អស់ទាំងលុយ អស់ទាំងកម្លាំងរៀបចំកម្មវិធី សារភាពប្រាប់ Crush តែសារភាពច្រឡំមនុស្សទៅវិញ
- 2019-11-21 06:00:00
- ចំនួនមតិ 0 | ចំនួនចែករំលែក 0
អស់ទាំងលុយ អស់ទាំងកម្លាំងរៀបចំកម្មវិធី សារភាពប្រាប់ Crush តែសារភាពច្រឡំមនុស្សទៅវិញ
អារម្មណ៍នៅពេលត្រូវគេសារភាពស្នេហ៍ដាក់គឺពិតជារំជើបរំជួលខ្លាំងណាស់ តែបើត្រូវគេសារភាពច្រឡំនោះនឹងមានអារម្មណ៍យ៉ាងណាវិញ?
តើវិធីលឿនបំផុត ដើម្បីទទួលបានស្នេហាមួយ គឺត្រូវធ្វើយ៉ាងណា? នោះគឺសារភាពស្នេហ៍នេះឯង។ ទោះបីជានិយាយយ៉ាងណាក៏ដោយ ក៏មនុស្សស្រីនៅតែស្គាល់រសជាតិគេសារភាពស្នេហ៍ដាក់ម្ដងក្នុងមួយជីវិត។ ប៉ុន្តែអារម្មណ៍ក្ដុកក្ដួលនេះ នឹងប្រែទៅជាបែបណានៅពេលអ្នកត្រូវបានគេសារភាពថាស្រលាញ់ហើយ ប៉ុន្តែគេបែរជាច្រឡំមនុស្ស ហើយអ្នកមិនមែនជាមនុស្សដែលគេស្រលាញ់ពិតមែននោះ?
តាមនោះដែរ រឿងហេតុដែលហួសចិត្តនេះបានកើតឡើងនៅសកលវិទ្យាល័យ Huai Hua ខេត្ត Hunan ប្រទេសចិន។ ជាក់ស្ដែងនិស្សិតប្រុសម្នាក់បានចំណាយពេលវេលា និងលុយកាក់ដើម្បីទិញផ្កាក៏ដូចជាទៀន ដើម្បីសារភាពស្នេហ៍ដាក់មនុស្សស្រីដែលខ្លួនលួចស្រលាញ់។ មុនពេលរៀបចំកម្មវិធីនេះ លោកបានសួររកអគារដែលនាងស្នាក់នៅរួចជាស្រេច ហើយរង់ចាំពេលនាងត្រលប់មកពីញ៉ាំអីវិញ នឹង surprise នាងតែម្ដង។
ប៉ុន្តែ គួរឲ្យសោកស្ដាយ នៅពេលនាងមកវិញ មនុស្សចាំគាំទ្រ បានស្រែកហ៊ោរគ្រប់គ្នានោះ ម្ចាស់សាមីខ្លួនបានត្រឹមតែធ្លាក់ទឹកមុខ ដោយសារតែមនុស្សស្រីរូបនេះ មិនមែនជាមនុស្សដែលលោកស្រលាញ់ឡើយ។ មូលហេតុដែលនាំឲ្យមានការភាន់ច្រឡំនោះគឺ មនុស្សដែលលោកស្រលាញ់ និងមនុស្សស្រីខាងលើ មានឈ្មោះ និងត្រកូលដូចគ្នា ប៉ុន្តែស្នាក់នៅអគារខុសគ្នា ដោយមួយនៅអគារ A មួយទៀតនៅ អគារ B។ ទោះបីជាសារភាពស្នេហ៍ខុសក៏ដោយ តែនិស្សិតជាច្រើនសង្ឃឹមថា អ្នកទាំង២អាចធ្វើជាមិត្តនឹងគ្នាសិន ហើយទុកឲ្យព្រហ្មលិខិតជាអ្នកសម្រេចបន្ទាប់៕
ចុចអាន៖ ត្រូវ crush បដិសេធព្រោះតែរាងធាត់ នារីម្នាក់ប្ដេជ្ញាចិត្តធ្វើឲ្យ crush ស្ដាយក្រោយ