ដឹងតែ ៤ ល្បិចនេះលែងខ្លាចធាត់ឬឡើងទម្ងន់ហើយ រាល់ពេលញ៉ាំអាហារបំពង
- 2019-09-08 02:00:00
- ចំនួនមតិ 0 | ចំនួនចែករំលែក 0
ដឹងតែ ៤ ល្បិចនេះលែងខ្លាចធាត់ឬឡើងទម្ងន់ហើយ រាល់ពេលញ៉ាំអាហារបំពង
មុខម្ហូបអាហារបំពង កំពុងពេញនិយមខ្លាំង ជាពិសេសក្នុងស្រទាប់យុវវ័យ។ ពិតណាស់ យើងដឹងហើយថាប្រភេទអាហារទាំងនេះធ្វើឲ្យយើងធាត់ ប៉ុន្តែវាពិបាកខ្លាំងក្នុងការបញ្ចៀសពីការញ៉ាំអាហារបំពងទាំងនេះ។ យ៉ាងណាក៏ជៀសមិនផុតដែរ អីច៊ឹង សាកល្បងប៉ុន្មានវិធីនេះដើម្បីញ៉ាំអាហារបំពងបានដោយមិនខ្លាចធាត់៖
១. ត្រូវញ៉ាំសាឡាដនិងស្ពៃក្ដោបឲ្យច្រើន
ពេលញ៉ាំអាហារបំពង អ្នកត្រូវបន្ថែមសាឡាដនិងស្ពៃក្ដោបឲ្យបានច្រើនជាមួយគ្នា ដើម្បីជួយទប់ស្កាត់សារធាតុដែលធ្វើឲ្យអ្នកធាត់ក្នុងអាហារបំពងនោះ។
២. ញ៉ាំបន្លែផ្លែឈើមានជាតិសសៃរឲ្យច្រើន មុនរាល់ពេលញ៉ាំអាហារបំពង
នៅពេលអ្នកញ៉ាំអាហារបំពងច្រើន កុំភ្លេចញ៉ាំបន្លែផ្លែឈើដែលមានជាតិសសៃរឲ្យច្រើន ព្រោះបន្លែផ្លែឈើទាំងនោះមានមុខងារសំខាន់ជួយឲ្យប្រដាប់រំលាយអាហារមានដំណើរការល្អ ហើយអាចដុតកម្រិតកូលេស្តេរ៉ុលដែលបណ្ដាលឲ្យធាត់បានយ៉ាងឆាប់រហ័ស។
៣. ប្រើប្រេងធម្មជាតិ ពេលចំអិនប្រភេទអាហារបំពង
ប្រសិនបើអ្នកចង់ញ៉ាំអាហារបំពង អ្នកគួរតែជ្រើសប្រេងរុក្ខជាតិ ព្រោះប្រេងរុក្ខជាតិមានផ្ទុកវីតាមីន និងសារធាតុចឹញ្ចិមដើម្បីឲ្យរាងកាយមានសុខភាពល្អ។ ប្រើប្រេងបំពងដែលល្អ ទោះថ្លៃបន្តិច ប៉ុន្តែអ្នកក៏ទទួលបានសុខភាពរ៉ឹងមាំ ដោយមិនបារម្ភខ្លាចធាត់ថែមទៀតផង។
៤. ផឹកទឹកក្រូចឆ្មាច្របាច់ ស្របពេលញ៉ាំអាហារបំពង
ពេលកំពុងញ៉ាំអាហារបំពង អ្នកត្រូវញ៉ាំទឹកក្រូចឆ្មាច្របាច់ជាមួយគ្នាដែរ ព្រោះវាជួយកាត់បន្ថយជាតិខ្លាញ់ដែលក្នុងអាហារបំពងទាំងនោះ។ វាជួយដុតបំផ្លាញជាតិខ្លាញ់ក្នុងរាងកាយ មិនធ្វើឲ្យអ្នកធាត់។
ប៉ុន្តែយ៉ាងណាក៏ដោយ អ្នកមិនគួរញ៉ាំប្រភេទអាហារបំពងច្រើននោះទេ វាមិនល្អសម្រាប់សុខភាពរាងកាយឡើយ ដូច្នេះមិនគួរញ៉ាំក្នុងបរិមាណច្រើន និងញឹកញាប់ពេកទេ។
ចុចអានបន្ត៖រឿងទាំងនេះនឹងកើតឡើងចំពោះរាងកាយ បើអ្នកនៅតែបន្តចូលគេងយឺតរាល់យប់