ឈឺប្រអប់ជើង ឈឺជើងដោយសារឈររយៈពេលយូរ តើគួរត្រាំទឹកក្តៅឬទឹកត្រជាក់?
- 2020-01-08 03:40:00
- ចំនួនមតិ 0 | ចំនួនចែករំលែក 0
ឈឺប្រអប់ជើង ឈឺជើងដោយសារឈររយៈពេលយូរ តើគួរត្រាំទឹកក្តៅឬទឹកត្រជាក់?
តើអ្នកធ្លាប់មានការឈឺចាប់ប្រអប់ជើងឬជើងដែរឬទេ? នៅពេលអ្នកធ្វើសកម្មភាពឈរ ដើរឡើងភ្នំ ទៅដើរលេងដោយថ្មើរជើង និងធ្វើសកម្មភាពផ្សេងៗក្នុងរយៈពេលយូរ អ្នកនឹងមានអាការៈឈឺចុកចាប់ប្រអប់ជើងឬក៏ជើង។ នៅពេលអ្នកឈឺជើង តើគួរត្រាំទឹកត្រជាក់ឬទឹកក្តៅ? តោះមកដឹងទាំងអស់គ្នា។
**ហេតុផលដែលអ្នកគួរត្រាំជើងក្នុងទឹកត្រជាក់**
ប្រសិនបើអ្នកមានការឈឺចុកចាប់ដោយសារការដើរនិងឈររយៈពេលយូរ អ្នកគួរតែត្រាំជើងរបស់អ្នកនៅក្នុងទឹកត្រជាក់ព្រោះថាវានឹងជួយឲ្យសរសៃឈាមរបស់អ្នកកន្ត្រាក់ និងជួយកាត់បន្ថយសារធាតុធ្វើឲ្យរលាក។ ហេតុដូចនេះ អ្នកគួរតែត្រាំជើងរបស់អ្នកនៅក្នុងទឹកត្រជាក់ដើម្បីកាត់បន្ថយការឈឺចាប់សាច់ដុំជើងនិងការហើមជើង។
តើពេលណាគួរត្រាំជើងក្នុងទឹកក្តៅ?
ចំពោះការត្រាំជើងនៅក្នុងទឹកក្តៅវិញ វាជាការធ្វើឲ្យអ្នកបន្ធូរអារម្មណ៍ គេងលក់ស្រួល ព្រោះវាធ្វើឲ្យឈាមរត់បានប្រសើរ។ ដូច្នោះហើយ ប្រសិនបើអ្នកចង់ឲ្យការគេងលក់ស្រួលអ្នកគួរតែត្រាំជើងជាមួយទឹកក្តៅក្នុងសីតុណ្ហភាពចន្លោះពី ៣៦ ទៅ ៣៨ អង្សារសេរយៈពេលពី ១០ ទៅ ១៥ នាទី។
ការប្រុងប្រយ័ត្នក្នុងការត្រាំជើងរបស់អ្នកក្នុងទឹក
១. មិនថាទឹកត្រជាក់ក្តីឬទឹកក្តៅក្តី អ្នកគប្បីជ្រើសរើសទឹកស្អាតមកត្រាំជើង។
២. សង្កេតមើលជើងរបស់អ្នកដោយប្រុងប្រយ័ត្ន ប្រសិនបើជើងរបស់អ្នកមានរបួសមិនគួរត្រាំទឹកឡើយព្រោះអាចមានបញ្ហា។
៣. នៅពេលត្រាំទឹក អ្នកមិនគួរលាយរបស់ផ្តេសផ្តាសដោយមិនដឹងមូលហេតុឡើយ។
៤. អ្នកជំងឺទឹកនោមផ្អែមមិនគួរត្រាំជើងក្នុងទឹកឡើយ ព្រោះវាអាចមានប្រតិកម្មដល់ស្បែក។
៥. កុំត្រាំជើងរបស់អ្នកជាមួយទឹកអ្នកដទៃ ព្រោះវាអាចនាំឲ្យអ្នកឆ្លងមេរោគផ្សេងៗ៕
រូបភាព៖ Pinterest
ចុចអានបន្ត៖
ទទួលទានទឹកក្តៅឧណ្ហៗជួយទាំងសុខភាព ជួយទាំងសម្រស់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
