វិធីត្រឹមត្រូវសម្រាប់នារីចង់កោរពុកមាត់ ដែលដុះពេញមុខគួរឲ្យធុញ

2019-10-11 07:45:00
ចំនួនមតិ 0 | ចំនួនចែករំលែក 0

អ្នកប្រហែលជាគិតថា គ្រាន់តែកោរពុកមាត់មានអីលំបាក។ តាមពិតស្បែកនិងពុកមាត់ដុះលើមុខនារី មានលក្ខណៈមិនដូចគ្នានឹងបុរសទេ។ ស្ត្រីមានរោមស្ដើងៗនៅបរិវេណបបូរមាត់។ ដូច្នេះអ្នកត្រូវរៀបចំខ្លះៗមុនពេលកោររោមទាំងនោះចេញ។ ទាំងនេះជាគន្លឹះមួយចំនួន៖

១. លាងសម្អាតមុខជាមុន

លាងសម្អាតមុខអ្នកឲ្យស្អាតសិន ដើម្បីជួយកាត់បន្ថយភាពកខ្វក់លើស្បែកមុខ។ នេះក៏ជាភាពងាយស្រួលនៅពេលចាប់ផ្ដើមកោរពុកមាត់ផងដែរ។ អ្នកអាចលាងមុខជាមួយហ្វូមក៏បានដោយលាងចេញដោយទឹកក្ដៅ រួចសឹមយកកន្សែងស្អាតជូតមុខឲ្យស្ងួត។

២. លាបថ្នាំសម្រាប់កោរពុកមាត់

អ្នកមិនអាចកោរឆៅៗបានទេ គួរប្រើថ្នាំសម្រាប់លាបលើបរិវេណមានពុកមាត់ដើម្បីកោរ។ ជែលឬគ្រីមសម្រាប់កោរពុកមាត់ ជួយឲ្យប្រតិបត្តិការផ្លែឡាមកោរបានរលូន។ លើសពីនេះក៏ជួយកាត់បន្ថយការកកិតខ្លាំងដោយផ្លែឡាមលើមុខថែមទៀត។ ប្រសិនបើអ្នកគ្មានជែលឬគ្រីមសម្រាប់លាបទេ អ្នកក៏អាចប្រើសាប៊ូឬប្រេងផងដែរ ប្រសិនបើស្បែកអ្នកជាប្រភេទឆាប់ប្រតិកម្ម។

៣. ប្រដាប់កោរពុកមាត់

សូមជ្រើសរើសប្រដាប់កោរពុកមាត់មានមុខ១ តែពេលខ្លះក៏អាចប្រើប្រដាប់កោរពុកមាត់របស់បុរសបានដែរ ដោយសារគេផលិតឡើងសម្រាប់កោររោមពុកមាត់ដែលក្រាស់ៗ។ ម្ល៉ោះហើយ វាជួយឲ្យអ្នកកោរបានលឿនហើយស្អាតនិងមិនធ្វើឲ្យពុកមាត់ទាំងនោះឆាប់ដុះនោះទេ។ សូមប្រើដោយកម្លាំងថ្នមៗពេលកោរម្ដងៗ។

៤. លាបគ្រីមផ្ដល់សំណើម

សូមលាងមុខចេញពេលកោរពុកមាត់រួច បន្ទាប់មកកុំភ្លេចលាបគ្រីមផ្ដល់សំណើម ឬប្រេងលាបលើស្បែកមុខដែលទើបកោររួចផង។ ត្រូវជ្រើសរើសផលិតផលទាំងនោះ ដែលគ្មានជាតិអាល់កុល។ នៅពេលទើបកោរពុកមាត់រួចភ្លាមៗ គប្បីមិនគួរផាត់មុខភ្លាមៗទេ។

សម្រាប់ការកោរពុកមាត់នេះវិញ មិនកំណត់ថាត្រូវកោរប៉ុន្មានដងក្នុងមួយសប្ដាហ៍នោះទេ អាស្រ័យលើតើរោមនោះដុះច្រើនឬអត់ពេញមុខរបស់អ្នក។ អ្នកខ្លះមួយអាទិត្យកោរម្ដង ខ្លះទៀតមួយខែកោរម្ដងជាដើម៕

ចុចអាន៖ ចង់ឲ្យការផាត់មុខចែងចាំងលេចធ្លោ កុំភ្លេចហាយឡាយ ៥ ចំណុចនេះ

ប្រភព៖ Stylecraze ប្រែសម្រួល៖ លឹម សុនា