ក្បាលពោះរាបស្មើដូចថ្នល់តាមក្បាច់យូហ្គាទាំង១០នេះ
- 2019-09-23 06:10:00
- ចំនួនមតិ 0 | ចំនួនចែករំលែក 0
ក្បាលពោះរាបស្មើដូចថ្នល់តាមក្បាច់យូហ្គាទាំង១០នេះ
អ្នកណាថាទាល់តែនៅក្លឹបហាត់ប្រាណទើបបានមានក្បាលពោះរាបស្មើបាននោះ? ហាត់ក្បាច់យូហ្គានៅផ្ទះក៏ទទួលបានក្បាលពោះរាបស្មើបានដែរ ដោយគ្រាន់តែអនុវត្តតាមក្បាច់នេះអោយបានទៀងទាត់និងត្រឹមត្រូវតាមក្បួនខ្នាតតែប៉ុណ្ណោះ។ ក្បាច់យូហ្គាទាំងនោះរួមមាន៖
១. ក្បាច់ភ្នំ
ចូរអ្នកឈរដាក់ខ្លួនអោយត្រង់ រួចដាក់ដៃស្របទៅនឹងដងខ្លួនរាងហើបបន្តិច។
២. ក្បាច់ពត់ខ្លួនចុះក្រោមដូចភ្នំ
ក្បាច់នេះជួយបានទាំងខ្លួនប្រាណនិងគូទអ្នក។ អ្នកអាចចាប់ផ្តើមធ្វើបានតាម៖
ពត់ខ្លួននិងដៃទៅលើឥដ្ឋផ្ទាល់ រួចលើកគូទរបស់អ្នកកែង ៩០ ដឺក្រេទៅនឹងរាងកាយ បន្ទាប់មកធ្វើបែបនេះរយៈពេល ៣ នាទី។
៣. ក្បាច់គោ
អ្នកអាចហាត់ក្បាច់គោបានតាម៖ ពត់ជង្គង់អ្នកលើកម្រាល រួចដាក់ដៃឲ្យត្រង់ដោយអោយរាងកាយទ្រដោយដៃទាំងពីររបស់អ្នក រួចពត់ឆ្អឹងខ្នងរបស់អ្នកដូចសត្វឆ្មា បន្ទាប់មកពត់រាងកាយអ្នកដូចសត្វគោវិញ ធ្វើបែបនេះរយៈពេល ៣០ វិនាទី។
៤. ក្បាច់កោងខ្លួន
អ្នកត្រូវ៖ ដេកផ្កាប់មុខចុះ រួចលើកដៃនិងជើងឡើងលើចូលគ្នា ធ្វើបែបនេះរយៈពេល ៣០វិនាទី។
៥. ក្បាច់ដើមឈើ
អ្នកត្រូវ៖ ឈរឲ្យត្រង់រួចលើកជើងស្តាំដាក់ក្បែរត្រគៀកឆ្វេង ហើយក៏ដាក់ដៃសំពះទៅលើ បន្ទាប់មកញញឹម ធ្វើបែបនេះរយៈពេល ១ នាទី។
៦. ក្បាច់អាវ៉ង់
អ្នកត្រូវ៖
ដេកផ្កាប់មុខចុះ រួចលើករាងកាយអោយត្រង់ដូចដៃ រក្សាលំនឹងលើម្រាមជើង លើកមុខឡើងលើចុះក្រោមៗ ធ្វើតាមដែលអាចធ្វើបានដកដង្ហើមតាមសម្រួល។
៧. ក្បាច់ដេក
ក្បាច់នេះគ្រាន់តែដេកដាក់ខ្លួននិងដៃអោយត្រង់។
៨. ក្បាច់អង្គុយពត់ខ្លួន
អ្នកត្រូវ៖
ពត់ខ្លួនអ្នកទៅជើងតាមសម្រួល អោបជើងដោយប្រើដៃ ធ្វើបែបនេះរយៈពេល ១ នាទី។
៩. ក្បាច់អាវ៉ង់ម្ខាង
អ្នកត្រូវ៖ អ្នកអាចធ្វើក្បាច់នេះតាមក្បាច់យូហ្គាទី២ បានដោយ អ្នកប្តូរជើងឆ្វេងឬស្តាំ ផ្អៀងខ្លួនទៅឆ្វេងក៏បានស្តាំក៏បាន រួចលើកដៃម្ខាងទៀតទៅលើ ធ្វបែបនេះរយៈពេល ១៥ ទៅ ៣០ វិនាទី។
១០. ក្បាច់ពស់
អ្នកត្រូវ៖ ដេកផ្កាប់មុខចុះ រួចលាតដៃរបស់អ្នកលើកម្រាល ពត់ជើងរបស់អ្នកយឺតៗដោយលើករាងកាយអ្នកយឺតៗ ត្រូវតែប្រាកដថាម្រាមជើងអ្នកត្រង់និងប៉ះឥដ្ឋ ធ្វើបែបនេះរយៈពេល ២៥ ទៅ ៣០ វិនាទី។
ចុចអានបន្ត៖
វីដេអូហាត់យូហ្កា៧ក្បាច់ងាយៗ សម្រាប់អ្នកចង់ស្គមតែខ្ជិលហាត់ប្រាណ