មិនធ្លាប់មាន! ស្រីស្អាតជប៉ុនកំពស់ជាង១ម៉ែត្រសែ នៅតែដណ្ដើមបានពានបវរកញ្ញាឯក

2019-12-16 04:15:00
ចំនួនមតិ 0 | ចំនួនចែករំលែក 0

អ្នកថាបវរកញ្ញាទាល់តែមានកំពស់ខ្ពស់ទើបធ្វើបាននោះ ត្រឹមតែកំពស់មិនដល់មួយម៉ែត្រហាសិបក៏អាចធ្វើបានដែរ បើមិនជឿមើលតែឧទាហរណ៍ជាក់ស្ដែងខាងក្រោមទៅ។

កាលពីពេលថ្មីៗនេះ បណ្ដាញសង្គមជប៉ុនបានល្បីយ៉ាងព្រោងព្រាតនូវបវរកញ្ញាមួយរូបដែលមានកំពស់ទាបជាងគេបង្អស់តាំងពីមុនមក។ តាមនោះដែរ ឲ្យតែរដូវចុងឆ្នាំ គ្រប់សកលវិទ្យាល័យជប៉ុនទាំងអស់ នឹងប្រារព្វកម្មវិធីជ្រើសរើសបវរកញ្ញាឯកប្រចាំសាលារបស់ខ្លួន។ សម្រាប់ឆ្នាំនេះ បវរកញ្ញាឯកនៃសកលវិទ្យាល័យនារីតូក្យូបានជ្រើសបានជយលាភីដែលមានកំពស់ទាបមិនធ្លាប់មានពីមុនមក។

តាមនោះដែរ បវរកញ្ញាឯកឆ្នាំនេះមានឈ្មោះថា Obuchi Nonoka អាយុ១៩ឆ្នាំ កំពុងសិក្សាឆ្នាំទី២ ជំនាញអក្សរសាស្ត្រជប៉ុន។ នាងមានកំពស់ត្រឹមតែ១.៤៦ម តែប៉ុណ្ណោះ ប៉ុន្តែនាងបានយកឈ្នះបេក្ខនារីជិត១០០រូបទៀត ដែលមានកំពស់ខ្ពស់ជាងនាងស្រឡះ។

នៅពេលឈរក្បែរ បវរកញ្ញាដទៃ គេអាចសង្កេតឃើញថា Nonoka គឺមានកំពស់ទាបជាងគេ តែបើនិយាយពីសម្រស់វិញ គឺនារីតូចច្រឡឹងរូបនេះ វ៉ាដាច់គេតែម្ដង។ មនុស្សជាច្រើនបានវាយតម្លៃថា ទម្រង់មុខរបស់បវរកញ្ញាថ្មី ប្រៀបដូចជាចេញពីគំនូរបេះបិទ៕