ទៅលេងឌូប៊ៃមិនអស់ច្រើនទេ បើដឹងរឿងចំណេញទាំង៥នេះ

2020-02-28 10:09:24
ចំនួនមតិ 0 | ចំនួនចែករំលែក 0

ឌូប៊ៃ ជាទីក្រុងដ៏ទាក់ទាញមួយលំដាប់ពិភពលោក ដែលគេតែងនិយាយតៗគ្នាខ្លះថា ទីក្រុងនេះ ជាកន្លែងដែលត្រូវការចំណាយច្រើនស្ទើរគ្រប់បែបយ៉ាង តែផ្ទុយទៅវិញវាមិនដូចពាក្យគេនិយាយទាំងអស់ឡើយ។ អត្ថបទលម្អិតនេះ Sabay ជូនចំពោះអ្នកចង់ទៅលេងនៅឌូប៊ៃ ដោយមិនចំណាយអស់ច្រើន និងទទួលបានភាពរីករាយយ៉ាងពេញចិត្ត។ សូមណែនាំរឿងសំខាន់ៗមួយចំនួនគួរដឹង និងត្រៀមជាមុន។ តោះ! ទៅអានទាំងអស់គ្នា៖

១. រឿងដែលគួរដឹងមុនទៅ

លុយរបស់អារ៉ាប់ គឺDirham ដែល ១ដុល្លារ ប្រមាណ ៣,៦Dirham
បានស៊ីម Free ពេលឆែក Passport នៅព្រលានយន្តហោះឌូប៊ៃ

សូមទស្សនាវីដេអូបន្ថែម៖

ស្ទើរគ្រប់ទីកន្លែងនៅឌូប៊ៃ មានWifi
ប្រជាជនអារ៉ាប់ភាគច្រើនអាចនិយាយភាសាអង់គ្លេស
ដើម្បីអស់លុយតិច គឺទិញកាតរថភ្លើងតម្លៃ ៧ដុល្លារ ធ្វើដំណើរតាមរថភ្លើង Metro និងTram ងាយស្រួល ហើយសុវត្ថិភាព។

សូមទស្សនាវីដេអូបន្ថែម៖

២. កន្លែងកម្សាន្តមិនអស់លុយ

នៅឌួប៊ៃមានកន្លែងដើរលេងមិនចាំបាច់ចំណាយលុយច្រើនណាស់។ នេះកន្លែងដែលបង Sabay សូមណែនាំ៖

The Dubai Mall ជាផ្សារទំនើបដែលធំជាងគេ នៅក្នុងផ្សារ អាចទស្សនាអាងមច្ឆា ស្ដង់ Cute Cute គេរៀបចំសម្រាប់ថតរូប
Dubai Fountain ជាកន្លែងដែលពេញនិយមជាងគេ ដែលយើងគ្រាន់តែដើរចេញពីក្នុងផ្សារ The Dubai Mall គឺឃើញតែម្ដង។ ទីនេះ មានទីធ្លាធំទូលាយ ទេសភាពស្អាតៗ កន្លែងអង្គុយស្ដាប់ចម្រៀងលាយឡំទឹកធ្លាក់ ហើយបានឃើញអគារខ្ពស់ជាងគេក្នុងលោក គឺ Burj Khalifa ។

Atlantis នៅលើឆ្នេរ Palm Jumeriah ដើម្បីទៅទីនេះ ត្រូវចំណាយទិញកាតចូលទស្សនាប្រមាណ ៨ដុល្លារ ដោយជិះរថភ្លើង Monorail។

នៅកន្លែងនេះ ជាតំបន់ពិបាកនឹងទប់ចិត្តបន្តិច ព្រោះមានកន្លែងកម្សាន្តជាច្រើន កន្លែងលក់វត្ថុអនុស្សាវរីយ៍ ប៉ុន្តែក៏មានកន្លែងដើរទស្សនាមិនអស់លុយដែរ។

