គួរមោទកភាពដែលកើតជាស្រី ព្រោះទាំងនេះសុទ្ធជាឯកសិទ្ធិដែលមានតែស្រីៗមាន
- 2019-09-19 02:50:00
- ចំនួនមតិ 0 | ចំនួនចែករំលែក 0
គួរមោទកភាពដែលកើតជាស្រី ព្រោះទាំងនេះសុទ្ធជាឯកសិទ្ធិដែលមានតែស្រីៗមាន
ទទួលស្គាល់ថា ពេលខ្លះកើតមកជាមនុស្សស្រីពិតមែន ដ្បិតក្រៅពីត្រូវឈឺខ្លួនដោយសារតែបងប្អូនមកលេងជារៀងរាល់ខែ ព្រមទាំងមានកម្លាំងមិនខ្លាំងដូចមនុស្សប្រុស ហើយមិនត្រូវបានគេជឿទុកចិត្តខ្លាំងក្នុងការងារធំៗផងដែរ។ យ៉ាងណាក្ដី កើតជាមនុស្សស្រីក៏មានឯកសិទ្ធិជាច្រើនដែលមនុស្សប្រុសមិនអាចមានផងដែរ ដូចនេះកុំរអ៊ូថាកើតជាមនុស្សស្រីពិបាកទៀត។
១. មនុស្សស្រីអាចស្លៀកបានគ្រប់សម្លៀកបំពាក់ ពីរ៉ូបព្រះនាង១០ម៉ែត្រ ដល់ខោខូវប៊យរហែក ក៏គ្មានអ្នកណានិយាយអ្វីទាំងអស់។ សាកមនុស្សប្រុសស្លៀករ៉ូបចេញក្រៅលមើល បើមិនគេចោមមើលដូចសត្វចម្លែកឥលូវ។
២. ទាំងប្រុសទាំងស្រីកើតមកសុទ្ធតែមានស្អាត និងមិនសូវស្អាតទាំងអស់។ យ៉ាងណាក្ដី ចំពោះមនុស្សស្រីដែលសម្រស់មិនសូវបានគឺអាចផ្លាស់ប្ដូរបានយ៉ាងងាយស្រួលដោយគ្រាន់តែផាត់មុខ និងជួយលើកមុខមិនតិចឡើយ តែបើមនុស្សប្រុសផាត់មុខវិញគឺនែក...។
៣. ជុំជើងគ្នាជជែកគ្នា គឺជាទម្លាប់របស់មនុស្សស្រីស្ទើរតែគ្រប់រូបទៅហើយ។ ជុំគ្នានិយាយដើមគេរាប់ម៉ោងក៏គ្មានអ្វីចម្លែក គ្មានអ្នកណាថាអីដែរ តែបើប្រុសជុំគ្នានិយាយស៊ីស៊ុសប្រាកដជាត្រូវគេថាប្រុសមាត់ច្រើនមិនខាន។
៤. មនុស្សស្រីស្និទ្ធិស្នាល ឱបរឹតមិត្តភ័ក្ដិស្រីម្នាក់ទៀតប៉ុណ្ណាក៏ជារឿងធម្មតា តែសាកបើសកម្មភាពនេះត្រូវបានធ្វើឡើងដោយមិត្តភ័ក្ដិប្រុសមួយគូវិញ ប្រាកដជាត្រូវគេមើលដោយកែវភ្នែកសង្ស័យមិនខាន។
៥. ទោះបីជានៅសម័យណាក៏ដោយ ក៏តែងតែមានអ្នកកើតមកខ្ពស់ និងទាបដែរ គ្រាន់តែខុសត្រង់ថា បើមនុស្សស្រីកើតមកទាប គឺតែងពឹងពាក់ជំនួយពីស្បែកជើងកែងចោទជានិច្ច។ ទោះបីជាមនុស្សប្រុសមានស្បែកជើងខ្ពស់ដែរ ក៏មិនអាចខ្ពស់ដល់ស្បែកជើងកែងចោទនោះទេ៕
ចុចអាន៖ អនុវត្តទម្លាប់រស់នៅប្រចាំថ្ងៃទាំង ៧ នេះនឹងជួយអ្នកកាន់តែក្មេងជាងវ័យ