ប្រឹងបិទម៉ាសយ៉ាងម៉េចក៏មុខមិនស្អាតដែរ បើមិនដឹងតិចនិកទាំងនេះ

2019-02-26 07:00:00
ចំនួនមតិ 0 | ចំនួនចែករំលែក 0

មានពេលវេលាជាក់លាក់មួយចំនួនដែលស្បែករបស់យើងមិនអាចទទួលបានសារជាតិបំប៉ននៅក្នុងម៉ាសនោះទេ ថែមទាំងធ្វើឲ្យស្បែកអាក្រក់ជាងមុនទៀតផង។ ដូចនេះ មុនពេលបិទម៉ាសក្រណាត់ គួរមើលចំណុចទាំងនេះ។

ពេលយប់

ជាធម្មតា មនុស្សស្រីភាគច្រើនតែងជ្រើសយកពេលយប់ចូលគេងដើម្បីបិទម៉ាសដើម្បីលំហែអារម្មណ៍ផង។ យ៉ាងណាក្ដី ពេលយប់គឺជាពេលដែលខ្លួនប្រាណយើងបញ្ចេញជាតិពុល ដើម្បីធ្វើការចម្រោះ ហើយបញ្ចេញសារជាតិ Melatonin ធ្វើឲ្យយើងងាយគេងលក់។ ហេតុនេះហើយ ការបិទម៉ាសធ្វើឲ្យប្រព័ន្ធនេះត្រូវរអាក់រអួល មិនអាចបញ្ចេញ melatonin ធ្វើឲ្យគេងមិនលក់់ ស្បែកមិនអាចកកើតកោសិការថ្មីបាន។ ហេតុនេះហើយ ដើម្បីបានស្បែកស្អាត គួរបិទម៉ាសពីពេលព្រលប់ល្អជាង។

រូបតំណាង

**បិទម៉ាសរាល់ថ្ងៃ**

អ្នកខ្លះញៀននឹងការបិទម៉ាស រហូតដល់បិទរាល់ថ្ងៃ។ តែតាមការពិត ស្បែកយើងគួរបិទម៉ាសត្រឹម ២ ទៅ ៣ដងតែប៉ុណ្ណោះក្នុង១ សប្ដាហ៍ ព្រោះបិទច្រើនជាងនេះ ក៏ស្បែកទទួលជីវជាតិមិនអស់ដែរ។ ក្រោយពេលបិទម៉ាស គួរលាងចេញដោយទឹកតិចៗ និងម៉ាស្សាថ្នមៗឲ្យជីវជាតិជ្រាបចូលបានជ្រៅ។

ស្បែកកំពុងឡើងមុនខ្លាំង

ម៉ាសមានគុណប្រយោជន៍ដើម្បីបំប៉នស្បែកមុខ តែពេលខ្លះក៏ជាសត្រូវនៃស្បែកមុខដែរ ពេលមុខអ្នកកំពុងកើតមុន។ សារជាតិបំប៉ននៅក្នុងម៉ាស នឹងជំរុញឲ្យមុនលើមុខកកើតរឹតតែច្រើន។ ដូច្នេះហើយ ពេលកំពុងឡើងមុន អ្នកគួរប្រើគ្រឿងសម្អាងព្យាបាលមុន ជៀសវាងបិទម៉ាស៕