ទទួលទានទឹកក្តៅឧណ្ហៗជួយទាំងសុខភាព ជួយទាំងសម្រស់

2020-01-06 05:10:00
ចំនួនមតិ 0 | ចំនួនចែករំលែក 0

នរណាៗក៏ដឹងថា ទឹកជាភេសជ្ជៈចំាបាច់សម្រាប់សារពាង្គកាយ។ ចុះអ្នកមានដែលដឹងទេថា ទឹកក្តៅឧណ្ហៗផ្តល់អត្ថប្រយោជន៍យ៉ាងណានោះសម្រាប់អ្នក? ជាការពិតណាស់ ក្រោយអានបញ្ចប់អត្ថបទមួយនេះ អ្នកនឹងបានដឹងពីអត្ថប្រយោជន៍នៃការទទួលទានទឹកក្តៅសម្រាប់សុខភាពនិងសម្រស់របស់អ្នករួមមាន៖

១. ជួយកាត់បន្ថយការឈឺចាប់ពេលមករដូវ

រូបតំណាង

ប្រសិនបើអ្នកមានអាការឈឺចុកចាប់ពេលមករដូវ ចូរអ្នកទទួលទានទឹកក្តៅឧណ្ហៗមួយកែវ។ នៅពេលអ្នកទទួលទាន វានឹងជួយឲ្យសាច់ដុំពោះបានសម្រាក កាត់បន្ថយការឈឺចុកចាប់បានយ៉ាងល្អ។

២. ជួយសម្រកទម្ងន់

រូបតំណាង

ទឹកក្តៅឧណ្ហៗជួយពង្រឹងដំណើរការមេតាប៉ូលីសនៅក្នុងរាងកាយឲ្យធ្វើដំណើរការល្អ។ ដូច្នេះហើយ ប្រសិនបើអ្នកមានបំណងចង់សម្រករាង គួរតែប្តូរទម្លាប់ទទួលទានទឹកត្រជាក់ទៅជាទឹកក្តៅវិញទើបជាការល្អ។

៣. ការបន្សាបជាតិពុល

ការទទួលទានទឹកក្តៅឧណ្ហៗនឹងធ្វើឲ្យរាងកាយរបស់អ្នកឡើងកម្តៅ បន្ទាប់មកក៏បែកញើស។ ដំណើរការបែបនេះហើយហៅថា ការបន្សាបជាតិពុលពីរាងកាយរបស់អ្នកតាមរយៈស្បែក ដូច្នេះជាតិពុលនៅក្នុងរាងកាយរបស់អ្នកក៏ចេញមកតាមញើសដែរ។

៤. កាត់បន្ថយការឈឺចាប់ក

ការឈឺកអាចបណ្តាលមកពីមេរោគ បាក់តេរី និងវីរុសផ្សេងៗដែលអ្នកមើលមិនឃើញ។ ដើម្បីសម្លាប់មេរោគនៅត្រង់ក អ្នកគួរតែទទួលទានទឹកក្តៅឧណ្ហៗប្រសើរជាងទឹកត្រជាក់។

៥. ជួយកាត់បន្ថយភាពចាស់

រូបតំណាង

ការទទួលទានទឹកក្តៅពិតជាល្អសម្រាប់សុខភាពស្បែករបស់អ្នក ព្រោះវាជួយកម្ចាត់ជាតិពុលផ្សេងៗពីរាងកាយរបស់អ្នក។ ជាតិពុលនឹងបង្កើតឲ្យមានស្នាមជ្រីវជ្រួញនិងការខ្សោះជីវជាតិបានយ៉ាងងាយ។ ដូច្នេះ កុំភ្លេចទទួលទានទឹកក្តៅដើម្បីជួសជុលកោសិកាស្បែកនិងជួយបង្កើនឲ្យស្បែកក្មេងជាងវ័យ មានជាតិទឹកច្រើន កាត់បន្ថយការឆាប់ចាស់។

រូបភាព៖ Pinterest

ចុចអានបន្ត៖

អ្នកកំពុងត្រូវការជាតិកាល់ស្យូម គួរទទួលទានអាហារ ៥ ប្រភេទនេះ

ប្រភព៖ Sanook ប្រែសម្រួល៖ សុវណ្ណ ស្រីពីន