សញ្ញា៨យ៉ាងបញ្ជាក់ថាគាត់ស្តាយក្រោយខ្លាំងបន្ទាប់ពីបោះបង់អ្នកចោល
- 2020-03-23 06:25:00
- ចំនួនមតិ 0 | ចំនួនចែករំលែក 0
សញ្ញា៨យ៉ាងបញ្ជាក់ថាគាត់ស្តាយក្រោយខ្លាំងបន្ទាប់ពីបោះបង់អ្នកចោល
អ្នកណាថាឲ្យតែអ្នកបោះបង់គេ សុទ្ធតែមិនចេះឈឺចាប់ ឬស្ដាយក្រោយនោះ? ពេលខ្លះដោយសារតែមនុស្សប្រុសខ្លាចបាក់មុខ ទើបព្យាយាមសម្ដែងជារឹងមាំ ដើម្បីរក្សាគោលជំហរ បើទោះបីជាគាត់នឹកអ្នក ឬចង់ត្រឡប់ទៅរកអ្នកវិញប៉ុណ្ណាក៏ដោយ។ ដូច្នេះប្រសិនបើមិត្តប្រុសចាស់របស់អ្នកបង្ហាញចេញទង្វើចម្លែកៗ មួយចំនួនក្រោយពេលគាត់បោះបង់អ្នកចោល គាត់ប្រហែលជាកំពុងតែមានវិប្បដិសារីខ្លាំងណាស់ ហើយដើម្បីឲ្យអ្នករឹតតែប្រាកដចិត្ត សញ្ញាទាំង៨ខាងក្រោយនឹងធ្វើឲ្យអ្នកបាត់សង្ស័យ៖
**១. សួរនាំសុខទុក្ខអ្នកពីមិត្តស្និទ្ធស្នាលរបស់អ្នក**
នៅសុខៗស្រាប់តែគាត់ព្យាយាមទាក់ទងមិត្តភ័ក្ដិរបស់អ្នកដើម្បីសួរនាំដំណឹងពីអ្នក។ ច្បាស់ណាស់គាត់ចង់បង្ហាញឲ្យអ្នកដឹងថាគាត់នៅតែព្រួយបារម្ភ ចង់ដឹង ចង់ឮគ្រប់រឿងរ៉ាវលំអិតពីអ្នក។
២. បន្តទំនាក់ទំនងជាមួយគ្រួសារអ្នក
ទោះជាបែកគ្នាហើយ តែគាត់មិនបានផ្ដាច់ទំនាក់ទំនងជាមួយសមាជិកគ្រួសាររបស់អ្នកឡើយ។ ជារឿយៗ គាត់ឧស្សាហ៍ជជីកសួរដំណឹងអ្នកពីពួកគេ ព្រោះគាត់ដឹងថានេះជាមធ្យោបាយល្អបំផុតដើម្បីផ្សះផ្សា និងត្រូវរ៉ូវជាមួយអ្នកវិញ។
៣. តាមដានព័ត៌មានអ្នកតាមរយៈបណ្ដាញសង្គម
ត្បិតតែគាត់មិនដែលComment ឬផ្ញើសារមកអ្នកក៏ដោយ តែគាត់តែងតែតាមដានគ្រប់Status ឬរូបថតដែលអ្នកបង្ហោះ ដោយការLike។ នេះជាសញ្ញាដែលគាត់ចង់ប្រាប់អ្នកថា គាត់សុំទោសចំពោះកំហុសគ្រប់យ៉ាងរបស់គាត់។
៤. គាត់ខល និងផ្ញើសារទៅអ្នក ពេលស្រវឹង
អ្នកណាក៏ដឹង ពេលមនុស្សស្រវឹងគឺមិនចេះនិយាយកុហកទេ អារម្មណ៍ពិតមានប៉ុន្មាន ប្រាកដជាបង្ហាញចេញទាំងអស់តែម្ដង។ ដូច្នេះបើគាត់ខលទៅ និយាយអង្វរក សុំត្រូវរ៉ូវគ្នាវិញ ពេលគាត់ស្រវឹង ច្បាស់ក្រឡែត គឺគាត់កំពុងតែស្ដាយក្រោយខ្លាំងណាស់។
៥. នៅលីវដដែល
គាត់អាចសម្ដែងជាកំពុងតែចាប់អារម្មណ៍នារីជាច្រើន ឬព្យាយាមញ៉ែនារីណាម្នាក់ពេលឃើញអ្នកនៅក្បែរ ប៉ុន្តែការពិតគាត់គ្រាន់តែព្យាយាមធ្វើឲ្យអ្នកប្រចណ្ឌប៉ុណ្ណោះ។
៦. គាត់មិនទាន់ណាត់ជួបគូថ្មី
ដរាបណាគាត់នៅតែមានអារម្មណ៍ស្ដាយស្រណោះ គាត់ប្រាកដជាមិនអាចស្រឡាញ់ ឬប្រាកដប្រជាជាមួយនារីថ្មីបានឡើយ។ ជីវិតគាត់ហ៊ុំព័ទ្ធដោយភាពក្រៀមក្រំ ទុក្ខសោក ដែលគាត់ខ្លួនឯងក៏រកផ្លូវដោះស្រាយមិនចេញ។
៧. គាត់បង្ហាញខ្លួន ជាមួយកាដូភ្ញាក់ផ្អើល
អ្នកប្រហែលបានជួបគាត់នៅកន្លែងមួយចំនួនដូចជា ហាងកាហ្វេ កន្លែងហាត់ប្រាណ ឬភោជនីយដ្ឋានដែលអ្នកឧស្សាហ៍ទៅ។ គាត់ព្យាយាមមកនិយាយលេងជាមួយអ្នក ព្រមជាមួយកាដូពិសេសៗមួយចំនួនដូចជា បាច់ផ្កា ឬ សូកូឡា ជាដើម។
៨. សារភាពត្រង់ៗ
ទទួលស្គាល់ការពិត ប្រាប់អ្នកត្រង់ៗ ថាគាត់ពិតជាស្ដាយក្រោយ និងអង្វរសុំការលើកលែងទោសពីអ្នក។ អ្នកធ្លាប់ទទួលការឈឺចាប់ម្ដងហើយ ដូច្នេះការសម្រេចចិត្តរបស់អ្នក ក៏ប្រហែលជាត្រូវតែល្អិតល្អន់ ជាងមុនដែរ ៕
អានបន្តសម្ដី៧ឃ្លាដែលបុរសៗចង់ឮបំផុតពីមនុស្សស្រីជាទីស្រឡាញ់ តែមិនហ៊ានហាមាត់ប្រាប់