ខណៈ​វិស័យ​ភាពយន្ត​ពិភពលោក​កំពុង​គាំង​ស្ទះ ផលិតករចិន​សម្រុក​ថត​រឿង​ថ្មី​ផ្ទួន​ៗ​គ្នា

  • 2020-04-10 02:55:00
  • ចំនួនមតិ 0 | ចំនួនចែករំលែក 1

ខណៈ​វិស័យ​ភាពយន្ត​ហូលីវូដ​ក៏ដូច​ជា​បណ្ដា​ប្រទេស​ផ្សេង​កំពុង​ត្រូវ​ផ្អាក និង​បិទ​រោងកុន​ទាំង​ស្រុង​នោះ វិស័យ​ភាពយន្ត​ចិន​ចាប់​ផ្ដើម​ដំណើរ​ឡើង​វិញ ដោយ​ខ្សែ​ភាពយន្ត​ចាប់​ផ្ដើម​ថត​វិញ ហើយ​រោងកុន​ក៏​បើក​ឡើង​វិញ​ជា​បណ្ដើរ​ៗ។

ក្រោយ​រង​ការ​ជះ​ឥទ្ធិពល​ដ៏​ខ្លាំង​ពី​មេរោគ Covid 19 អស់​ប្រមាណ​ជា​៤​ខែ​នោះ នៅ​ពេល​នេះ​ប្រទេស​ចិន​ចាប់​ផ្ដើម​ដំណើរ​ឡើង​វិញ​នូវ​គ្រប់​វិស័យ ដោយ​ក្នុង​នោះ​រួម​បញ្ចូលទាំង​វិស័យ​ភាពយន្ត​ផង​ដែរ។ ការ​ដំណើរ​ឡើង​វិញ​នេះ គឺកើត​ឡើង​ខណៈ​វិស័យ​ភាពយន្ត​ពិភពលោក​ជាប់​គាំង​ទាំង​ស្រុង ដោយ​រោងកុន​ភាគ​ច្រើន​ត្រូវបិទ គម្រោង​ថត​ថ្មី​ត្រូវ​ផ្អាក។

តាម​នោះ​ដែរ រឿង​ធំ​ៗ​របស់​តារា​ល្បីៗ​ជួរ​មុខ​ចិន​ជា​ច្រើន​ដូច​ជា Yang Mi, Wang Yi Bo, Zhao Li Ying, Yang Zi សុទ្ធតែ​បន្ត​ថត​ឡើង​វិញ​ទាំង​អស់។ ខាង​ក្រោម​នេះ គឺ​ជា​ខ្សែ​ភាពយន្ត​ភាគ​ខ្នាត​ទុន​ធំ​របស់​តារា​ចិន​ដែល​កំពុង​ថត​ឡើង​វិញ​ក្រោយ​ត្រូវ​ផ្អាក​២​ខែ។

១. The Legend of Fei (Wang Yi Bo និង Zhao Li Ying)

២. Thank You Doctors (Yang Mi និង Bai Wu)

៣. To Dear Myself (Liu Shishi និង Zhu Yilong)

៤. The Golden Hairpin (Yang Zi និង Wu Yifan)

៥. Princess Changge (Dilraba និង Wu Lei)

ប្រភព៖ Kenh14 ប្រែ​សម្រួល៖ Caramel