រូបមន្តថ្មីហើយប្លែក! តិចនិចធ្វើម៉ាសបិទមុខ ៣ ប្រភេទតាមបែបធម្មជាតិ កំពុងពេញនិយម

2019-08-15 04:05:00
ចំនួនមតិ 0 | ចំនួនចែករំលែក 0

មានមនុស្សស្រីមិនតិចទេដែលកំពុងមានបញ្ហាមុខស្រអាប់ មានបញ្ហាផ្ទែមុខ មុខគ្មានសំណើម ស្បែកមុខស្ងួត ជាពិសេសពេលត្រូវកម្ដៅថ្ងៃ។ ពេលខ្លះ ដំណោះស្រាយនៃការផឹកទឹកឲ្យច្រើន ក៏មិនសូវមានប្រសិទ្ធភាពដែរ។ សម្រាប់ផលិតផលម៉ាសបិទមុខ មានលក់នៅទីផ្សារច្រើនណាស់ ប៉ុន្តែវាអាចជាពិបាកធ្វើសម្រេចចិត្តបន្តិចដោយមិនដឹងថាម៉ាសប្រភេទអ្វីទើបមិនប៉ះពាល់ដល់ស្បែកខ្លូន។ អស់កង្វល់ជាមួយរឿងទាំងនេះ! សាកមកធ្វើម៉ាសទាំងនេះតាមបែបធម្មជាតិ មានប្រសិទ្ធិភាពនិងមានសុវត្ថិភាព ជាពិសេសមិនចាំបាច់ចំណាយលុយច្រើនទេ៖

១ ម៉ាសប្រទាលកន្ទុយក្រពើ

គ្រឿងផ្សំ :

សាច់ប្រទាលកន្ទុយក្រពើ ៣ ស្លាបព្រាបាយ

ទឹកក្រូចឆ្មា ២ ឬ ៣ ដំណក់

ទឹកត្រជាក់

និងប្រេងរុក្ខជាតិ ៥ ឬ ១០ ដំណក់

របៀបធ្វើ : ដាក់សាច់ប្រទាលកន្ទុយក្រពើចូលចំណុះ ១ភាគ៤នៃដប ហើយបន្តក់ទឹកក្រូចឆ្មាចូល ២ឬ៣ដំណក់។ បន្ទាប់មកទៀត ចាក់ទឹកត្រជាក់ចូលឲ្យពេញ ហើយបន្តក់ប្រេងរុក្ខជាតិចូល រូចកូរគ្រឿងផ្សំចូលគ្នា ជាការស្រេច។

អត្ថប្រយោជន៍ : ប្រទាលកន្ទុយក្រពើជួយផ្ដល់សំណើមដល់ស្បែក និងជួយឲ្យស្បែកមានសុខភាពល្អ។

២ ម៉ាសផ្កាកុលាប

គ្រឿងផ្សំ :

ផ្កាកុលាប ១កែវ

ទឹកដាំពុះ ២ពែង

និងប្រេងរុក្ខជាតិ ៥ឬ១០ ដំណក់

របៀបធ្វើ : ចាក់ទឹកក្ដៅទៅក្នុងផ្កាកុលាប រងចាំទឹកប្រែពណ៌ជាផ្កាកុលាបហើយទុកវាឲ្យត្រជាក់សិន។ បន្តទៀត ដាក់វាចូលក្នុងដបហើយចាក់ប្រេងរុក្ខជាតិចូលតាមចំណង់ចំណូលចិត្តអ្នក ជាចុងក្រោយដាក់វាក្លាសេក្នុងធុងទឹកកក ឬ ទូរទឹកកកទៅតាមលទ្ធភាពអ្នកជាការស្រេច។

អត្ថប្រយោជន៍ : ទឹកផ្កាកុលាប ជួយឲ្យស្បែកមានតុល្យភាពនិងជួយកម្ចាត់បាក់តេរី។ ជាពិសេស វាមានសារធាតុប្រឆាំងអុកស៊ីតកម្មដែលជួយឲ្យស្បែកមានសំណើមនិងទន់រលោង។

៣ ម៉ាសតែ( ស្លឹកតែ)

គ្រឿងផ្សំ : តែ ១ពែង

របៀបធ្វើ : ដាំតែឲ្យពុះ រួចទុកវាឲ្យត្រជាក់ជាក់។ បន្ទាប់មកចាក់វាចូលដប ហើយយកវាទៅក្លាសេជាការស្រេច។

អត្ថប្រយោជន៍ : ក្នុងការជ្រើសរើសតែ អ្នកគូររើសយកតែផ្កា Chamomile ព្រោះវាជួយបំបាត់ស្នាមអុចខ្មៅនិងកម្ចាត់មុនបានឆាប់រហ័ស។ សម្រាប់តែបៃតង ជួយការពារស្បែកមុខអ្នកពីកាំរស្មី UVនៃព្រះអាទិត្យ។

ចុចអានបន្ត៖៥ វិធីជួយអ្នកឲ្យមានសម្រស់កាន់តែស្អាតក្នុងរយៈពេលមួយខែ សម្រាប់មិត្តនារី

ប្រភព៖ akerufeed ប្រែសម្រួល៖ ង៉ាន់ សុគុន