្អាតដូចប្រាថ្នា ឲ្យតែចេះជ្រើសរើសរបបអាហារតាមប្រភេទនៃរាងកាយ
- 2020-04-22 01:00:00
- ចំនួនមតិ 0 | ចំនួនចែករំលែក 0
រាងស្អាតដូចប្រាថ្នា ឲ្យតែចេះជ្រើសរើសរបបអាហារតាមប្រភេទនៃរាងកាយ
តាមស្តង់ដារនៃរូបរាងកាយរបស់មនុស្ស ជាទូទៅមានការកំណត់៤ប្រភេទផ្សេងគ្នាដូចជា រាងចតុកោណកែង រាងផ្លែប៉ោម រាងផ្លែព័រ និងរាងនាឡិកាដីខ្សាច់។ អ្នកដឹងអត់ថា ការតមអាហារឲ្យបានត្រឹមត្រូវ ទៅតាមប្រភេទនៃរូបរាងកាយរបស់ខ្លួន ពិតជាធ្វើឲ្យនៅតែអាចថែរក្សារាងកាយ និងគ្មានថ្ងៃធាត់ឡើយ។ នេះដោយហេតុថា អ្នកខ្លះធាត់នៅត្រង់កន្លែងក្បាលពោះ ហើយខ្លះទៀតធាត់នៅតែដើមដៃ ត្រគាកឬភ្លៅជាដើម ដូច្នេះហើយបានជាពេលខ្លះ អ្នកឆ្ងល់ថា ធ្វើយ៉ាងម៉េចក៏មិនស្រកដែរ ហើយនេះគឺព្រោះតែអ្នកមិនបានដឹងពីរបៀបតមដែលរាងកាយអ្នកត្រូវការ។
ប្រភេទទី១៖ រាងចតុកោណកែង
លក្ខណៈនៃរូបរាង៖ តាំងពីផ្នែកស្មា រហូតដល់ផ្នែកត្រគាក គឺត្រង់ស្មើ។
អាហារដែលត្រូវញ៉ាំ៖ អ្នកដែលមានរាងកាយប្រភេទទី១ មិនសូវឡើងទម្ងន់ងាយៗនោះទេ ប៉ុន្តែយ៉ាងណាអ្នកនៅតែត្រូវជ្រើសរើស អាហារដែលល្អចំពោះរាងកាយ ដូចជាសាច់ត្រី គ្រាប់ធញ្ញជាតិ ជាពិសេសគឺបន្លែដែលមានជាតិប្រូតេអ៊ីនខ្ពស់។
អាហារដែលត្រូវជៀស៖ អាហារដែលមានជាតិស្ករច្រើន និង Fast Food ព្រោះវាអាចធ្វើឲ្យអ្នកធាត់បានយ៉ាងងាយ។
ប្រភេទទី២៖ រាងផ្លែព័រ
លក្ខណៈនៃរូបរាង៖ ផ្នែកត្រគាករីកសាយធំហួសចង្កេះខ្លាំង ហើយភ្លៅក៏ធំដែរ។ មនុស្សស្រីណាដែលមានរូបរាងដូចប្រភេទទី២ គឺពិបាកក្នុងការធ្វើឲ្យស្រកនៅត្រង់ផ្នែកទាំងនេះ ជាងអ្នកដែលមានរាងដទៃទៀត។
អាហារដែលត្រូវញ៉ាំ៖ សាច់សត្វ សាច់ត្រី ហើយផ្លែឈើដែលល្អបំផុតមានដូចជា ឪឡឹក ម្នាស់ ព្រោះវាអាចជួយកម្ចាត់ជាតិពុល នៅក្នុងរាងកាយ។
អាហារដែលត្រូវជៀស៖ អាហារដែលមានជាតិសូដ្យូមនិងអំបិលច្រើន ដូចជានំបុ័ង មី Pasta និង បាយ (គួរញ៉ាំបាយអង្ករសម្រូប)។
ប្រភេទទី៣៖ រាងផ្លែប៉ោម
លក្ខណៈនៃរូបរាង៖ មានស្មាធំ ចង្កេះត្រង់ស្មើជាមួយត្រគាក និងដុះក្បាលពោះ ប៉ុន្តែមានជើងតូច។ ម្យ៉ាងវិញទៀតខ្លាញ់ដែលកកកុញត្រង់ក្បាលពោះ អាចបង្កជាបញ្ហាដល់ ក្រលៀន លំពែង សរសៃឈាមបេះដូង ទឹកនោមផ្អែម និងអាចបង្កទៅជាជម្ងឺមហារីកសុដន់ផងដែរ។
អាហារដែលត្រូវញ៉ាំ៖ អ្នកគួរបែងចែកអាហារ ដោយញ៉ាំ៥ទៅ៦ដងក្នុងមួយថ្ងៃឲ្យបានទៀងទាត់ ប៉ុន្តែនៅក្នុងបរិមាណតិចបំផុត។ ត្រូវញ៉ាំអាហារណាដែលមានជាតិសរសៃច្រើន បន្លែ ផ្លែឈើស្រស់ វីតាមីនC និងទឹកដោះគោដែលមិនធ្វើឲ្យធាត់។
អាហារដែលត្រូវជៀស៖ អាហារមានជាតិខ្លាញ់ច្រើន នំប៉័ង Fast Food ជាដើម។
ប្រភេទទី៤៖ រាងរាងនាឡិកាដីខ្សាច់
លក្ខណៈនៃរូបរាង៖ រាងបែបនេះស្រីៗតែងប្រាថ្នាចង់បាន ព្រោះមានចង្កេះតូច មានដើមទ្រូងស្អាត និងមានត្រគាករីកសាយល្មម ប៉ុន្តែចំណុចដែលខ្វះខាតនោះគឺសាច់ដុំ។
អាហារដែលត្រូវញ៉ាំ៖ បន្លែ ផ្លែឈើ គ្រាប់ធញ្ញជាតិ អាហារគ្មានជាតិផ្អែម។
អាហារដែលត្រូវជៀស៖ អាហារដែលមានជាតិស្ករនិងខ្លាញ់ច្រើន នំប៉័ងម្សៅស...។
ចុចអានបន្ត៖