ស្ទីលតែងខ្លួនដើរលេងរបស់ស្រីស្អាត សុភាព ទន់ភ្លន់ ណាក់ ស្រីណា សាមញ្ញតែទាក់ទាញ!
- 2019-05-25 04:20:22
- ចំនួនមតិ 0 | ចំនួនចែករំលែក 0
ស្ទីលតែងខ្លួនដើរលេងរបស់ស្រីស្អាត សុភាព ទន់ភ្លន់ ណាក់ ស្រីណា សាមញ្ញតែទាក់ទាញ!
តារាស្រីមានសម្រស់ស្រស់ស្អាត ណាក់ ស្រីណា ដែលមិនសូវមានព័ត៌មានទាក់ទងនឹងរឿងស្នេហា នោះ ត្រូវបានគេកត់សម្គាល់ថា ជាតារាស្រីមានចរិត ស្រគត់ស្រគុំ សុភាព ទន់ភ្លន់ ណាស់។ ដូច្នេះហើយ គេកម្រឃើញនាងរំលេចឈុតសំលៀកបំពាក់សិចស៊ីណាស់ ទាំងក្នុងការសម្ដែង ការងារ និងជីវភាពនៅខាងក្រៅ។
ថ្មីៗ ស្រីណា ត្រូវបានគេឃើញដើរកម្សាន្តលក្ខណៈឯកជន ជាមួយ សុគន្ធ និសា ដែលគេដឹងថា ពួកគេទាំងពីររាប់អានគ្នាដូចបងប្អូនបង្កើត ខណៈ ស្រីណា ហៅ សុគន្ធ និសា ថា "បងស្រី" ពេញៗមាត់។ ក្នុងវេលាដើរលេងនោះ គេបានឃើញទៀតថា ស្រីណា នៅតែមានសម្រស់ស្រស់ស្អាត បើទោះមិនតុបតែងខ្លួនខ្លាំងក៏ដោយ។ ឈុតដើរកម្សាន្តរបស់ ពិធីការិនីទូរទស្សន៍ អាស៊ីអាគ្នេយ៍ នាពេលនោះ គឺនាងបានត្រឹមស្លៀកឈុតរ៉ូបពណ៌សលាយផ្កាពណ៌លឿង និងខៀវ យ៉ាងសាមញ្ញ។
ប៉ុន្តែសម្ផស្សនាងនៅតែលេចត្រដែត ផុសចេញពីកាយវិការ អត្តចរិត ស្នាមញញឹម និងស្ទីលផ្ទាល់ខ្លួនរបស់នាង ដែលនោះគឺជាសម្ផស្សពិតរបស់នារី។ ជារួម គឺ ណាក់ ស្រីណា ពិតជាស្រស់ស្អាត ក្នុងឈុតដើរកម្សាន្តយ៉ាងសាមញ្ញនេះ។ ចំណុចកត់សម្គាល់ថ្មីទៀតគឺថា ក្នុងដំណើរកម្សាន្តលក្ខណៈឯកជននេះ គេឃើញ ស្រី ណា ថតឈរក្បែរបុរសវ័យកណ្ដាលម្នាក់ ធ្វើឲ្យមានការសង្ស័យ។
យ៉ាងនេះក្ដី ជុំវិញបញ្ហានេះ ពិធីការិនីទូរទស្សន៍អាស៊ីអាគ្នេយ៍ បានបកស្រាយថា អ្វីៗមិនដូចការគិតរបស់បងប្អូនោះទេ។ នារីស្រគត់ស្រគំ បញ្ជាក់ថា បុរសក្នុងរូបដែលឈរជិតនាងនោះ មិនមានទំនាក់ទំនងអ្វីពិសេសជាមួយនាងទេ។ "អត់ទេបង គាត់ជាមិត្តភ័ក្ដិប្ដីបងស្រី(សុគន្ធ និសា)ខ្ញុំតើបង" ស្រីណា ថ្លែង។
អស់សង្ស័យហើយ អីចឹងត្រឡប់មកមើលស្ទីលសំលៀកបំពាក់ដ៏សាមញ្ញរបស់តារាស្រី ស្រគត់ស្រគំរូបនេះវិញ!