៦ វិធី ធ្វើឲ្យប្រុសក្បត់ស្តាយក្រោយពេលបាត់បង់អ្នក
- 2019-12-13 03:15:00
- ចំនួនមតិ 0 | ចំនួនចែករំលែក 0
៦ វិធី ធ្វើឲ្យប្រុសក្បត់ស្តាយក្រោយពេលបាត់បង់អ្នក
គ្មាននរណាម្នាក់ រីករាយនឹងពាក្យថាបែកគ្នានោះទេ។ អ្នកអាចកើតទុក្ខមួយភ្លែតបាន ប៉ុន្តែកុំខូចចិត្តយូរពេក ព្រោះវាគ្មានបានមកវិញ ក្រៅពីភាពឈឺចាប់ រួមទាំងប៉ះពាល់ដល់សុខភាពផ្លូវកាយនិងចិត្តនោះទេ។ ត្រូវតាំងខ្លួនឲ្យរឹងមាំឡើង ដរាបណាអ្នកអាចជួយសង្គ្រោះខ្លួនឯងដោយវិធីល្អៗ ប្រុសក្បត់នោះ ច្បាស់ជាស្តាយក្រោយខ្លាំង ខកខ្លួនដែលបានចាកចេញពីអ្នក។
១. កុំព្យាយាមតាមដានឬទាក់ទងទៅគេ
ទោះបីជាមិនទាន់ភ្លេចគេបាន ១០០% ក៏មិនគួរចង់ដឹងចង់ឮ ឬទាក់ទងអីទៀតដែរ។ មនុស្សដែលហ៊ានដើរចេញទៅហើយ តើមានតម្លៃអ្វីត្រូវឲ្យអ្នកទៅខ្វល់ខ្វាយជាមួយនោះ? យកពេលវេលា គិតគូរពីខ្លួនឯងវិញប្រសើរជាង មើលថែរក្សាបេះដូងបរិសុទ្ធទុកសម្រាប់អ្នកណាដែលស័ក្តិសមនឹងទទួលបាន មនុស្សដែលស្រលាញ់អ្នកពិតប្រាកដ ទើបវាមានតម្លៃ។
២. ស្អាតជានិច្ច
អស់ពេលដែលត្រូវបង្ហូរទឹកភ្នែកទៀតហើយ។ ឈប់អង្គុយយំ ឬធ្វើបាបចិត្តខ្លួនឯងទៀត។ ទៅឆ្លុះកញ្ចក់ហើយសួរថា តើគាត់ឬមួយក៏ជាអ្នកទេ ដែលកំពុងតែធ្វើឲ្យខ្លួនឈឺចាប់? គេទៅបាត់ហើយ មិនអាចមើលឃើញទឹកភ្នែក និងឮសំឡេងយំរបស់អ្នកឡើយ។ ចាប់ផ្តើមទំព័រថ្មី ធ្វើខ្លួនឲ្យស្អាត បង្កើនភាពស្រស់ស្រាយជាប់ជានិច្ច។
៣. គ្មានគាត់ក៏មិនស្លាប់
កុំចាត់ទុកគាត់ជាអ្វីៗគ្រប់យ៉ាងហើយគិតថាអ្នកមិនអាចរស់ដោយគ្មានគាត់ ព្រោះពេលកើតចេញពីពោះម្តាយ មក អ្នកមានតែខ្លួនមួយស្រាប់ទៅហើយ។ កាលពេលដែលមិនទាន់ទាក់ទងគាត់ អ្នកធ្លាប់នៅម្នាក់ឯងបាន ដូច្នេះពេលនេះហេតុអីមិនបានទៅ? រៀនផ្សាំខ្លួនបណ្តើរៗ ការកើតទុក្ខ អាចនៅជាមួយអ្នកយូរបំផុត ត្រឹម៦ខែតែប៉ុណ្ណោះ។
៤. អ្នកចាស់ទៅ អ្នកថ្មីនឹងមក
អ្វីដែលសង្សារចាស់ស្តាយបំផុត គឺនៅពេលដែលឃើញអ្នកមិនឈឺចាប់យូរ ថែមទាំងអាចជួបអ្នកថ្មីដែលល្អជាងគាត់។ កុំធ្វើខ្លួនដូចជាទន់ជ្រាយ បញ្ជាក់ឲ្យគាត់ដឹងថាទោះគ្មានគាត់ ក៏អ្នកនៅតែមានជម្រើស មិនខ្វះទេមនុស្សល្អផ្សេងទៀតកំពុងតែរង់ចាំ។
៥. សុភមង្គលរបស់អ្នកមិនមែនពឹងផ្អែកលើគាត់
រស់នៅឲ្យសប្បាយរីករាយ ធ្វើអ្វីដែលអ្នកចូលចិត្ត។ ផ្តោតអារម្មណ៍លើកិច្ចការណាដែលមានប្រយោជន៍ជាចម្បង។ អ្នកនៅតែជាអ្នកមិនផ្លាស់ប្តូរ មិនចុះចាញ់ ថែមទាំងអាចរកសុភមង្គលឲ្យខ្លួនឯងបានពេលដែលគ្មានគាត់។ នេះចំណុចខ្លាំងរបស់អ្នក។
៦. ធ្វើឲ្យជីវិតប្រសើរឡើង រហូតដល់គាត់ភ្ញាក់ខ្លួនស្តាយក្រោយ
បើចង់ឲ្យគាត់ស្តាយក្រោយ អ្នកត្រូវធ្វើឲ្យឃើញថា ខណៈពេលដែលបាត់បង់គាត់ ប្រៀបបាននឹងឱកាសកម្ររកបាន ដែលអាចជួយឲ្យខ្លួនឯងផ្លាស់ប្តូរ រីកចម្រើន ចេះបែងចែកស្គាល់ល្អនិងអាក្រក់បានច្រើនជាងមុន។ អ្នកស្គាល់ច្បាស់ពីខ្លួនឯង អាចក្លាយជាមនុស្សស្រីដែលគ្រប់គ្នាកោតស្ញប់ស្ញែង។ ដល់ពេលនោះ គាត់នឹងភ្ញាក់ខ្លួនបន្ទោសខ្លួនឯងថា ហេតុអ្វីជួបមនុស្សស្រីល្អហើយមិនចេះថែរក្សា។
ចុចអានបន្ត៖ ពេលវេលាគ្រោះថ្នាក់ទាំង៥ ធ្វើឲ្យស្វាមីបែកចិត្តស្រលាញ់ស្រីផ្សេង