កាដូ ៨ មុខដែលមនុស្សប្រុសតែងចង់បានពីមនុស្សដែលខ្លួនស្រលាញ់

2019-08-05 04:00:00
ចំនួនមតិ 0 | ចំនួនចែករំលែក 0

សម្រាប់មនុស្សស្រីដូចគ្នានឹងមនុស្សប្រុសដែរ រាល់ពេលមានឱកាសពិសេសម្ដងៗ ពួកគេតែងឈឺក្បាលមិនដឹងគួរជូនកាដូអ្វីឲ្យសង្សាររបស់ខ្លួន។ យោងតាមការពិសោធន៍លើមនុស្សប្រុសមានវ័យពី១៨ ដល់ ៣០ ខាងក្រោមនេះគឺជាកាដូដែលមនុស្សប្រុសតែងចង់បានពីសង្សាររបស់ខ្លួន។

១. អាវកីឡា

ទោះជាគេចូលចិត្ត ឬមិនចូលចិត្តកីឡាក៏ដោយ ក៏អាវកីឡាគឺជារបស់ម្យ៉ាងដែលមនុស្សប្រុសតែងចូលចិត្តបំផុត។ រាល់ពេលជួបជុំមិត្តភ័ក្ដិប្រុសៗ ពួកគេអាចប្រើអាវនេះបាន បើខ្ជិលធ្វើខ្លួនច្រើន។

២. សម្លៀកបំពាក់

ងាយជ្រើសរើសបំផុត ក៏ដូចជាងាយទិញបំផុតនោះគឺសម្លៀកបំពាក់ តែសង្សារមួយចំនួនមិនបាននឹកឃើញកាដូនេះឡើយ។ ដោយសារតែមិនងាយទិញខោអាវខ្លួនឯង បើអ្នកជូនកាដូបែបនេះ គេនឹងត្រេកអរខ្លាំងណាស់។

៣. ខ្សែក្រវ៉ាត់

សម្រាប់មនុស្សប្រុស មានខ្សែក្រវ៉ាត់ច្រើនគឺមិនខាតឡើយ ព្រោះវាអាចប្រើបាននៅច្រើនកាលៈទេសៈ។ ពេលធ្វើការ ដើរលេង ចូលកម្មវិធី គឺអាចប្រើខ្សែក្រវ៉ាត់ផ្សេងគ្នាបានទាំងអស់ ដូចនេះបើអ្នកឃើញគេមានហើយ ជូនថែមមួយទៀតក៏មិនអីដែរ។

៤.សម្ភារៈបច្ចេកវិទ្យា

ស្ទើតែមនុស្សប្រុស១០០%ទៅហើយ ដែលចូលចិត្តរបស់បច្ចេកវិទ្យាដូចជាទូរសព្ទ កុំព្យូទ័រ គ្រឿងបន្លាស់អេឡិចត្រូនិកជាដើម។ អ្នកអាចស៊ើបមើលបានថា គេកំពុងខ្វះកាសស្ដាប់ត្រចៀក ថ្មជំនួយ ឬដៃលេងហ្គេមជាដើមដើម្បីធ្វើកាដូឲ្យគេ។

៥. ក្រវ៉ាត់ក

ក្រវ៉ាត់កគឺជារបស់ដ៏សំខាន់មួយសម្រាប់មនុស្សប្រុសជាពិសេសគឺនៅពេលដែលគេចេញធ្វើការហើយ។ អ្នកអាចរើសក្រវ៉ាត់កដែលមានតម្លៃសមរម្យបន្តិច ព្រោះក្រវ៉ាត់កជារបស់ដែលងាយទាក់ទាញចំណាប់អារម្មណ៍បំផុត។

៦. ស្បែកជើង

អ្នកមានចាំទេថា លើកចុងក្រោយដែលសង្សារខ្លួនទិញស្បែកជើងគឺនៅពេលណា? មានមនុស្សប្រុសមួយចំនួន ស្បែកជើងមួយគូ គឺអាចពាក់បានរាប់ឆ្នាំ ដោយមិនខ្ចីដូរសោះតែម្ដង។ ដូចនេះកាដូស្បែកជើង អាចជួយឲ្យគេផ្លាស់ប្ដូរស្ដាយបានខ្លះដែរ កុំឲ្យច្រំដែលពេក៕