ស្រលាញ់គ្នាមិនហ៊ាន Show off គូស្នេហ៍ច្រើនតែជួបរឿងយ៉ាប់ៗទាំងនេះ

2019-05-10 08:00:00
ចំនួនមតិ 0 | ចំនួនចែករំលែក 0

នៅពេលស្រលាញ់គ្នា គូស្នេហ៍ខ្លះមិនបង្ហាញមុខមិត្តប្រុស ឬមិត្តស្រីជាសាធារណៈឡើយ ព្រោះយល់ថា ចង់គោរពសិទ្ធឯកជនរៀងៗខ្លួន ហើយក៏មិនចង់អួតគេពេកដែរ។ តែការដែលអ្នកលាក់លៀម មិនបង្ហាញមុខសង្សារជាចំហកាន់តែងាយស្រួលឲ្យស្នេហាអ្នកផុយស្រួយ និងជួបគុណវិបត្តិជាច្រើន។

១. ងាយស្រួលឲ្យជនទី៣ ចូលជ្រៀតជ្រែក

នៅពេលអ្នកមិនបង្ហាញពីដៃគូស្នេហាជាសាធារណៈ ដូច្នេះគ្មានអ្នកណាដឹងថាអ្នកមានមិត្តស្រី ឬមិត្តប្រុសរួចនោះទេ។ គេស្មានតែអ្នកនៅ Single មិនទាន់មានស្នេហា អ៊ីចឹងហើយទើបជាឱកាសងាយស្រួលសម្រាប់ជនទី៣ ឆក់យកមនុស្សជាទីស្រលាញ់អ្នកទៅពីដៃយ៉ាងផុយស្រួយបំផុត។

២. មិនអាចបង្ហាញអារម្មណ៍ចំពោះគ្នា

សូម្បីចង់ជូនពរថ្ងៃកំណើតឲ្យ Sweet ក៏ពិបាក សូម្បីចង់ផុសរូបថតជាមួយគ្នាក៏ពិបាក បង្ហាញអារម្មណ៍ព្រួយបារម្ភ ឬ យកចិត្តទុកដាក់គ្នាឲ្យរ៉ូមែនទិកដាក់គ្នាក៏ពិបាក ព្រោះគ្រប់យ៉ាងអាចបង្ហាញត្រឹមតែក្នុងឆាត ឬពេលជួបផ្ទាល់ប៉ុណ្ណោះ មើលទៅមិនខុសពីស្នេហាលួចលាក់នោះទេ។ ដោយសារតែស្នេហាមិនអាច Show Off បានដូច្នេះធ្វើអ្វីៗ ក៏ត្រូវលាក់បាំងដែរ គឺដឹងតែអ្នកនិងសង្សារប៉ុណ្ណោះ។

៣. បើកឱកាសឲ្យមិត្តប្រុស ជាព្រាននារី

អ្នកធ្លាប់លឺគេនិយាយដែរទេថា "ហេតុអ្វី មានសង្សាររួចហើយ នៅមកទាក់ទងនារីផ្សេងទៀត" នេះមកពីអ្នកនិងសង្សារ មិនបង្ហាញឲ្យគេដឹង ទើបជាឱកាសល្អ ធ្វើឲ្យមិត្តប្រុសមានដៃ អាចលួចញ៉ែស្រីផ្សេងបាន។ ជួនកាលនារីម្នាក់ទៀត ដែលត្រូវសង្សារអ្នកញ៉ែ មិនបានតាំងចិត្តមានចិត្តលើមិត្តប្រុសអ្នកទេ ព្រោះស្មានតែគេគ្មានសង្សារ ។ បើស្រលាញ់គ្នា ហើយកុំលាក់លៀម បង្ហាញគ្រប់គ្នាថា សង្សារអ្នកមានមិត្តស្រីរួចហើយ ដូច្នេះទោះមិត្តប្រុសអ្នកចង់លួចទាក់ទាក់ទងនារីផ្សេង ក៏ពិបាកនឹងទៅរួចដែរ។

៤. មិនអាចទុកចិត្តគ្នាបាន

អ្នកនិងគេ សុទ្ធប្រាប់ខ្លួនឯងថា ជាសង្សារនឹងគ្នា តែសង្សារអីទៅ បើអត់មានអ្នកណាដឹងផង។ តម្លៃស្នេហាដែលគេឲ្យអ្នក បានត្រឹមមនុស្សលួចលាក់ មានន័យថាគេមិនច្បាស់លាស់ជាមួយអ្នកទេ ហើយគេក៏មិនស្រលាញ់អ្នកខ្លាំងដែរ ព្រោះបើគេស្រលាញ់អ្នកពិតប្រាកដមែន ខ្លាចអីនឹងបង្ហាញជាសាធារណៈ។

បើស្រលាញ់គ្នាមែន គួរតែបើកចំហជាសាធារណៈ ព្រោះយ៉ាងហោចអ្នកបានផ្តល់តម្លៃឲ្យដៃគូមើលឃើញថា អ្នកមិនលេងសើចជាមួយចំណងស្នេហាមួយនេះទេ។ លើសពីនេះ អ្នកទី៣ ក៏មិនមកសង្ញំ លួចយកស្នេហាពីអ្នកបានដែរ។ ផ្តល់តម្លៃឲ្យគ្នា ហើយក៏កុំគិតថា ខ្លួនឯងមានសង្សារហើយ Show Off ទៀត ដូចធ្វើស៊ីផ្លូវចិត្តអ្នកអត់លិតពេកនោះទេដឹង៕