ប្រយ័ត្នយ៉ាប់ខ្លួន! អ្នកដំណើរគួរជៀសវាងកៅអីអង្គុយ ៥ កន្លែងនេះនៅលើយន្តហោះ

2019-05-06 07:25:00
ចំនួនមតិ 0 | ចំនួនចែករំលែក 0

លើសពីការចាប់អារម្មណ៍តែទៅលើក្រុមហ៊ុនអាកាសចរណ៍ ការជ្រើសរើសកៅអីអង្គុយក៏ជាជម្រើសដ៏ធំមួយដែលអាចធ្វើឲ្យអ្នកដំណើររីករាយបាន។ នេះជាទីតាំង ៥ កន្លែងដែលយ៉ាប់ខ្លាំងបំផុតលើយន្តហោះ អ្នកគួរតែជៀសវាងដើម្បីកុំឲ្យមានបញ្ហាពេលធ្វើដំណើរ។

កៅអីកណ្ដាល

កន្លែងនេះជាកន្លែងដែលអ្នកត្រូវជាប់គាំងនៅចន្លោះអ្នកដំណើរពីរនាក់ផ្សេងទៀត និងមានអារម្មណ៍ថាធុញថប់។ ការក្រោកឈរពេលហោះហើរត្រូវបានគេហាមឃាត់ ជាពិសេសនៅពេលដែលអ្នកត្រូវហោះហើររយៈពេលយូរ។ អ្នកនឹងមានការស្ទាក់ស្ទើរគ្រប់ពេលអ្នកចង់ទៅបន្ទប់ ឬប្រើប្រាស់សេវាកម្មផ្សេងៗនៅលើយន្តហោះ ដោយសារតែអ្នកខ្លាចរំខានអ្នកដំណើរដែលអង្គុយក្បែរអ្នក។

អង្គុយនៅជិតបង្គន់

អ្នកនឹងមិនអាចសម្រាកបានស្រួលពេលធ្វើដំណើរទេព្រោះអ្នកនឹងត្រូវបានរំខានដោយការបិទនិងបើកទ្វារបង្គន់ផ្សំមកជាមួយនឹងក្លិនចម្លែក។ ការដើរចុះឡើងរបស់អ្នកដំណើរទៅបន្ទប់ទឹកនឹងធ្វើឲ្យអ្នកមិនអាចគេងលក់បានស្រួលទេ។

ជួរចុងក្រោយគេ

មិនថាជាយន្តហោះខ្នាតធំឬតូចទេ ជួរកៅអីនេះភាគច្រើនគឺនៅជិតផ្ទះបាយ និងបន្ទប់ទឹក។ អ្នកនឹងជួបបញ្ហាក្លិនជាច្រើន និងត្រូវបានរំខាននៅពេលដែលអ្នកធ្វើដំណើរ និងអ្នកធ្វើការលើយន្តហោះដើរទៅដើរមក។ ជួរកៅអីចុងក្រោយក៏ត្រូវបានគេបម្រើម្ហូបក្រោយគេដែរ។ សម្រាប់យន្តហោះខ្នាតតូចដែលមានតែទ្វារឡើងនិងចុះ អ្នកនឹងត្រូវរង់ចាំអ្នកដំណើររៀបចំអីវ៉ាន់ពីថ្នាក់ខាងលើ ហើយមិនអាចចុះពីយន្តហោះបានលឿនទេ។

កន្លែងអង្គុយដែលមានកន្លែងបំបៅក្មេង

មនុស្សស្ទើរតែគ្រប់គ្នាហើយដែលមិនស្រណុកចិត្តជាមួយសំឡេងយំនិងស្រែករបស់ក្មេងពេលធ្វើដំណើរលើយន្តហោះទេ។ វានឹងពិបាកនៅពេលអ្នកជួបបញ្ហាបែបនេះពេលធ្វើដំណើរទៅឆ្ងាយ បើសិនអ្នកចូលទៅ Check in អ្នកគួរតែបញ្ជាក់ឲ្យច្បាស់ជាមួយបុគ្គលិកនៅ counter ថាតើមានអ្នកដំណើរដាក់កូននៅក្បែរកន្លែងអ្នកអង្គុយដែរទេ។

អង្គុយជិតទ្វារចូល

កន្លែងអង្គុយនេះស្ដាប់ទៅដូចជាល្អដោយសារតែវាជាជួរទី១ អ្នកអាចដាក់ជើងបានស្រួលព្រោះគ្មានកៅអីនៅខាងមុខទេ។ ទោះបីជាបែបនេះក៏ដោយតែអ្នកត្រូវនៅជិតនឹងជញ្ជាំង បើសិនជាអ្នកមិនអង្គុយជាប់នឹងបង្អួចទេ វានឹងជាកន្លែងដែលត្រជាក់ខ្លាំងជាងគេបំផុតនៅលើយន្តហោះ៕