សូមទស្សនាវីដេអូបន្ថែម៖

៣. អាហារ

អាហារតំបន់ដែលអាចណែនាំអ្នកទាំងអស់គ្នាគឺ Falafel តម្លៃសមរម្យ អាចញ៉ាំ ២នាក់

ទឹកសុទ្ធ ១ដប តម្លៃ ១ Dirham ប្រហែល ១ ៥០០រៀល
ភេសជ្ជៈមួយកំប៉ុងមានពី ១ដុល្លារ និងទឹកផ្លែឈើស្រស់គេ ១កែវ ២ ដុល្លារ
មានអាហារលឿន KFC ជាឈុតតម្លៃ១០ដុល្លារ មានភ្លៅមាន់បំពង ២ ដំឡូងបារាំង កូកា ១កែវ ។

៤. កន្លែងស្នាក់នៅ

តម្លៃសណ្ឋាគារបែងចែកទៅតាមតំបន់៖

តំបន់ជាយក្រុង មានតម្លៃពី ៥០ដុល្លារ
តំបន់ទីប្រជុំជន តម្លៃមានពី ៨០ដុល្លារ
តំបន់កណ្ដាលក្រុងនៅជិតរមណីយដ្ឋាន ល្បាក់ ១០០ដុល្លារ។

" ជាយោបល់ល្អ គួរកក់តាមអនឡាញជាមុន នឹងបានតម្លៃទាប " ។

៥. ការធ្វើដំណើរតាមយន្តហោះ

និយាយពីការធ្វើដំណើរតាមយន្តហោះ ប្រសិនជ្រើសរើស Emirates គឺមានភាពងាយស្រួលច្រើនយ៉ាង ទាំងការធ្វើ Visa, ការកម្សាន្តមិនចេះធុញនៅលើយន្តហោះ, ការធ្វើដំណើរមានផាសុកភាពជាដើម។

សូមទស្សនាវីដេអូបន្ថែម៖

ចំពោះតម្លៃសំបុត្រវិញ មានល្បាក់ពី ៤៩៤ដុល្លារ (ទៅ-មក) ភ្នំពេញ-ឌូប៊ៃ ដែលតម្លៃនេះ សម្រាប់ការធ្វើដំណើរក្នុងរយៈពេល ១៤ កុម្ភៈ ដល់ ៣០ កញ្ញាឆ្នាំ ២០២០។ ចុចអានបន្ថែម

៦. ទិញវត្ថុអនុស្សាវរីយ៍

នៅទីក្រុងនេះ មានរបស់ទាក់ទាញភ្ញៀវទេសចរជាច្រើនយ៉ាងដែលមានលក់នៅតាមផ្សារទំនើប ឬតាមរមណីយដ្ឋាន ប៉ុន្តែប្រសិនចង់ទិញរបស់អនុស្សាវរីយបានតម្លៃធូរថ្លៃ គួរទិញចំនួនច្រើនបន្តិច(អាចទិញចាប់ពីចំនួន ៣ ឡើងទៅ) ដើម្បីងាយស្រួលតថ្លៃ។

មួយវិញទៀត យើងក៏អាចទិញពេលត្រឡប់មកវិញ នៅព្រលានយន្តហោះឌូប៊ៃ ដែលគេមានលក់របស់អនុស្សាវរីយ៍ជាច្រើន ជាមូយការបញ្ចុះ ៥០% (ទំនិញមិនគិតពន្ធ Duty Free) លើទំនិញគ្រប់ប្រភេទ លើកលែងតែគ្រឿងអលង្ការ មាស និងពេជ្រប៉ុណ្ណោះ។

សូមទស្សនាវីដេអូបន្ថែម៖

សង្ឃឹមថាបន្ទាប់ពីអានអត្ថបទរួច អ្នកទាំងអស់គ្នានឹងត្រៀមខ្លួនបំពេញក្ដីស្រម៉ៃ ជូនខ្លួនឯងទៅកន្លែងខ្លួនប្រាថ្នានៅថ្ងៃណាមួយ៕

អត្ថបទ៖ ស៊ិន សាវ៉េត